Մայքրոսոֆթ Ինովացիոն կենտրոնների ցանցը տեղական ՏՏ համայնքներին տրամադրում է ծրագրեր և ծառայություններ` աշխատուժի հմտությունների զարգացման, աշխատատեղերի ստեղծման, տեղական սկսնակ ընկերությունների ստեղծման և զարգացման, նորարարության ամրապնդման և մրցակցության բարելավման նպատակով:
Հայաստանի Մայքրոսոֆթ Ինովացիոն կենտրոնը, որը 2011թ.
հիմնադրվել է ԱՄՆ Միջազգային զարգացման գործակալության
(USAID), Մայքրոսոֆթ կորպորացիայի և Ձեռնարկությունների Ինկուբատոր հիմնադրամի համատեղ ջանքերով, այժմ միանում է ՏՏ ոլորտում նորարարության ընդլայնման և զարգացման համաշխարհային ցանցին:
Կենտրոնը նորարարական և արդյունավետ մոտեցում է ցուցաբերում ՏՏ ոլորտի բազմաթիվ փոքր և միջին ձեռնարկություններում գործարար կարողությունների և տեխնոլոգիական մասնագետների հարակից հմտությունների զարգացման հարցում, ինչպես նաև համապատասխան ենթակառուցվածքների և ռեսուրսների տրամադրմամբ օգնում է կրթական հաստատություններին ուսուցանելու նոր գիտելիքներ՝ շուկայի ներկայիս և ապագա պահանջները բավարարելու համար:
Կենտրոնը նախաձեռնում, կազմակերպում և իրագործում է տարբեր ծրագրեր և միջոցառումներ.
- Ծրագրեր, որոնք օժանդակում են տարբեր ոլորտներում նորարարական ՏՏ լուծումների ներդրմանը,
- Մրցույթներ, որոնք խրախուսում են մասնագետներին կիրառելու իրենց երևակայությունը, կիրքն ու ստեղծագործական ունակությունները նորարարական տեխնոլոգիական ծրագրերի ստեղծման համար,
- Դասընթացներ, որոնք նպաստում են որակյալ աշխատուժի մասնագիտական զարգացմանն ու մրցունակության բարձրացմանը,
- Ռեսուրսների և ենթակառուցվածքի տրամադրում ՏՏ ոլորտի սկսնակ ընկերություններին, մասնագետներին և ուսանողներին՝ ստեղծելով հնարավորություն օգտվելու նորագույն գործիքներից ու տեխնոլոգիաներից:
Microsoft BizSpark
BizSpark-ը նորարարական ծրագիր է, որը միավորում է սկսնակ ընկերություններին և ձեռնարկատիրական ու տեխնոլոգիական համընդհանուր ռեսուրսները մեկ միջավայրում` նպատակ ունենալով աջակցել նոր սերնդի մեծ ներուժ ունեցող սկսնակ ընկերություններին և նպաստել նրանց հաջողությանը:
Մրցույթներ
Մայքրոսոֆթ Ինովացիոն կենտրոնը հովանավորում է
«Երևակայության գավաթ» և Փոքր դրամաշնորհների մրցույթները, որոնք
Մայքրոսոֆթի գործիքների ու տեխնոլոգիաների կիրառմամբ անցկացվող ուսանողական մրցույթներ են: Այս մրցույթները խրախուսում են երիտասարդներին գործի դնել իրենց երևակայությունը, կիրքը և ստեղծագործական միտքը՝ նորարարական տեխնոլոգիական ծրագրեր ստեղծելու համար, որոնք ուղղված կլինեն աշխարհի հրատապ և կարևոր խնդիրների լուծմանը:
Դասընթացներ
Մայքրոսոֆթ Ինովացիոն կենտրոնն իրականացնում է տեղեկատվական և հեռահաղորդակցության տեխնոլոգիաների (ՏՀՏ), աշխատանքային ընդհանուր հմտությունների և գործարար կարողությունների զարգացմանն ուղղված դասընթացներ, ինչպես նաև ՏՏ սկսնակ ընկերություններին, մասնագետներին և ուսանողներին տրամադրում է անհրաժեշտ ենթակառուցվածք՝ նորագույն գործիքներից ու տեխնոլոգիաներից օգտվելու համար:
Ռեսուրսներ և ենթակառուցվածք
Մայքրոսոֆթ Ինովացիոն կենտրոնը ՏՀՏ ոլորտի ՓՄՁ-ներին և սկսնակ ընկերություններին տրամադրում է անհրաժեշտ ռեսուրսներ և ենթակառուցվածք. համաժողովների անցկացման հնարավորություն, գրադրան, լաբորատորիաներ, ոլորտի առաջատար մատակարարների կողմից տրամադրվող նորագույն տեխնոլոգիաներով և ծրագրային ապահովմամբ հագեցած պրոֆեսիոնալ սարքավորումներ՝ այդպիսով աջակցելով նոր գաղափարների ձևավորմանն ու շահութաբեր գործարար լուծումների մշակմանը:
Մանրամասն տեղեկությունների համար այցելե՛ք www.micarmenia.am:
ՄԱՅՔՐՈՍՈՖԹ ԻՆՈՎԱՑԻՈՆ ԿԵՆՏՐՈՆ 
