Ընթացիկ Նորություններ

Ասպիրանտների աջակցության ծրագիր 2021

ՀԱՅՏԱՐԱՐՈՒԹՅՈՒՆ

Ասպիրանտների աջակցության ծրագիր 2021

 

Սիրով հրավիրում ենք ՀՀ բուհերի ու հետազոտական ինստիտուտների ասպիրանտներին դիմելու Ասպիրանտների աջակցության 2021 թվականի ծրագրին:  Ծրագիրն իրականցվում է «Ձեռնարկությունների ինկուբատոր» հիմնադրամի կողմից՝ PMI Science-ի աջակցությամբ և նպատակ ունի աջակցել երիտասարդ գիտնականներին՝ տրամադրելով ֆինանսավորում և օժանդակություն իրենց հետազոտական և գիտական նախագծերի համար։ 2018թ-ից 11 համալսարանների և հետազոտական ինստիտուտների 30 ասպիրանտներ արդեն ներգրավվել են ծրագրում՝ գրանցելով հսկայական առաջընթաց իրենց հետազոտություններում։

Հետազոտական աշխատանքների ֆինանսավորման ծրագիր 2021

ՀԱՅՏԱՐԱՐՈՒԹՅՈՒՆ
Հետազոտական աշխատանքների ֆինանսավորման ծրագիր 2021թ.

 

Սիրով հրավիրում ենք Հայաստանի Հանրապետության հետազոտական ինստիտուտների և բուհերի հետազոտական թիմերին ներկայացնելու իրենց առաջարկները Հետազոտական աշխատանքների ֆինանսավորման (Faculty Research Funding) ծրագրին, որն իրականցվում է «Ձեռնարկությունների ինկուբատոր» հիմնադրամի կողմից՝ PMI Science-ի աջակցությամբ։ Ծրագրի հիմնական նպատակն է տրամադրել ֆինանսավորում և համակարգված օժանդակություն տարբեր հետազոտական թիմերին՝ ներքոհիշյալ գիտական ուղղություններում։ 2018 թվականից 19 հետազոտական ինստիտուտների և համալսարանների 45 հետազոտական թիմեր արդեն դարձել են ծրագրի շահառուներ՝ գրանցելով հսկայական առաջընթաց իրենց հետազոտություններում։

ԿԱԴՐԵՐԻ ՎԵՐԱՊԱՏՐԱՍՏՈՒՄ

Մասնագիտական կադրերի վերապատրաստումը  ՁԻՀ-ի առաքելության գլխավոր ուղղություններից մեկն է: Բարձր արդյունավետության և կայուն արդյունքների հասնելու համար մենք առաջարկում ենք մասնագիտական կադրերի զարգացման տարբեր ծրագրեր:


Տեխնոլոգիական ընկերությունների ղեկավար անձնակազմին և մասնագետներին մենք օգնում ենք յուրացնել տեսական և գործնական ժամանակակից գիտելիքներ՝ կազմակերպելով տեղական և միջազգային մակարդակի դասընթացներ, պրակտիկաներ, սեմինարներ և մրցույթներ: Այս բնագավառում մենք համագործակցում ենք համաշխարհային այնպիսի ընկերությունների հետ, ինչպիսիք են Մայքրոսոֆթ կորպորացիան, Հյուլեթ Պակարդը, Ինթել կորպորացիան, ՍԱՆ Մայքրոսիսթեմզը, Սիսկո Սիսթեմզը և այլն: Ներկայումս աշխատուժի մասնագիտական զարգացման ծրագրեր են առաջարկվում մեր հետևյալ ուսումնական կենտրոններում՝ Հայ-հնդկական ՏՀՏ գերազանցության կենտրոն, ՍԱՆ ուսումնական լաբորատորիա, Մայքրոսոֆթ ինովացիոն կենտրոն, Գիտական և տեխնոլոգիական ձեռներեցության ծրագիր (STEP) և այլն


Մենք սերտորեն համագործակցում ենք նաև Հայաստանի և արտերկրի տեխնիկական բուհերի հետ՝ առաջարկելով ժամանակակից կրթական ծրագրեր ոլորտի բարձրակարգ մասնագետներ պատրաստելու համար: Մենք ձգտում ենք ամուր կապ ստեղծել տեխնիկական բուհերի և ոլորտի միջև, ինչը կխրախուսի կրթական համագործակցությունը և կամրապնդի բուհերի դերը որպես ակտիվ գիտահետազոտական կենտրոններ:


Մեր կողմից իրականացվող աշխատուժի զարգացման ծրագրերն են.

 



Կապ | Մեր մասին | Ծրագրեր | Ծառայություններ | Նորություններ | Հետազոտություններ | ՈՒղեցույցեր | R&D Էկոհամակարգ | ԲԼՈԳ