Ընթացիկ Նորություններ

Ասպիրանտների աջակցության ծրագիր 2022

Միջազգային հայտերի ընդունման հայտարարություն
Ասպիրանտների աջակցության ծրագիր 2022

 

Սիրով հրավիրում ենք Հայաստանյան և արտերկրի բուհերի ու հետազոտական ինստիտուտների ասպիրանտներին դիմելու Ասպիրանտների աջակցության 2022 թվականի ծրագրին: Ծրագիրն իրականցվում է «Ձեռնարկությունների ինկուբատոր» հիմնադրամի կողմից՝ PMI Science-ի աջակցությամբ և նպատակ ունի աջակցել երիտասարդ գիտնականներին՝ տրամադրելով ֆինանսավորում և օժանդակություն իրենց հետազոտական և գիտական նախագծերի համար։ 

Հետազոտական աշխատանքների ֆինանսավորման ծրագիր 2022

Միջազգային հայտերի ընդունման հայտարարություն
Հետազոտական աշխատանքների ֆինանսավորման ծրագիր 2022թ.

 

Սիրով հրավիրում ենք Հայաստանի և արտերկրի առաջատար հետազոտական ինստիտուտների, բուհերի և ընկերությունների հետազոտական թիմերին ներկայացնելու իրենց առաջարկները Հետազոտական աշխատանքների ֆինանսավորման (Faculty Research Funding) ծրագրին, որն իրականցվում է «Ձեռնարկությունների ինկուբատոր» հիմնադրամի կողմից՝ PMI Science-ի աջակցությամբ։ Ծրագրի հիմնական նպատակն է տրամադրել ֆինանսավորում և համակարգված օժանդակություն տարբեր հետազոտական թիմերին՝ ներքոհիշյալ գիտական ուղղություններում։ 

Ներդրումային պատրաստվածության ծրագիր կանանց համար

 

ՀԱՅՏԱՐԱՐՈՒԹՅՈՒՆ

 

Համաշխարհային բանկի խմբի անդամ Միջազգային ֆինանսական կորպորացիան (ՄՖԿ), Ճապոնիայի կառավարության հետ համագործակցությամբ, հրավիրում է հետաքրքրված կին ձեռներեցներին մասնակցելու  «Ներդրումային պատրաստվածություն կանանց կողմից հիմնադրված ընկերությունների համար» ծրագրին:

  

Ծրագիրը նպատակ ունի խթանել ձեռներեց կանանց ներդրումային պատրաստվածությունը, աջակցել կանանց կողմից հիմնադրված և ղեկավարվող ընկերություններին (թիմերին)` բարձրացնել ներդրումային գրավչությունը և պատրաստվածության մակարդակը, ինչպես նաև հստակ քայլեր իրականացնել ներդրումների ներգրավման ուղղությամբ։ 

 

Ծրագիրը բաղկացած է ինտենսիվ անհատական և խմբային մենթորությունից, քոուչինգից և ուսուցումից՝ ուղղված ներդրումային պատրաստվածության մակարդակի բարձրացմանը։ Ծրագիրը ներառելու է նաև հստակ քայլեր պոտենցիալ ներդրողների հետ կապ ստեղծելու և ներդրումային գործընթաց սկսելու ուղղությամբ։ Ծրագրի ընդհանուր տևողությունը 6 ամիս է։ 

 

Ծրագիրն իրականացվում է Երևանում` Ինժեներական քաղաքում, Գյումրու և Վանաձորի տեխնոլոգիական կենտրոններում։ 

 

Ծրագրին կարող են դիմել․

Կանանց կողմից հիմնադրված և ղեկավարվող ընկերություններ (թիմեր) ինչպես նաև հիմնական բաժնետերերի ցանկում կին բաժնետեր և/կամ կին գլխավոր տնօրեն ունեցող ընկերություններ (թիմեր), որոնք՝

 ● ցանկանում են ներգրավել ներդրումներ իրենց ընկերության զարգացման և ընդլայնման նպատակով;

 ● ցանկանում են բարձրացնել իրենց ընկերության ներդրումային գրավչությունը;

 ● ունեն զարգացման հեռանկարներ ունեցող բիզնես գործունեություն։

 

Թիմերով մասնակցության դեպքում ծրագրի ընթացքում ընկերության գրանցումը պարտադիր է։

 

Ընտրված դիմորդները կբաժանվեն 2 խմբի՝ ըստ գործարար ծրագրի հասունության և ներդրումային գրավչության մակարդակի ՝

1-ին խմբի մասնակիցների համար նախատեսվում է՝ խորը, անհատական մենթորության ծրագիր, որի արդյունքում ընկերությունը կունենա պատրաստի ներդրումային մշակված ծրագիր և պրակտիկ աշխատանք այդ ծրագրով ներդրումների ներգրավման ուղղությամբ։ 

2-րդ խմբի մասնակիցները կանցնեն խմբային մենթորության ծրագիր և թրեյնինգներ, որի արդյունքում մասնակիցները կստանան կիրառական գիտելիքներ ներդրումային գրավչության մակարդակի բարձրացման և ներդրումներ ներգրավելու ուղղությամբ։

 

Ծրագրի ընթացքում կկազմակերպվեն բիզնես և ներդրումային գրավչության բարձրացման աշխատաժողովներ՝ համապատասխան սեմինարներով, առաջադրանքներով և մենթորների հետ հանդիպումներով, ինչպես նաև հանդիպումներ հեռանկարային ներդրողների հետ։

 

«Ներդրումային պատրաստվածություն կանանց կողմից հիմնադրված ընկերությունների համար» ծրագիրը իրագործվում է «Ձեռնարկությունների Ինկուբատոր Հիմնադրամի» և «Գրանատուս Վենչուրս» ընկերության միջոցով։

 

 

Հիշեցում՝

Ծրագիրը չի ենթադրում ուղիղ դրամական աջակցություն:  Ծրագրի մասնակիցները կզարգացնեն իրենց բիզնեսի ներդրումային հնարավորությունները և ձեռք կբերեն ներդրումային գրավչության հմտութուններ։

 

 

Ծրագրին կարող եք դիմել այստեղ, մինչև սույն թվականի հունվարի 31 -ըժամը 23:59։

 


Հարցերի դեպքում կարող եք` գրել [email protected] էլ․ հասցեին կամ զանգահարել՝ 055135558 հեռախոսահամարով:




Վերադարձ
Կապ | Մեր մասին | Ծրագրեր | Ծառայություններ | Նորություններ | Հետազոտություններ | ՈՒղեցույցեր | R&D Էկոհամակարգ | ԲԼՈԳ