Ընթացիկ Նորություններ

Միասին՝ արցախահայության համար

Համախմբման կոչ ՀՀ ողջ տարածքում գործող անհատներին, կառույցներին, մասնավոր ընկերություններին, որոնք ցանկանում են աշխատանքով ապահովել Արցախից բռնի տեղահանված մեր հայրենակիցներին։

Եթե Դուք գործում եք բարձր տեխնոլոգիաների, գյուղատնտեսության կամ հյուրընկալության ոլորտներում և նպատակ ունեք աշխատանքով ապահովել արցախահայերին՝ «Ձեռնարկությունների ինկուբատոր» հիմնադրամը «Հայաստանում աշխատուժի զարգացման» ծրագրի շրջանակում առաջարկում է կազմակերպել նրանց վերապատրաստման ԱՆՎՃԱՐ դասընթացներ։  

ԻՔ աքսելերատորի բնապահպանական քննարկում

Իրազեկում

Հարգելի քաղաքացիներ, տեղեկացնում ենք Ձեզ, որ «Առևտրի խթանման և որակյալ ենթակառուցվածքների» (ԱԽՈԵ), «Ինժեներական քաղաքի Աքսելերատորի շենքի կառուցում» Ծրագրի իրականացման շրջանակներում 28.09.2023 թվականին, ժամը 11։00-ին «Ձեռնարկությունների Ինկուբատոր» հիմնադրամի գրասենյակում նախատեսվում է իրականացնել հանրային իրազեկման հանդիպում՝ Ծրագրի մեկնարկի, նախատեսվող բնապահպանական և սոցիալական մեղմման միջոցառումների և այլ մանրամասների ներկայացման նպատակով։
ԾՐԱԳՐԵՐԻ ՆԱԽԱԳԾՈՒՄ ԵՎ ԿԱՌԱՎԱՐՈՒՄ

Պատվիրատուների պահանջներին համապատասխան ծրագրերի նախագծման և դրանց արդյունավետ իրականացման արժեքը երբեք մեծ չի լինում: Լավ գաղափարը դեռ չի նշանակում լավ ծրագիր: Այն պահանջում է, որպեսզի գաղափարը համապատասխանեցվի տվյալ միջավայրի տնտեսական, աշխարհագրական և մշակութային առանձնահատկություններին: Ծրագիրը պահանջում է նաև փոխկապակցված գործողությունների պլանավորում, ֆինանսական և մարդկային ռեսուրսների ճիշտ բաշխում, շահագրգիռ և գործընկեր կողմերի, շահառուների ու պատվիրատուների հետ հաղորդակցման խելամիտ կառավարում: Այն պետք է ունենա ծախսերի կառավարման գործող մեխանիզմներ և ռիսկերի գնահատման սխեմաներ:


Ծրագրերի նախագծման և կառավարման մեր հարուստ փորձը և զգալի հաջողություններն այս գործում մեզ թույլ են տալիս առաջարկել այս բնագավառում հաջողության հասնելու և նոր ձեռքբերումներ ունենալու արժեքավոր  ծառայություններ:
Հետադարձ կապ | Մեր մասին | Ծրագրեր | Ծառայություններ | Նորություններ | Հետազոտություններ | ՈՒղեցույցեր | R&D Էկոհամակարգ | ԲԼՈԳ