Ընթացիկ Նորություններ

«Գրանատուս Վենչուրս»-ը Հայաստանի առաջին վենչուրային ընկերությունն է, որը ստեղծվել է Համաշխարհային բանկի «Էլեկտրոնային հասարակության և մրցունակության համար նորարարության ծրագրի» շրջանակում՝ ՁԻՀ-ի կողմից իրականացվող «Սկսնակ և սկզբնական փուլի ֆինանսավորման հիմնադրամ» բաղադրիչի աջակցությամբ։

«Գրանատուս Վենչուրս»-ն ապահովում է ֆինանսավորում, խորհրդատվություն, ինչպես նաև տրամադրում է կապերի լայն ցանց Հայաստանում հիմնված կամ գործունեություն ծավալող տեխնոլոգիական նորաստեղծ և խոստումնալից ընկերություններին:

Հիմնադրամը ստեղծվել է 2013թ-ին երեք համահիմնադիրների՝ Ի-Վի Քոնսալթինգ ընկերության տնօրեն Մանուկ Հերգնյանի, Սինգապուրում վենչուրային հիմնադրամների ղեկավար, հայկական ծագումով վենչուրային ներդրող Պիեր Հեննեսի և վենչուրային ձեռնարկատեր Երվանդ Սարգսյանի կողմից, ինչպես նաև Հայաստանի Հանրապետության Կառավարության, ՀՀ, ԱՄՆ և այլ երկրների մասնավոր հատվածների կողմից կատարված ներդրումների աջակցությամբ՝ նպատակ ունենալով նպաստել Հայաստանում բարձր տեխնոլոգիաների ոլորտին: 

Հիմնադրամի գործունեության գլխավոր ուղղությունն է կատարել ներդրումներ տեխնոլոգիական և ինովացիոն ընկերություններում, որոնք արդյունավետ գործում են ինչպես առաջատար` ՏՀՏ (Ծրագրային ապահովում, ինտերնետ, թվային մեդիա, մոբայլ տեխնոլոգիաներ); ճարտարագիտության (սարքավորումներ, ծրագրային ապահովում և էլեկտրոնիկա); մաքուր տեխնոլոգիաների և այլ ոլորտներում: Հիմնադրամը կատարում է ներդրումներ այն նորաստեղծ ընկերություններում, որոնք իրենց հիմնական գործունեությունն իրականացնում են Հայաստանում:

«Էլեկտրոնային հասարակության և մրցունակության համար նորարարության ծրագրի» ավարտից հետո ՀՀ կառավարությունը հաջողությամբ դուրս է եկել վենչուրային ընկերությունից և «Գրանատուս Վենչուրս»-ը շարունակում է իր գործունեությունը՝ առանց ՁԻՀ-ի մասնակցության։

Մանրամասն տեղեկությունների համար այցելեք` www.granatusventures.am