Ընթացիկ Նորություններ

ՀԱՄԱԳՈՐԾԱԿՑՈՒԹՅՈՒՆ PMI SCIENCE-Ի ՀԵՏ

«Ձեռնարկությունների ինկուբատոր» հիմնադրամը PMI Science-ի հետ համագործակցության շրջանակում 2018թ-ից իրականացնում է Հայաստանում հետազոտությունների ու մշակումների (R&D) էկոհամակարգի զարգացման մի շարք ծրագրեր։ Հայաստանում հետազոտական ինստիտուտների ու համալսարանների զարգացման աջակցություն տրամադրող այսպիսի ծրագրերի առկայությունը էական դեր է խաղում գիտական տարբեր բնագավառներում զգալի աճ գրանցելու ուղղությամբ, ինչպիսիք են օրինակ՝ կիրառական մաթեմատիկա ու ֆիզիկա, բիոինֆորմատիկա, բիոտեխնոլոգիաներ, կենսաբժշկություն, տվյալագիտություն, արհեստական բանականություն, մեքենայական ուսուցում, արդյունաբերական և համակարգային ինժեներություն, նյութագիտություն և այլն։

ՁԻՀ և PMI Science hամագործակցության ներքո կարևորվում է գիտական համայնքի շրջանում համագործակցության մթնոլորտի ձևավորումը, տարբեր միջոցառումների միջոցով շփումը տեղի և արտասահմանի գիտնականների միջև, ինչպես նաև նոր գիտական և կրթական նախաձեռնությունների ստեղծումը։

Մասնավորապես իրականացվում են հետևյալ ծրագրերը՝

• Հետազոտական աշխատանքների ֆինանսավորման ծրագիր,
• Ասպիրանտների աջակցության ծրագիր,
• ԵՊՀ «Տվյալների գիտությունը բիզնեսում» մագիստրոսական ծրագի,
• ԵՊՀ «Նյութագիտություն» մագիստրոսական ծրագիր,
• Գիտական ինկուբացիայի ծրագիր,
• «Հրավիրյալ հետազոտողներ» ծրագիր,
• Դասընթացներ, համաժողովներ, դասախոսություններ և հանդիպումներ և այլն։

Ցանկանո՞ւմ ես առաջինը տեղեկանալ «Ձեռնարկությունների ինկուբատոր» հիմնադրամի կողմից՝ PMI Science-ի աջակցությամբ իրականացվող ծրագրերի մասին: Բաժանորդագրվի՛ր մեր շաբաթական տեղեկագրին՝