ՁԻՀ-ի «Ալիք» երիտասարդական նախաձեռնություն
«Ալիք»-ը «Ձեռնարկությունների ինկուբատոր» հիմնադրամի երիտասարդական նախաձեռնությունն է, որը նպատակ ունի ձևավորել որոշումներ կայացնող, փոփոխություններ կերտող գիտակից սերունդ, որն ապրում և արարում է իր երազած Հայաստանում։
Նախաձեռնության նպատակն է բացահայտել ՀՀ բոլոր մարզերից և Երևանից 12-ից 29 տարեկան երիտասարդների ներուժն ու հետաքրքրությունները և ստեղծել միջավայրեր (ակումբների, վիրտուալ քննարկումների և ինտերակտիվ հանդիպումների ձևաչափերով)` ինքնակազմակերպման և ինքնարտահայտման համար։
Նախաձեռնությունը երիտասարդներին առաջարկում է միանալ հմտությունների ու կարողությունների զարգացմանն ուղղված ամենատարբեր ոլորտներն ընդգրկող ակումբների, ձեռք բերել նոր ծանոթություններ՝ ՀՀ տարբեր մարզերից, ստանալ կամավորության փորձ, առաջնորդել և կիսվել իրենց լավագույն փորձառությամբ։
Միանալով և սկսելով այս անհավանական ճամփորդությունը՝ «Ալիք»-ի մասնակիցները կանցնեն իրենց անձնական զարգացման ճանապարհը, որը նախատեսում է հմտությունների ու գիտելիքների զարգացմանն ուղղված սովորելու, իրագործելու, կիսվելու և առաջնորդելու փուլեր։
Այդ ամենին զուգահեռ, երիտասարդները՝ լինելով կրողն այն կարևորագույն արժեքների, ինչպիսիք են ազնվությունը և արդարությունը, քաջությունն ու նախաձեռնողականությունը, համառությունը, պատասխանատվությունը և հոգատարությունը, իրենց համայնքներում կտարածեն այս արժեքները՝ ձևավորելով ակումբներ և իրականացնելով միջոցառումներ, որոնք անմիջականորեն առնչվում են իրենց հետաքրքրությունների շրջանակին։ Դրանք կարող են ընդգրկել բազմապիսի ոլորտներ՝ տեխնոլոգիաներ, մշակույթ, սպորտ, արվեստ, գիտություն և այլն։
ՁԻՀ-ի ԵՐԻՏԱՍԱՐԴ ԴԵՍՊԱՆՆԵՐ
2025 թվականի օգոստոսից «Ալիք» երիտասարդական նախաձեռնության շրջանակում մեկնարկել է «ՁԻՀ-ի երիտասարդ դեսպաններ» ծրագիրը, որն ուղղված է բոլոր մարզերի երիտասարդների միջև համագործակցության խորացմանը և «Ալիք»-ի տեսլականի ընդլայնմանը։
Դեսպանները ընտրվում են մեկ տարով և հանդես են գալիս որպես կապող օղակ մարզային համայնքների, «ՁԻՀ»-ի ծրագրերի և «Ալիք» նախաձեռնության միջև։ Վերջիններս նպաստում են տեղական երիտասարդական միջավայրի ակտիվացմանը, ծրագրերի տարածմանը և նոր համագործակցությունների ձևավորմանը։ Դեսպաններից յուրաքանչյուրը նաև համակարգում է իր հետաքրքրություններով պայմանավորված ոլորտային ծրագրեր և նախաձեռնություններ։
2025-2026թթ. ՁԻՀ-ի ԵՐԻՏԱՍԱՐԴ ԴԵՍՊԱՆՆԵՐՆ ԵՆ․
- Արսեն Կարապետյան - Կոտայքի մարզի դեսպան, «Wave-Կոտայք» համայնքի պատասխանատու
- Միլենա Այդինյան - Երևանի դեսպան, «Wave-Երևան» համայնքի պատասխանատու
- Լեյլի Հայրապետյան - Արմավիրի մարզի դեսպան, «Wave-Արմավիր» համայնքի պատասխանատու
- Սուրեն Ռուստամյան - Արագածոտնի մարզի դեսպան, «Wave-Արագածոտն» համայնքի պատասխանատու
- Միլենա Դերձյան - Լոռու մարզի դեսպան, «Wave-Լոռի» համայնքի պատասխանատու
- Սաթենիկ Ոսկանյան - Վայոց ձորի մարզի դեսպան, «Wave-Վայոց ձոր» համայնքի պատասխանատու
- Իրինա Իգնատոսյան - Շիրակի մարզի դեսպան, «Wave-Շիրակ» համայնքի պատասխանատու
- Անիտա Իվանյան - Արարատի մարզի դեսպան, «Wave-Արարատ» համայնքի պատասխանատու
- Ժաննա Նազեյան - Գեղարքունիքի մարզի դեսպան, «Wave-Գեղարքունիք» համայնքի պատասխանատու
- Էրիկա Հակոբյան - Սյունիքի մարզի դեսպան, «Wave-Սյունիք» համայնքի պատասխանատու
- Վերա Սահակյան - Տավուշի մարզի դեսպան, «Wave-Տավուշ» համայնքի պատասխանատու
«ԱԼԻՔ» երիտասարդական նախաձեռնություն 
