Ընթացիկ Նորություններ

Միասին՝ արցախահայության համար

Համախմբման կոչ ՀՀ ողջ տարածքում գործող անհատներին, կառույցներին, մասնավոր ընկերություններին, որոնք ցանկանում են աշխատանքով ապահովել Արցախից բռնի տեղահանված մեր հայրենակիցներին։

Եթե Դուք գործում եք բարձր տեխնոլոգիաների, գյուղատնտեսության կամ հյուրընկալության ոլորտներում և նպատակ ունեք աշխատանքով ապահովել արցախահայերին՝ «Ձեռնարկությունների ինկուբատոր» հիմնադրամը «Հայաստանում աշխատուժի զարգացման» ծրագրի շրջանակում առաջարկում է կազմակերպել նրանց վերապատրաստման ԱՆՎՃԱՐ դասընթացներ։  

ԻՔ աքսելերատորի բնապահպանական քննարկում

Իրազեկում

Հարգելի քաղաքացիներ, տեղեկացնում ենք Ձեզ, որ «Առևտրի խթանման և որակյալ ենթակառուցվածքների» (ԱԽՈԵ), «Ինժեներական քաղաքի Աքսելերատորի շենքի կառուցում» Ծրագրի իրականացման շրջանակներում 28.09.2023 թվականին, ժամը 11։00-ին «Ձեռնարկությունների Ինկուբատոր» հիմնադրամի գրասենյակում նախատեսվում է իրականացնել հանրային իրազեկման հանդիպում՝ Ծրագրի մեկնարկի, նախատեսվող բնապահպանական և սոցիալական մեղմման միջոցառումների և այլ մանրամասների ներկայացման նպատակով։

ՏԵԽՆՈԼՈԳԻԱՆԵՐ

Տեխնոլոգիաների կիրառումը բիզնեսի հաջողության կարևորագույն նախապայմանն է: Ժամանակի պահանջներին համընթաց քայլելու և աճող մրցակցությանը դիմակայելու համար ընկերությունները պետք է օգտվեն տեխնոլոգիական լուծումների առաջարկած առավելություններից, որոնք են գործընթացների կատարելագործումը, հավելյալ արժեքի ստացումը, ռեսուրսների առավել արդյունավետ օգտագործումն ու ծախսերի օպտիմալացումը:


Օգտագործելով համաշխարհային տեխնոլոգիական ընկերությունների մեր ընդարձակ ցանցն ու տեխնոլոգիական նորարարություններին և ապրանքների նորույթներին առաջինը տեղեկանալու մեր հնարավորությունները, մենք օգնում ենք պետական և մասնավոր կազմակերպություններին՝ ներդնել տեխնոլոգիական լուծումները բիզնես գործընթացներում և կառավարման մեջ: Եթե Դուք պետական հաստատություն եք և աշխատում եք էլեկտրոնային կառավարման համակարգի ներդրման ուղղությամբ կամ մասնավոր ընկերություն եք և փնտրում եք տեխնոլոգիական լուծումներ և էլեկտրոնային ծառայությունների մշակման հնարավորություններ, ուրեմն մենք կարող ենք դառնալ Ձեր գործընկերը, քանի որ ունենք համապատասխան փորձ և անհրաժեշտ նոու-հաու:



Հետադարձ կապ | Մեր մասին | Ծրագրեր | Ծառայություններ | Նորություններ | Հետազոտություններ | ՈՒղեցույցեր | R&D Էկոհամակարգ | ԲԼՈԳ