Ընթացիկ Նորություններ

Լուսանկարների մրցույթ «Արցախյան պատերազմ 2020 ՏԱՐԵԳՐՈՒԹՅՈՒՆ»

ՀԱՅՏԱՐԱՐՈՒԹՅՈՒՆ

«Արցախյան պատերազմ 2020 ՏԱՐԵԳՐՈՒԹՅՈՒՆ» խորագրով լուսանկարների մրցույթ

 

«Ձեռնարկությունների ինկուբատոր» հիմնադրամը հայտարարում է լուսանկարների մրցույթ՝ «Արցախյան պատերազմ 2020 ՏԱՐԵԳՐՈՒԹՅՈՒՆ» խորագրով:

 

2020թ-ը պատմության մեջ կամրագրվի որպես համաշխարհային տարաբնույթ փորձությունների տարեգրություն։ Իսկ մեզ՝ հայերիս համար, նաև պատերազմական ու անդառնալի կորուստների մի պատմական էջ:

ՀԱՄԱՖԻՆԱՆՍԱՎՈՐՎՈՂ ԴՐԱՄԱՇՆՈՐՀՆԵՐԻ ՄՐՑՈՒՅԹ

ՀԱՅՏԱՐԱՐՈՒԹՅՈՒՆ /03.03.2021/

 

«Ձեռնարկությունների ինկուբատոր» հիմնադրամը՝ ՀՀ կառավարության, ՀՀ բարձր տեխնոլոգիական արդյունաբերության նախարարության և Համաշխարհային Բանկի աջակցությամբ իրականացվող «Համաֆինանսավորվող դրամաշնորհներ»-ի ծրագրի շրջանակում հայտարարում է Նորարարության զարգացման և Մարզային համաֆինանսավորվող դրամաշնորհների մրցույթի նոր փուլ։

Մենք առաջարկում ենք ծառայությունների լայն շրջանակ՝ բիզնեսի աջակցում և խորհրդատվություն, աշխատուժի հմտությունների կատարելագործում, տարածքների և ենթակառուցվածքի տրամադրում: Մեր կարողություններն ու հարուստ փորձը օգտակար կլինեն ՏՏ ոլորտի ինչպես սկսնակ և խոշոր վերազգային ընկերությունների, այնպես էլ պետական ու հանրային կազմակերպությունների, միջազգային գործակալությունների համար:


Մեր կողմից առաջարակվող բիզնեսի և ենթակառուցվածքի զարգացման ծառայություններով անհատական աջակցություն է ցուցաբերվում ՏՏ ոլորտի տեղական սկսնակ ընկերություններին և Հայաստանում գործող միջազգային ՏՏ ընկերությունների մասնաճյուղերին: Համագործակցելով համաշխարհային առաջատար բուհերի և ՏՏ ընկերությունների հետ՝ մենք առաջարկում ենք աշխատուժի հմտությունների զարգացման մի շարք ծրագրեր, որոնք կպատրաստեն բարձր որակավորմամբ մասնագետներ և ղեկավար անձնակազմ, ինչը հիմք է հանդիսանում հավելյալ արժեքի ստացման համար: 


Մեր խորհրդատվական ծառայությունների լայն փաթեթը պետական և մասնավոր հատվածի կազմակերպություններին կտրամադրի բազմակողմանի խորհրդատվություն ռազմավարության մշակման, կառավարման, իրավական և ֆինանսական հարցերի շուրջ: Աշխատելով պետական գործակալությունների և միջազգային կազմակերպությունների հետ՝ մենք նպատակ ունենք ստեղծել բարենպաստ գործարար միջավայր ՏՏ ընկերությունների համար: Մենք օգնում ենք մասնավոր ընկերություններին մշակել նոր ռազմավարություն, բարձրացնել կառավարման և մարքեթինգային գործունեության արդյունավետությունը՝ այդպիսով մեծացնելով ընկերության արտադրողականությունն ու աճի տեմպերը:


Բարենպաստ գործարար միջավայր, ոլորտի զարգացում և ընկերությունների առաջընթաց՝ սա է մեր նպատակն ու առաքելությունը:



Պատկերասրահ | Մեր մասին | Ծրագրեր | Ծառայություններ | Նորություններ | Հետազոտություններ | ՈՒղեցույցեր | R&D Էկոհամակարգ | ԲԼՈԳ | Կապ