Ընթացիկ Նորություններ

Ասպիրանտների աջակցության ծրագիր 2022

Միջազգային հայտերի ընդունման հայտարարություն
Ասպիրանտների աջակցության ծրագիր 2022

 

Սիրով հրավիրում ենք Հայաստանյան և արտերկրի բուհերի ու հետազոտական ինստիտուտների ասպիրանտներին դիմելու Ասպիրանտների աջակցության 2022 թվականի ծրագրին: Ծրագիրն իրականցվում է «Ձեռնարկությունների ինկուբատոր» հիմնադրամի կողմից՝ PMI Science-ի աջակցությամբ և նպատակ ունի աջակցել երիտասարդ գիտնականներին՝ տրամադրելով ֆինանսավորում և օժանդակություն իրենց հետազոտական և գիտական նախագծերի համար։ 

Հետազոտական աշխատանքների ֆինանսավորման ծրագիր 2022

Միջազգային հայտերի ընդունման հայտարարություն
Հետազոտական աշխատանքների ֆինանսավորման ծրագիր 2022թ.

 

Սիրով հրավիրում ենք Հայաստանի և արտերկրի առաջատար հետազոտական ինստիտուտների, բուհերի և ընկերությունների հետազոտական թիմերին ներկայացնելու իրենց առաջարկները Հետազոտական աշխատանքների ֆինանսավորման (Faculty Research Funding) ծրագրին, որն իրականցվում է «Ձեռնարկությունների ինկուբատոր» հիմնադրամի կողմից՝ PMI Science-ի աջակցությամբ։ Ծրագրի հիմնական նպատակն է տրամադրել ֆինանսավորում և համակարգված օժանդակություն տարբեր հետազոտական թիմերին՝ ներքոհիշյալ գիտական ուղղություններում։ 

ՀԱՊՀ ԳՄ նոր մասնաշենքի նախագծային գաղափարների մրցույթ

 


ՀԱՅՏԱՐԱՐՈՒԹՅՈՒՆ

Հայաստանի ազգային պոլիտեխնիկական համալսարանի Գյումրու մասնաճյուղի նոր մասնաշենքի նախագծային գաղափարների մրցույթի


«Ձեռնարկությունների ինկուբատոր» հիմնադրամը հայտարարում է ՀԱՊՀ Գյումրու մասնաճյուղի նոր մասնաշենքի վերակառուցման ճարտարապետական գաղափարների մրցույթ:

 

Մրցույթի նպատակն է հավաքագրել ՀԱՊՀ Գյումրու մասնաճյուղի նոր մասնաշենքի նպատակով հատկացված՝ ՀՀ Շիրակի մարզի Գյումրի քաղաքի Աճեմյան 25 և Աճեմյան 2/1 հասցեներում տեղակայված շենքերի, ինչպես նաև դրանց հարող բակային տարածքի վերակառուցման ճարտարապետական հետաքրքիր ու նորարարական նախագծային գաղափարներ ու մոտեցումներ:

 

Մրցույթի հիմնադրույթները

ՀԱՊՀ Գյումրու մասնաճյուղի նոր մասնաշենքը տեղակայվելու է ՀՀ Շիրակի մարզի Գյումրի քաղաքի Աճեմյան 25 և Աճեմյան 2/1 հասցեներում՝ շուրջ 2700 քմ հողամասի վրա տեղակայված և վթարային վիճակում գտնվող շենքերի տարածքում։

 

Հայեցակարգային նախագծերը պատրաստելիս պետք է հաշվի առնվի նշված շինությունների պատմա-մշակութային հուշարձան լինելու և Կումայրի արգելոցի մաս կազմելու հանգամանքը։

 

Այս նախաձեռնության հիմնական նպատակն է ձևափոխել ՀԱՊՀ Գյումրու մասնաճյուղում Տեղեկատվական և Բարձր տեխնոլոգիաների կրթության ձևաչափը՝ համապատասխանեցնելով համաշխարհային չափանիշներին՝ նոր ուսումնական ծրագրերի ներդրման, դասախոսների ուսուցման, աշխարհի առաջատար համալսարանների  հետ գործընկերության հաստատման, ինչպես նաև բացառիկ միջավայրի ստեղծման միջոցով, որտեղ գիտությունը և արվեստը տեխնոլոգիական կրթության մաս կլինեն։

 

Մասնաշենքում նախատեսվում է տեղակայել Տեղեկատվական և Բարձր տեխնոլոգիաների ուղղվածության կրթական լսարաններ/լաբորատորիաներ, գրասենյակներ և նորաստեղծ թիմերի համար համատեղ աշխատանքային (Co-Working) տարածքներ։

 

Առաջարկը պետք է ապահովի մասնաճյուղի համալիրում ներառված բոլոր շինությունների և բակային տարածքի օրգանական կապը՝ ապահովելով առավելագույն հարմարավետություն և նպատակային օգտագործում, պատմամշակութային տեսքի և նորարարական միջավայրի համադրություն։

 

Տարածքի գծապատկերը կարող եք տեսնել այստեղ։

Շինությունների ներկա վիճակին կարող եք ծանոթանալ տեսանյութում։

 

Մասնակցության պայմանները

Մրցույթին կարող են մասնակցել ինչպես իրավաբանական անձինք` ճարտարապետական նախագծման կազմակերպություններ, այնպես էլ ֆիզիկական անձինք՝ անհատ ճարտարապետներ և խմբեր, ուսանողներ:

 

Մրցույթն անցկացվում է մեկ փուլով: Հայտերի ընդունման ժամկետի ավարտից հետո հանձնաժողովը գնահատելու է նախագծերը, որի արդյունքներով մրցանակը շնորհվելու է առավելագույն միավորներ հավաքած մասնակցին:

 

Մրցութային հանձնաժողովի կազմում կներգրավվեն տեղեկատվական և բարձր տեխնոլոգիաների, ինչպես նաև կրթության ոլորտնի ներկայացուցիչներ և ճարտարապետներ:

 

Նշում՝ Հանձնաժողովի կազմում ընդգրկված ճարտարապետները և/կամ նրանց հետ փոխկապակցված անձինք, թիմերն ու կազմակերպությունները չեն կարող մասնակցել մրցույթին։

 

 

Մրցանակ

Մրցույթում հաղթող հայեցակարգային նախագծի համար նախատեսված է մեկ մրցանակային տեղ։  

 

Մրցանակը՝ 1․000.000 ՀՀ դրամ է (ներառյալ՝ հարկերը, տուրքերը և այլ պարտադիր վճարները):

 

 

Մասնակցության հայտ

Մրցութային նախագծերը անհրաժեշտ է ներկայացնել մինչև 2022թ-ի մայիսի 2-ը ներառյալ՝

  • Ծրարով ներկայացնելու դեպքում՝ ՁԻՀ գրասենյակ, ք․ Երևան, 0062, Բագրևանդի փ․ 21/1 հասցեով;
  • Էլեկտրոնային փոստով ներկայացնելու դեպքում՝ [email protected] էլ. հասցեով։

Նախագծերի էլեկտրոնային ֆայլերը անհրաժեշտ է ներկայացնել առավելագույնը 28 MB ծավալով՝ PDF ձևաչափով, ինչպես նաև առավելագույնը 2 MB ծավալով՝ JPG ձևաչափով՝

  • էլեկտրոնային կրիչով (ծրարով ներկայացնելու դեպքում);
  • որպես էլ․ նամակի կցորդ կամ ամպային հարթակի հղումով (Էլ․ փոստով ներկայացնելու դեպքում):

 

Ցուցահանդեսային ձևաչափով մրցութային հանձնաժողովին և այլ գործընկերներին ու շահառուներին ներկայացնելու նպատակով՝ ներկայացվող ֆայլը պետք է լինի այնպիսի չափսի, որ հնարավոր լինի տպագրել 1 հատ 800 մմ * 1000 մմ չափսի գծատախտակի վրա: 

 

Նախագծի հետ միասին /ծրարում կամ էլեկտրոնային նամակով/ անհրաժեշտ է ներկայացնել նաև նախագծի հեղինակի, հեղինակների և այն բոլոր անձանց անունները, ովքեր մասնակցել են մրցութային նախագծի մշակման աշխատանքներին և հավակնում են մրցանակի մասնաբաժնի։

 

Եթե մրցույթին ներկայացված նախագիծն ունի մեկից ավելի հեղինակ, ապա անվան դիմաց պետք է նշել մասնաբաժինները՝ ընդհանուր գումարից տոկոսներով։

 

Նշում՝ Մրցույթում հաղթող նախագիծը համարվելու է ՁԻՀ սեփականությունը, և հիմնադրամը կարող է այն մասնակի կամ ամբողջությամբ օգտագործել նշված տարածքի հետագա նախագծման և կառուցապատման աշխատանքների նպատակով՝ առանց նախագծման աշխատանքներում մրցույթի հաղթողին ներգրավելու: Անկախ մրցույթի արդյունքներից՝ կազմակերպիչն իրավունք ունի վերջնական նախագծային փաթեթը պատվիրել ինչպես սույն մրցույթի մասնակից, այնպես էլ ոչ մասնակից ճարտարապետական խմբերին, անհատներին կամ կազմակերպություններին:

 

 

Ծրագրի մասին

ՀԱՊՀ Գյումրու մասնաճյուղի նոր մասնաշենքի վերակառուցման սույն նախաձեռնությունը կյանքի կկոչվի ՀՀ կառավարության և Վերակառուցման և զարգացման (Համաշխարհային) բանկի «Առևտրի խթանման և որակի ենթակառուցվածքի ծրագրի» շրջանակում՝ պետություն-մասնավոր հատված համագործակցության հենքով իրականացվող «Առաջատար բարձր տեխնոլոգիական կրթություն Հայաստանի ազգային պոլիտեխնիկական համալսարանի Գյումրիի մասնաճյուղում» ծրագրի ներքո։

 

 

Լրացուցիչ հարցերի դեպքում կարող եք դիմել՝

Հեռ.՝ +374 11 219797; Էլ. փոստ՝ [email protected]




Վերադարձ
Կապ | Մեր մասին | Ծրագրեր | Ծառայություններ | Նորություններ | Հետազոտություններ | ՈՒղեցույցեր | R&D Էկոհամակարգ | ԲԼՈԳ