Ընթացիկ Նորություններ

ՆՈՐԱՐԱՐՈՒԹՅԱՆ ԶԱՐԳԱՑՄԱՆ ԵՎ ՄԱՐԶԱՅԻՆ ՀԱՄԱՖԻՆԱՆՍԱՎՈՐՎՈՂ ԴՐԱՄԱՇՆՈՐՀՆԵՐ

«Ձեռնարկությունների Ինկուբատոր» հիմանդրամը, կարևորելով տեղական ընկերությունների ստեղծումը և մարզային տեխնոլոգիական ապակենտրոնացումը, իրականացնում է համաֆինանսավորվող դրամաշնորհների մի շարք ծրագրեր:

Ծրագրի մեկնարկը տրվել է 2014թ-ին, երբ «Ձեռնարկությունների Ինկուբատոր» հիմանդրամը ՀՀ կառավարության և Համաշխարհային բանկի աջակցությամբ իրականացվող «Էլեկրոնային հասարակության և մրցունակության համար նորարարության» վարկային ծրագրի շրջանակներում իրականացրեց Նորարարության զարգացման համաֆինանսավորվող դրամաշնորհների ծրագրեր՝ թիրախավորելով Երևանում, Գյումրիում և Վանաձորում գործող տեխնոլոգիական թիմերին և ընկերություններին:

«Ձեռնարկությունների Ինկուբատոր» հիմանդրամը, 2019թ-ից մեկնարկեց Համաֆինանսավորվող դրամաշնորհների ծրագրի նոր փուլ՝ ՀՀ կառավարության և Համաշխարհային բանկի աջակցությամբ իրականացվող «Առևտրի խթանման և որակի ենթակառուցվածքի» (ԱԽՈԵ) ծրագրի շրջանակներում` թիրախավորելով բոլոր մարզերը և նպատակ ունենալով խթանել ավանդական ոլորտներում նոր տեխնոլոգիաների ներդրումն ու կիրառումը:

ՁԻՀ-ի կողմից իրականացվող համաֆինանսավորվող դրամաշնորհային ծրագրերի նպատակը նոր լուծումների, պրոդուկտների, ծառայությունների կամ գործընթացների ադապտացմանը, բարելավմանը և (կամ) զարգացմանն աջակցելն է, ինչը կնպաստի մասնավոր հատվածում տեխնոլոգիաների ներդրման ու կիրառման, տեխնոլոգիաների փոխանցման, նորարարության զարգացման և առևտրայնացման խթանմանը,  գիտահետազոտական կենտրոնների և արդյունաբերության ճյուղերի միջև համագործակցության խրախուսմանը, նոր տեխնոլոգիաներով աշխատող ընկերությունների ստեղծմանն ամբողջ Հայաստանում՝ հատկապես նպաստելով տեխնոլոգիական ոլորտում կենսունակ ձեռնարկությունների զարգացմանը ՀՀ մարզերում:

Դրամաշնորհային ծրագրի շրջանակում ընտրված մասնակիցները հնարավորություն են ստանում աշխատելու նաև փորձառու մենթորների հետ, որոնց աջակցությամբ  ստանում են ծրագրերի ներկայացման, ներդրումներ, միջազգային պատվիրատուներ և գործընկերներ ներգրավելու հմտություններ (URL: https://bootcamp.eif.am/ )։

Ծրագրի միջոցով համաֆինանսավորում ստացած բազմաթիվ ընկերություններ և ստարտափեր շարունակում են իրենց հաջող գործունեությունը (URL: https://startups.eif.am/)