Ընթացիկ Նորություններ

Ասպիրանտների աջակցության ծրագիր 2022

Միջազգային հայտերի ընդունման հայտարարություն
Ասպիրանտների աջակցության ծրագիր 2022

 

Սիրով հրավիրում ենք Հայաստանյան և արտերկրի բուհերի ու հետազոտական ինստիտուտների ասպիրանտներին դիմելու Ասպիրանտների աջակցության 2022 թվականի ծրագրին: Ծրագիրն իրականցվում է «Ձեռնարկությունների ինկուբատոր» հիմնադրամի կողմից՝ PMI Science-ի աջակցությամբ և նպատակ ունի աջակցել երիտասարդ գիտնականներին՝ տրամադրելով ֆինանսավորում և օժանդակություն իրենց հետազոտական և գիտական նախագծերի համար։ 

Հետազոտական աշխատանքների ֆինանսավորման ծրագիր 2022

Միջազգային հայտերի ընդունման հայտարարություն
Հետազոտական աշխատանքների ֆինանսավորման ծրագիր 2022թ.

 

Սիրով հրավիրում ենք Հայաստանի և արտերկրի առաջատար հետազոտական ինստիտուտների, բուհերի և ընկերությունների հետազոտական թիմերին ներկայացնելու իրենց առաջարկները Հետազոտական աշխատանքների ֆինանսավորման (Faculty Research Funding) ծրագրին, որն իրականցվում է «Ձեռնարկությունների ինկուբատոր» հիմնադրամի կողմից՝ PMI Science-ի աջակցությամբ։ Ծրագրի հիմնական նպատակն է տրամադրել ֆինանսավորում և համակարգված օժանդակություն տարբեր հետազոտական թիմերին՝ ներքոհիշյալ գիտական ուղղություններում։ 

ԳԻՏԱԿԱՆ ԻՆԿՈՒԲԱՑԻՈՆ ԾՐԱԳԻՐ 2021

 

ՀԱՅՏԱՐԱՐՈՒԹՅՈՒՆ /թարմացված/

Ինկուբացիոն ծրագիր 2021

 

Ուրախությամբ հայտարարում ենք «Ձեռնարկությունների ինկուբատոր» հիմնադրամի /ՁԻՀ/ կողմից՝ PMI Science-ի աջակցությամբ իրականացվող Գիտական ինկուբացիոն ծրագրի մեկնարկը, որի նպատակն է աջակցել գիտնականներին, մասնագետներին, ընկերություններին և հետազոտական ինստիտուտներին` նորարար գաղափարներ, վարկածներ առաջ քաշելու և բեկումնային գիտական արդյունքների վրա հիմնված ձեռնարկատիրական սուբյեկտների ստեղծման գործընթացն ուղղորդելու համար: Ավելին՝ ծրագիրը նպատակ ունի հետամուտ լինել նորարարական ուղիներին, որոնք խոստումնալից են և միտված են  մարդկության ընդհանուր բարեկեցության ապահովմանը:

 

Ծրագիրն իրականացվում է հետևյալ ուղղություններով՝

  • Նյութագիտություն, կայուն նյութեր, մագնիսական հատկություններով նյութեր
  • Ոչ-էլեկտրոնային էներգիայի այլընտրանքային աղբյուրներ
  • Ջերմային ու ջերմահաղորդիչ տեխնոլոգիաներ
  • Նեյրոգիտություն, սենսորիալ փորձառություն, տեխնոլոգիաներ
  • Աերոզոլային գիտություն և տեխնոլոգիաներ
  • Բուսաբանություն և թունաբանություն
  • Կիրառական ու փորձարարական ֆիզիկա
  • Ինժեներիա, արդյունաբերական և համակարգային ինժեներիա, էլեկտրոնային ինժեներիա, նախատիպավորում
  • Մաթեմատիկա, մաթեմատիկական մոդելավորում, տվյալների գիտություն
  • Վերլուծական քիմիա:

