Ընթացիկ Նորություններ

«Արդյունաբերական և համակարգային ինժեներություն» պիլոտային ծրագիր

Հայաստանի ազգային պոլիտեխնիկական համալսարանը (ՀԱՊՀ),  Հայաստանի ազգային ճարտարագիտական լաբորատորիաները (ՀԱՃԼ), Ձեռնարկությունների ինկուբատոր հիմնադրամի (ՁԻՀ), Ինժեներական քաղաքի հետ համատեղ և PMI Science-ի օժանդակությամբ ձեռնարկում են աննախադեպ ծրագրի իրականցում։

 

2018-2019 ուս. տարվա համար հայտարարվում է «Արդյունաբերական և համակարգային ինժեներություն» պիլոտային ծրագրի մեկնարկը, որին մասնակցելու համար կարող են հավակնել Տեղեկատվական և հեռահաղորդակցության տեխնոլոգիաների և էլեկտրոնիկայի ինստիտուտի առաջին և երկրորդ կուրսի առկա մագիստրոսական կրթական ծրագրով ուսանող այն անձիք,  ում ՄՈԳ-ը կազմում է 80 և ավելի:

Նախաձեռնության նպատակն է պոլիտեխնիկական համալսարանում կրթել ինժեներների նոր սերունդ՝ ոլորտի աջակցությամբ մշակված կրթական ծրագրի շրջանակներում։

Նորարարություններին ուղղված համաֆինանսավորվող դրամաշնորհ

«Աջակցություն ՓՄՁ զարգացմանը Հայաստանում» ծրագիրը, որը համաֆինանսավորվում է Եվրամիության, ինչպես նաև Գերմանիայի դաշնային հանրապետության տնտեսական համագործակցության և զարգացման նախարարության կողմից և իրականացվում է ԳՄՀԸ «Մասնավոր հատվածի զարգացումը Հարավայի Կովկասում» ծրագրի շրջանակում, Ձեռնարկությունների ինկուբատոր հիմնադրամի հետ համագործակցությամբ հայտարարում է դրամաշնորհային նոր մրցույթ: 

ՀԱՆՐԱՅԻՆ ՄԱՍՆԱՎՈՐ ՀԱՄԱԳՈՐԾԱԿՑՈՒԹՅՈՒՆ

Ձեռնարկությունների ինկուբատոր հիմնադրամը և ՀՀ կառավարությունը Համաշխահային Բանկի աջակցությամբ սկսում են Հանրային Մասնավոր Համագործակցության (ՀՄՀ) ծրագիրը Ինֆորմացիոն տեխնոլոգիաների, Բարձր տեխնոլոգիաների և Ճարտարագիտության ոլորտների համար:


ՀՄՀ նախաձեռնությունները իրականացվելու են հետևյալ երկու ուղղություններով՝ Քլասթերային զարգացում և Գիտահետազոտական, հմտությունների զարգացում: 

  • Քլասթերային զարգացման ՀՄՀ-ը նպատակ են հետապնդում ամրացնելու Հայաստանում ներքին  արդյունաբերության քլասթերները: 
  • Գիտահետազոտական և հմտությունների զարգացման ՀՄՀ-ը նպատակ ունեն խթանելու բարձր արդյունավետություն ապահովող Օտարերկրյա Ուղղակի Ներդրումները (ՕՈւՆ) հիմնականում բարձր տեխնոլոգիաների ոլորտում և աջակցելու տեղական մասնագետների հմտությունների զարգացմանը: Այս համագործակցության ծրագրերը նպատաակ ունեն հայկական ուսումնական հաստատությունների գիտահետազոտական ինստիտուտների, ակադեմիայի և անդրազգային կազմակերպությունների և այլ կողմերի միջև համատեղ ծրագրերի միջոցով խթանել նորարարությունը:

Հետաքրքրված կողմերին հրավիրում եք մասնակցության հայտ ներկայացնել ՀՄՀ ֆինանսավորման համար: Ֆինանսավորման նվազագույն շեմը մեկ նախաձեռնության համար կազմում է 300.000 ԱՄՆ դոլլարին համարժեք դրամ: Այսինքն առաջարկվող յուրաքանչյուր նախաձեռնության ընդհանուր ֆինանսավորումը պետք է կազմի 600.000 ԱՄՆ դոլլարին համարժեք դրամ, որից հայտատու կոնսորցիումի համաֆինանսավորումը պետք է կազմի ոչ պակաս, քան ընդհանուր գումարի 50%-ը:

 

Որպես մասնակցության ընթացակարգի առաջին փուլ` ՁԻՀ-ը հրավիրում է ներկայացնելու Բովանդակային հայտերի ձևաչափեր: Առաջին փուլով գնահատմանը մասնակցելու հնարավորության  համար հայտերի ներկայացման վերջնաժամկետը երկարացվել է մինչև 2016թ. նոյեմբերի 27-ը: Մանրամասների համար խնդրում ենք ծանոթանալ Բաց մրցույթ հանրային և մասնավոր համագործակցության հայտերի ներկայացման համար փաստաթղթի հետ:

 

Հավելյալ տեղեկատվության և մանրամասների համար խնդրում ենք ծանոթանալ ստորև ներկայացված փաստաթղթերին՝


Բաց մրցույթ հանրային և մասնավոր համագործակցության հայտերի համար

PPP ՀՄՀ բյուջեի ձևաթուղթ

ՀՄՀ ներկայացում

Բովանդակային հայտի ձևաչափ

 

 



Պատկերասրահ | Մեր մասին | Ծրագրեր | Ծառայություններ | Նորություններ | Հետազոտություններ | ՈՒղեցույցեր | Կապ