Ընթացիկ Նորություններ

«AI4Biodiversity: AI Solutions for Nature» ազգային հեքըթոն

ՀԱՅՏԱՐԱՐՈՒԹՅՈՒՆ 

«AI4Biodiversity: AI Solutions for Nature» ազգային հեքըթոն 

 

«Քայթլաբ» գիտահաղորդակցման ընկերությունը, «Ձեռնարկությունների ինկուբատոր» հիմնադրամը (EIF) և «Կանայք կլիմայում և էներգետիկայում (WiCE)» ՀԿ-ն՝ ՀՀ շրջակա միջավայրի նախարարության հետ համագործակցությամբ համախմբում են ուժերը՝ համատեղ կազմակերպելու «AI4Biodiversity: AI Solutions for Nature» ազգային հեքըթոնը՝ նախապատրաստվելով 2026թ-ին Հայաստանում կայանալիք Կենսաբազմազանության մասին կոնվենցիայի կողմերի 17-րդ համաժողովին (COP17):

Հետազոտական աշխատանքների ֆինանսավորման ծրագիր 2025-2

ՀԱՅՏԵՐԻ ԸՆԴՈՒՆՄԱՆ 2-ՐԴ ՓՈՒԼԻ ՀԱՅՏԱՐԱՐՈՒԹՅՈՒՆ

 

«Ձեռնարկությունների ինկուբատոր» հիմնադրամը (ՁԻՀ)PMI Science Գիտահետազոտական կենտրոն Հայաստանի աջակցությամբ, ուրախ է հայտարարել Հետազոտական աշխատանքների ֆինանսավորման ​​ծրագիր 2025-ը:


Այս նախաձեռնությունը կոչված է խթանելու նորարարական հետազոտությունները, որոնք ուղղված են ոլորտի ներկա մարտահրավերներին՝ կամրջելով ակադեմիական հետազոտությունների և արդյունաբերության կարիքների միջև առկա բացը:

«Գաղափարից դեպի շուկա» Վենչուրային կոնֆերանս

04.12.2013


 

 

«Գաղափարից դեպի շուկա» 

 Վենչուրային կոնֆերանս 

 

Մամլո հաղորդագրություն

դեկտեմբերի 4, 2013թ.; Ձեռնարկությունների Ինկուբատոր Հիմնադրամ 

 

Ս.թ. դեկտեմբերի  5-6-ին, ժամը  9.30 -17:00-ը Արմենիա Մարիոթ հյուրանոցի Արարատ դահլիճում, տեղի կունենա ամենամյա Գիտության և տեխնոլոգիաների ձեռներեցության ծրագրի (STEP) Վենչուրային կոնֆերանսը: Կոնֆերանսը կմեկնարկի պանելային քննարկմամբ՝ «Ներդրումների ներգրավում հայաստանյան և արտասահմանյան աղբյուրներից տեխնոլոգիական ընկերությունների գործունեության վաղ շրջանի համար» թեմայով, որին մասնակցելու են ներկայացուցիչեր Google և PicsArt ընկերություններից, ինչպես նաև Հայաստանի Մայքրոսոֆթ ինովացիոն կենտրոնից:

 

Կոնֆերանսի ընթացքում հայ-ամերիկյան գնահատող հանձնաժողովի առջև կներկայացվեն 25 ներդրումային ծրագրեր, որոնք մշակվել են հայ հետազոտողների, նորարար թիմերի և սկսնակ ընկերությունների կողմից «Գաղափարից դեպի շուկա» դրամաշնորհային ծրագրի շրջանակում՝ տեղեկատվական, բարձր և բիո-տեխնոլոգիաների, ինչպես նաև ճարտարագիտության ոլորտներում:

 

Ս.թ. դեկտեմբերի 6-ին, ժամը 18:00-ին Արմենիա Մարիոթ հյուրանոցի Արարատ դահլիճում տեղի կունենա մրցանակաբաշխության արարողությունը, որտեղ և կհայտարարվեն մրցույթի հաղթողները:  

 

Վենչուրային ֆորումը կազմակերպվում է ՀՀ Էկոնոմիկայի նախարարության, ԱՄՆ Քաղաքացիական հետազոտությունների զարգացման հիմնադրամի և Ձեռնարկությունների ինկուբատոր հիմնադրամի հետ համատեղ:   

 

STEP ծրագիրն իրականցվում է 2006թ. ՀՀ Կառավարության, Ձեռնարկությունների ինկուբատոր հիմնադրամի և Քաղաքացիական հետազոտությունների ու մշակումների հիմնադրամի (CRDF Global) կողմից: Ծրագրի նպատակն է օգնել ճարտարագետներին, հետազոտողներին և գիտնականներին ներկայացնել իրենց նորարարական ապրանքները շուկայում, ստեղծել նոր վենչուրային ձեռնարկություններ և արդյունավետ համագործակցություն ծավալել գործող ընկերությունների հետ: STEP ծրագիրը նպաստում է նաև տնտեսության զարգացմանը՝ օգնելով հայ գիտնականներին և սկսնակ ընկերություններին կապեր հաստատել տեղական և միջազգային ընկերությունների հետ, ինչը կարող է փոխշահավետ համագործակցության սկիզբ հանդիսանալ:

 

###




Վերադարձ
Հետադարձ կապ | Մեր մասին | Ծրագրեր | Ծառայություններ | Նորություններ | Հետազոտություններ | ՈՒղեցույցեր | R&D Էկոհամակարգ | ԲԼՈԳ