Ընթացիկ Նորություններ

ԻՔ էլեկտրասնուցման համակարգերի մասնագետ

Հ Ա Յ Տ Ա Ր Ա Ր ՈՒ Թ Յ ՈՒ Ն

«Ձեռնարկությունների ինկուբատոր» հիմնադրամն՝ Ինժեներական քաղաքի կարիքների համար փնտրում է էլեկտրասնուցման համակարգերի մասնագետ։

Նշված պայմաններին բավարարող բոլոր հետաքրքրված անձինք կարող են մինչև 2022թ-ի նոյեմբերի 30-ը (ներառյալ) ուղարկել իրենց ինքնակենսագրականը [email protected] հասցեին՝ վերնագրի հատվածում նշելով՝ «Electric»:

Հետազոտական նախագծերի նախատիպավորման հիմունքներ

ՀԱՅՏԱՐԱՐՈՒԹՅՈՒՆ

«Հզորացնելով ճարտարագիտությունը» դասընթացների շարք

 

«Ձեռնարկությունների ինկուբատոր» հիմնադրամի (ՁԻՀ) կողմից՝ PMI Science գիտահետազոտական կենտրոնի աջակցությամբ իրականացվող «Հզորացնելով ճարտարագիտությունը» դասընթացների շարքի շրջանակում հայտարարվում է «Հետազոտական նախագծերի նախատիպավորման հիմունքներ» անվճար դասընթացի հայտերի ընդունման մեկնարկը:

ԻՆԺԵՆԵՐԱԿԱՆ ՔԱՂԱՔ

 

ԻՆԺԵՆԵՐԱԿԱՆ ՔԱՂԱՔ

Ինժեներական քաղաքը պետություն-մասնավոր գործընկերության հենքով ծրագիր է, որն իրականացվում է «Ձեռնարկությունների ինկուբատոր» հիմնադրամի, ՀՀ կառավարության, Համաշխարհային բանկի, ՀՀ բարձր տեխնոլոգիական արդյունաբերության նախարարության, և մասնավոր հատվածի համագործակցությամբ և աջակցությամբ։

«Ինժեներական քաղաք» նախաձեռնության նպատակն է Հայաստանում Ինժեներական քաղաքի հիմնման միջոցով նպաստել Ինժեներական և Բարձր տեխնոլոգիաների (ԻԲՏ) ոլորտի հետագա զարգացմանը` խթանելով Հայաստանում տնտեսության մրցունակության և արտադրողականության բարձրացումը:

 

 Ծրագրի նպատակներն են՝

  • Հայաստանի ինժեներական կլաստերի ձևավորում՝ ոլորտի դերակատարների համագործակցության և կապերի ստեղծման դյուրացում, համատեղ արտադրության/ռեսուրսների լաբորատորիաների գործարկում,
  • ժամանակակից ենթակառուցվածքի ստեղծում, որը ներառում է Ինժեներական բիզնես աքսելերատոր և համատեղ աշխատանքային տարածք, Ինժեներական կենտրոն-ինժեներական պլազա, Գիտության և տեխնիկայի թանգարան, Տիեզերքի թանգարան և ԻՔ ռեզիդենտ ընկերությունները, ԻՔ-ում կառույցների, լաբորատորիաների և համատեղ օգտագործվող ռեսուրսների տարածքների սարքավորումներով հագեցում և կահավորում,
  • կենտրոնացված գիտելիքներ բարձր տեխնոլոգիական մրցակցային լուծումների «արտադրության» և ձեռնարկությունների մասին, ձեռնարկություններին հետագա զարգացման համար տրամադրվող աջակցություն,
  • համատեղ օգտագործվող ռեսուրսներ, աջակցող ենթակառուցվածք՝ ժամանակակից սարքավորումներով և տեխնոլոգիաներով, որոնք հասանելի չեն և թանկարժեք են առանձին ընկերությունների համար,
  • աշխարհահռչակ տեխնոլոգիական համալսարանների հետ համատեղ հետազոտական ծրագրերի իրականացում, համագործակցության խթանում
  • նոր ճարտարագիտական ընկերությունների, նոր ճարտարագիտական աշխատատեղերի ստեղծման խթանում,
  • ճարտարագիտական ձեռնարկությունների աքսելերացիա, արտադրողականության և արտահանման ծավալների մեծացում,
  • որակյալ աշխատուժի պատրաստում՝ բարձր տեխնոլոգիաների մասնագետներ, ճարտարագետներ,

 

Ինժեներական քաղաքում գործունեության հիմնական ոլորտները հետևյալն են՝

  • Անվարորդ տեխնոլոգիաների առաջատար լաբորատորիա,
  • 5G հետազոտական լաբորատորիա, 
  • Իրերի ինտերնետ /IOT/ արդյունաբերական լաբորատորիա,
  • Կիսահաղորդիչների տեստավորման լաբորատորիա,
  • Ռադիո-հաճախականության և միկրոալիքների լաբորատորիա
  • Մեքենաների լաբորատորիա (Machine Lab)
  • Չափման լաբորատորիաներ (Measurement Labs)

 

Ինժեներական քաղաքը նախատեսվում է ապահովել առաջատար ինժեներական սարքավորումներով, հետազոտական ​​և նախատիպային լաբորատորիաներով, հաստոցաշինության և արտադրական մեքենաներով, որոնք հասանելի են ինչպես ԻՔ-ում գործող, այնպես էլ  ինժեներական  և բարձր տեխնոլոգիական ոլորտի այլ ընկերությունների համար:

 

Ինժեներական քաղաքում գործունեություն ծավալելու և Ռեզիդենտի կարգավիճակ ստանալու  պայմաններին և ընթացակարգին կարող եք ծանոթանալ հետևյալ հղումով՝ htt://www.eif.am/arm/news/engineering-city/։

 

Ինժեներական քաղաքի ինժեներական բիզնես աքսելերատորի շենքում հասանելի են լինելու նաև վարձակալության հիմքով տարածքներ, որոնք հնարավորություն կտան նոր ձևավորվող ինժեներական և բարձր տեխնոլոգիական ոլորտի ընկերություններին գործունեություն ծավալել ԻՔ-ում և օգտվել ԻՔ-ում գործող բոլոր հնարավորություններից։



Կապ | Մեր մասին | Ծրագրեր | Ծառայություններ | Նորություններ | Հետազոտություններ | ՈՒղեցույցեր | R&D Էկոհամակարգ | ԲԼՈԳ