Ընթացիկ հայտարարություններ

 Գյումրիի Տեղեկատվական  Տեխնոլոգիաների Կենտրոնը (ԳՏՏԿ)  գիտական և կրթական հիմնադրամ է,  որն առաջարկում է ՏՀՏ ոլորտի  աշխատուժի վերապատրաստման  դասընթացներ: Կենտրոնը  հիմնադրվել  է 2005թ.-ի օգոստոսին Ձեռնարկությունների Ինկուբատոր  Հիմնադրամի, Հայ Օգնության Ֆոնդի և Շիրակ Տեխնոլոգիաներ ՍՊԸ-ի  համատեղ ջանքերով:

 ԳՏՏԿ-ն ստեղծվել է զարգացնելու ՏՏ ոլորտի ներուժը Հայաստանի  մարզերում, ինչը կօգնի ստեղծել ավելի մեծ թվով աշխատատեղեր և  կնապստի տեղի մասնագետների ներուժի օգտագործմանը: Կենտրոնում  առաջարկվող դասընթացները պատրաստում են բարձրակարգ մասնագետներ, որոնք կարող են աշխատել միջազգային ծրագրերում: ԳՏՏԿ-ն օգնում է զարգացնել ՏՏ ոլորտը Գյումրիում` օգտագործելով ուսուցման առաջադիմական մեթոդներ, ստեղծելով աշխատատեղեր:

Կենտրոնի նպատակն է.

• խթանել ՏՏ ոլորտի ընդլայնումը Երևան քաղաքից դեպի հյուսիսային շրջաններ և նպաստել ապակենտրոնացման գործընթացին,
• ձևավորել տեղեկատվական տեխնոլոգիաների ենթակառուցվածքը հյուսիսային տարածաշրջանում,
• նպաստել աշխատատեղերի ստեղծմանը հյուսիսային տարածաշրջանում:

ԱՇԽԱՏՈՒԺԻ ԶԱՐԳԱՑՈՒՄ ԵՎ ՆԵՐԳՐԱՎՈՒՄ ԱՇԽԱՏԱՆՔԱՅԻՆ ԳՈՐԾԸՆԹԱՑՈՒՄ

ԳՏՏԿ-ի ուսումնական ծրագրերում տարեկան ընդգրկվում են մոտ 40-50 ուսանողներ հետևալ երկու դասընթացների համար.

• «Համակարգչային ճարտարագիտություն», որտեղ շեշտը դրվում է վեբ տեխնոլոգիաների ուսուցման վրա և
• «Էլեկտրոնային սարքավորումների նախագծում», այդ թվում համակարգչային սարքավորումների և ծրագրային ապահովման թեմաներով դասընթացներ:

Դասընթացների մասնակցության համար ուսանողներն ընտրվում են երեք փուլով (նախնական ընտրություն հայտերի հիման վրա, քննություն և անհատական հարցազրույց): Դիմորդները հանձնում են մաթեմատիկայի, անգլերենի և ընդհանուր մտավոր զարգացածության գրավոր թեստեր: Վերջում ԳՏՏԿ-ի դասախոսները դիմորդների հետ անցկացնում են անհատական հարցազրույցներ:

Կենտրոնում գործում են երկու լաբորատորիաներ, այդ թվում՝ ՍԱՆ-ի ուսումնական լաբորատորիան: Այն համալրված է 20 ՍԱՆ համակարգիչներով, չորս աշխատակայաններով և չորս սերվերներով, որոնք ԳՏՏԿ-ին որպես նվիրատվություն տրամադրել են ՀՀ Էկոնոմիկայի նախարարությունը և ԱՄՆ Միջազգային զարգացման գործակալությունը: Կենտրոնն ունի նաև գրադարան և չորս դասասենյակներ, որոնք ստացել է ՁԻՀ-ի, ՍԱՆ Մայքրոսիսթեմզ ընկերության և ԱՄՆ Միջազգային Զարգացման գործակալության համատեղ իրականացրած ծրագրի շրջանակում: 

Ամեն օր Երևանից Գյումրի են ժամանում առաջատար կրթական հաստատությունների և մասնավոր ընկերությունների բարձրակարգ մասնագետները՝ դասավանդելու շաբաթական վեց անգամ կազմակերպվող դասընթացներում: Ուսումնական բոլոր ծրագրերն անացկացվում են երկու տարի տևողությամբ: Այսօր շրջանավարտների 75%-ն աշխատանքի է անցել ՏՏ ոլորտում:

ԻՆԿՈՒԲԱՑԻՈՆ ԳՈՐԾՈՒՆԵՈՒԹՅՈՒՆ 

2009թ. հունվարին ԳՏՏԿ-ում հիմնադրվեց առաջին ինկուբացիոն կենտրոնը: Մինչ օրս Գյումրիում մասնաճյուղեր են բացել տարբեր ՏՏ ընկերությունները, որոնցում աշխատում են ԳՏՏԿ-ի շրջանավարտները.

• Ինստիգեյթ ՓԲԸ՝ համակարգչային սարքավորումների և ծրագրային ապահովման համատեղ մշակում
• ՓՈՒԼ ՍՊԸ՝ FPGA ծրագրավորում
• Շիրակ Տեխնոլոգիաներ ՍՊԸ՝ IP հեռախոսային և հեռահաղորդակցման ծառայություններ
• Սայմոթեք ընկերություն՝ տելեբժշկություն:

Ինկուբացիոն և աշխատուժի հմտությունների զարգացման գործունեության շրջանակում ԳՏՏԿ-ն համագործակցում է հետևյալ ընկերությունների և կազմակերպությունների հետ՝ Դ-Լինկ, Մայքրոսոֆթ Արմենիա, «Վիվա-Սելլ» ՄՏՍ, Օրանժ Արմենիա, Հայաստանի «Զբաղվածության Պետական Ծառյություն» գործակալություն,  ԱՄՆ Խաղաղության կորպուս, ԱՄՆ Միջազգային զարգացման գործակալություն (ԱՄՆ ՄԶԳ), ԱՄՆ ՄԶԳ «Մրցունակ մասնավոր հատված Հայաստանում»/CAPS ծրագիր, Հայ կրթական հիմնադրամ, «Դեպի Հայք» կազմակերպություն և նրա կամավորականները:

ԳՏՏ Կենտրոնին նվիրատվություն կատարելու մասին մանրամասն տեղեկությունների և կենտրոնի ուսումնական ծրագրերին ծանոթանալու համար այցելե՛ք www.gitc.am: