ՀԱՅՏԱՐԱՐՈՒԹՅՈՒՆ /թարմացված/
«Covid-19-ը Հայաստանում» խորագրով լուսանկարների մրցույթ
Ձեռնարկությունների ինկուբատոր հիմնադրամը հայտարարում է լուսանկարների մրցույթ՝ «Covid-19-ը Հայաստանում» խորագրով:
Մրցանակային ֆոնդը՝ 1․500․000 ՀՀ դրամ է, որը կբաշխվի մինչև 3 հաղթող ճանաչված լուսանկարների հեղինակների միջև, հետևյալ անվանակարգերում՝
- Լավագույն լուսանկար (ոչ պրոֆեսիոնալ) – ժյուրիի անվանակարգ,
- Լավագույն լուսանկար (պրոֆեսիոնալ) – ժյուրիի անվանակարգ,
- Facebook-ում ամենաշատ հավանումներ հավաքած լուսանկար։
Մարդկային մտքի ճկունության և ստեղծագործ մոտեցման շնորհիվ տարբեր իրավիճակներում վերափոխվելու կամ ադապտացվելու մասին սերունդներին պատմում են արձանագրված փաստերը:
2020-ը պատմության մեջ կամրագրվի որպես աշխարհի վերափոխման տարեգրություն։ Տարեգրություն, որն աշխարհում արժեքների վերափոխման, առաջնայնությունների վերանայման և ադապտացման նոր տեխնոլոգիաների ձեռագիր կերտեց:
Եկե՛ք լուսանկարների միջոցով ցուցադրենք աշխարհին, թե նոր տեսակի կորոնավիրուսային հիվանդության՝ «Covid-19»-ի համավարակային մեկուսացման պայմաններում ինչպես է ապրում, ուրախանում, տխրում, հարմարվում ու մտածում հայաստանցին, ով պատմական տարբեր դարաշրջաններում, իր ճկուն մտածելակերպի և դրանից բխող գործողությունների շնորհիվ, հաղթահարել է տարաբնույթ փորձություններ:
Մրցույթի գնահատման գործընթացում կներգրավվեն տարբեր մասնագետներ՝ ինչպես Հայաստանից, այնպես էլ արտերկրից:
Յուրաքանչյուր մասնակից կարող է ներկայացնել առավելագույնը 3 (երեք) լուսանկար։
Լուսանկարները պետք է ներկայացվեն JPEG/JPG ֆորմատով, առնվազն 2 ՄՊ, առանց ձևափոխման կամ խորը մշակման (օր․՝ Photoshop), առանց տեսանելի ջրանիշերի։
Ընդունվում են թե՛ պրոֆեսիոնալ, թե՛ սիրողական լուսանկարիչների աշխատանքներ, որոնք գնահատվելու են համատեղ։
Մրցույթի շրջանակում հաղթող են ճանաչվելու «Covid-19-ը Հայաստանում» թեմային առնչվող լավագույն ու տպավորիչ բովանդակությամբ լուսանկարները (անկախ որակից)։
Եթե ցանկանում եք մասնակցել մրցույթին, ապա անցեք ստորև նշված հղումով, լրացրեք մասնակցության հայտը և ներբեռնեք թեմատիկ լուսանկարները՝
https://bit.ly/3dsAcqi
Հայտերի ներկայացման վերջնաժամկետը՝
2020թ-ի մայիսի 25-ը, ժամը 23։59 (ՀՀ ժամանակով) ներառյալ։
Հարցերի դեպքում կարող եք կապ հաստատել՝
+374 11 219797 հեռախոսահամարով կամ [email protected] էլ․-փոստի հասցեով։
Վերադարձ
ԼՈՒՍԱՆԿԱՐՆԵՐԻ ՄՐՑՈՒՅԹ «Covid-19-ը Հայաստանում» 