Ծրագիրը կիրականացվի երկու փուլով։

1-ին փուլի ընթացքում հայտատուները կներկայացնեն և “կպաշտպանեն” իրենց գաղափարների իրականալիությունը և պոտենցիալը։ Գործարար ներկայացումների արդյունքում ընտրված թիմերը կստանան շուրջ 2.4 մլն․ ՀՀ դրամի չափով (ներառյալ բոլոր հարկերը, տուրքերը և այլ պարտադիր վճարները) նախնական ֆինանսավորում և տեխնիկական  աջակցություն ու կանցնեն ինկուբացիայի 2-րդ փուլ։

Ինկուբացիայի 2-րդ փուլի ընթացքում թիմերը կսկսեն աշխատել իրենց գաղափարները հիմնավորելու և նախատիպ մշակելու վրա: Ակնկալվող առաջընթացի դեպքում կներգրավվի ավելի մեծ թիմ, կտրամադրվի արտադրանքի զարգացման հարթակ և ֆինանսական ռեսուրսներ:

Ինկուբացիայի ամբողջ ընթացքում կներգրավվեն տեղական և միջազգային փորձագետներ՝ թիմերի ծրագրերի զարգացման ընթացքը կառուցողական քննադատության ենթարկելու, խորհրդատվության և ուղղորդման համար:

 

 Ո՞վ կարող է դիմել

Ծրագրին կարող են մասնակցել Հայաստանի համալսարանների, գիտական ինստիտուտների և բարձր տեխնոլոգիական ոլորտի կազմակերպությունների հետազոտողներից և բարձր տեխնոլոգիական մասնագետներից կազմված թիմերը։

Խորհուրդ է տրվում թիմերում ընդգրկել 2-4 անդամ, ովքեր ունեն մեծ փորձառություն և կարողություններ՝ Ծրագրի գերակա ուղղություններից որևէ մեկում նախագիծ ստեղծելու և մշակելու համար։

Թիմի անդամների ցանկալի (ոչ պարտադիր) մասնագիտացումները ներառում են՝ Մաթեմատիկան, Քիմիան, Նյութագիտությունը, Կենսաբանությունը, Ինժեներությունը, Նորարարությունների և տեխնոլոգիաների կառավարումը, Ֆիզիկան և այլն։ Թիմերում կարող են ընդգրկվել աշխատակիցներ և ուսանողներ, ովքեր պատրաստ են իրենց նախագծի իրականացմանը տրամադրել անհրաժեշտ ժամանակ։ Թիմի կազմում գիտական կոչումներ և փորձառություն ունեցող անդամների ընդգրկումը կդիտարկվի որպես առավելություն։ Թիմի ղեկավարը լինելու է հաղորդակցման հիմնական օղակը։

 

 Ինչպե՞ս դիմել

Հետաքրքրված թիմերը պետք է լրացնեն Առցանց հայտադիմումը՝ ներառելով հղումներ, որտեղ ներկայացվում են.

  • Գաղափարի հայեցակարգը (խնդիր, լուծում, արդիականություն, նորարարություն, մեթոդաբանություն, ազդեցություն և այլն)
  • Թիմը (CV, տեսահոլովակ, պաստառ, պորտֆոլիո, հրապարակումներ և այլն)։

Հայտատուներն ազատ են անհրաժեշտ փաստաթղթերը ներկայացնելու ձևաչափը ընտրելու հարցում։

Ստեղծարար (կրեատիվ) և կաղապարներից դուրս մոտեցումները ողջունելի են։


Բոլոր փաստաթղթերը պետք է ներկայացվեն անգլերենով։

 

Հայտերի ներկայացման վերջնաժամկետն է 2021 թ. նոյեմբերի 10-ը, ժ. 23։59 (Երևանի ժամանակով)։

 

Խնդրում ենք դիմելուց առաջ ծանոթանալ Անձնական տվյալների հավաքագրման վերաբերյալ սույն ծանուցմանը։

 

Լրացուցիչ հարցերի դեպքում.

Կոնտակտային անձ՝ Արփինե Դավթյան

Հեռ. +374 11 219797; էլ. փոստ՝ [email protected]




Վերադարձ
Կապ | Մեր մասին | Ծրագրեր | Ծառայություններ | Նորություններ | Հետազոտություններ | ՈՒղեցույցեր | R&D Էկոհամակարգ | ԲԼՈԳ