Ընթացիկ Նորություններ

Միասին՝ արցախահայության համար

Համախմբման կոչ ՀՀ ողջ տարածքում գործող անհատներին, կառույցներին, մասնավոր ընկերություններին, որոնք ցանկանում են աշխատանքով ապահովել Արցախից բռնի տեղահանված մեր հայրենակիցներին։

Եթե Դուք գործում եք բարձր տեխնոլոգիաների, գյուղատնտեսության կամ հյուրընկալության ոլորտներում և նպատակ ունեք աշխատանքով ապահովել արցախահայերին՝ «Ձեռնարկությունների ինկուբատոր» հիմնադրամը «Հայաստանում աշխատուժի զարգացման» ծրագրի շրջանակում առաջարկում է կազմակերպել նրանց վերապատրաստման ԱՆՎՃԱՐ դասընթացներ։  

ԻՔ աքսելերատորի բնապահպանական քննարկում

Իրազեկում

Հարգելի քաղաքացիներ, տեղեկացնում ենք Ձեզ, որ «Առևտրի խթանման և որակյալ ենթակառուցվածքների» (ԱԽՈԵ), «Ինժեներական քաղաքի Աքսելերատորի շենքի կառուցում» Ծրագրի իրականացման շրջանակներում 28.09.2023 թվականին, ժամը 11։00-ին «Ձեռնարկությունների Ինկուբատոր» հիմնադրամի գրասենյակում նախատեսվում է իրականացնել հանրային իրազեկման հանդիպում՝ Ծրագրի մեկնարկի, նախատեսվող բնապահպանական և սոցիալական մեղմման միջոցառումների և այլ մանրամասների ներկայացման նպատակով։

ԳՈՐԾԸՆԹԱՑՆԵՐ ԵՎ ԿԱՌԱՎԱՐՈՒՄ

Կառավարման բնագավառի մեր փորձագետները, կիրառելով միջազգային ստանդարտներին համապատասխան իրենց գիտելիքներն ու կարողությունները, ընկերություններին կօգնեն կատարելագործել կառավարումը, օպտիմալացնել բիզնես գործընթացները և կառավարել ծախսերը: Օր-օրի աճող մրցակցության պայմաններում մասնավոր ընկերությունները կանգնում են ծախսերը կրճատելու և միաժամանակ որակյալ ապրանքներ ու ծառայություններ առաջարկելու բարդ խնդրի առջև: Հենց այստեղ է, որ մենք կարող ենք օգնել Ձեզ՝ առաջարկելով կազմակերպության կառուցվածքի վերափոխման կամ կառավարման մեթոդների փոփոխման վերաբերյալ խորհրդատվություն և մշակելով Ձեր նպատակներին ու կարիքներին լավագույնս համապատասխանող բիզնեսի կազմակերպման տարբերակներ: Մենք կօգնենք Ձեզ բացահայտել արժեքային շղթայի արդյունավետության գործոնները, մեծացնել աշխատուժի կառավարման արդյունավետությունը, կատարել ռեսուրսների օպտիմալ բաշխում և նվազեցնել բիզնեսի շարունակական աճի և կայուն արդյունքների ստացման համար գործադրվող զուր ջանքերը: 



Հետադարձ կապ | Մեր մասին | Ծրագրեր | Ծառայություններ | Նորություններ | Հետազոտություններ | ՈՒղեցույցեր | R&D Էկոհամակարգ | ԲԼՈԳ