Ինովացիոն և բիզնես զարգացման դրամաշնորհային ծրագրեր՝ Հայաստանում ՓՄՁ զարգացմանն ուղղված
«Աջակցություն ՓՄՁ զարգացմանը Հայաստանում» ծրագիրը և Ձեռնարկությունների ինկուբատոր հիմնադրամը կիրականացնեն գիտատեխնիկական ոլորտում ձեռնարակատիրական գործունեությանն ու նորարարություններին ուղղված համաֆինանսավորվող դրամաշնորհային նոր մրցույթներ՝
- նորարարությանն ուղղված համաֆինանսավորվող դրամաշնորհներ,
- գիտատեխնիկական ոլոտրում ձեռնրակատիրական գործունեությանն ուղղված դրամաշնորհներ:
Նորարարությանն ուղղված համաֆինանսավորվող դրամաշնորհների մրցույթի շրջանակում 2017, 2018/2019թ-ի ընթացքում կհատկացվի 18 դրամաշնորհ` 30.000 մինչև 50.000 եվրոյի չափով՝ նախատեսված առավելագույնը 12 ամիս տևողությամբ ծրագրերի համար, իսկ գիտատեխնիկական ոլորտում ձեռնարկատիրական գործունեությանն ուղղված դրամաշնորհների մրցույթի շրջանակում 2017, 2018/2019թ hամար կհատկացվի շուրջ 10 դրամաշնորհ՝ 15.000 եվրո ծավալով, նախատեսված առավելագույնը 12 ամիս տևողությամբ ծրագրերի համար:
Ներկայումս արդեն իսկ բաց է նորարարությանն ուղղված համաֆինանսավորվող դրամաշնորհների մրցույթը և ընդունվում են մասնակցության հայտեր: Մրցույթին կարող են մասնակցել հայաստանյան ընկերությունները, որոնք ունեն տեխնոլոգիական ուղղվածություն և համապատասխան փորձ, օրինակ` ճարտարագիտության, մաքուր տեխնոլոգիաների, կենսատեխնոլոգիաների ոլորտում, առնվազն մեկ տարի գրանցված են Հայաստանի Հանրապետությունում:
Հայտեր ներկայացման վերջնաժամկետը փետրվարի 5-ն է: Հայտերի ներկայացման վերաբերյալ մանրամասն տեղեկությունների տրամադրման նպատակով շահագրգիռ բոլոր մասնակիցների համար կկազմակերպվի ծանուցողական հանդիպում:
Ծրագիրը նպատակ է հետապնդում խթանել տեխնոլոգիաների յուրացման ընթացքն ու գիտական հետազոտությունների արդյունքների առևտրայնացումը, ինչպես նաև խրախուսել համագործակցություն գիտության և մասնավոր հատվածի, հատկապես հայաստանյան ՓՄՁ-ների միջև:
Մրցույթը դրամաշնորհառուներին կաջակցի նաև իրականացնելով հետևյալ գործունեությունը՝
- նախնական ֆինանսավորման հատկացում՝ համաֆինանսավորվող դրամաշնորհների մրցույթի արդյունքում հաղթող ճանաչված սկսնակ ընկերություններին,
- մենթորություն, կապերի հաստատման հնարավորություններ, օգտագործողների պահանջների վրա հիմնված նորարարությունների առևտրայնացման ռազմավարությունների մասնագիտական վերլուծություններ և գործարարության զարգացում,
- կապեր՝ պոտենցիալ ներդրողների հետ:
ԻՆՈՎԱՑԻՈՆ և ԲԻԶՆԵՍ ԶԱՐԳԱՑՄԱՆ ԴՐԱՄԱՇՆՈՐՀԱՅԻՆ ԾՐԱԳՐԵՐ 
