Ընթացիկ Նորություններ

Ասպիրանտների աջակցության ծրագիր 2021

ՀԱՅՏԱՐԱՐՈՒԹՅՈՒՆ

Ասպիրանտների աջակցության ծրագիր 2021

 

Սիրով հրավիրում ենք ՀՀ բուհերի ու հետազոտական ինստիտուտների ասպիրանտներին դիմելու Ասպիրանտների աջակցության 2021 թվականի ծրագրին:  Ծրագիրն իրականցվում է «Ձեռնարկությունների ինկուբատոր» հիմնադրամի կողմից՝ PMI Science-ի աջակցությամբ և նպատակ ունի աջակցել երիտասարդ գիտնականներին՝ տրամադրելով ֆինանսավորում և օժանդակություն իրենց հետազոտական և գիտական նախագծերի համար։ 2018թ-ից 11 համալսարանների և հետազոտական ինստիտուտների 30 ասպիրանտներ արդեն ներգրավվել են ծրագրում՝ գրանցելով հսկայական առաջընթաց իրենց հետազոտություններում։

Հետազոտական աշխատանքների ֆինանսավորման ծրագիր 2021

ՀԱՅՏԱՐԱՐՈՒԹՅՈՒՆ
Հետազոտական աշխատանքների ֆինանսավորման ծրագիր 2021թ.

 

Սիրով հրավիրում ենք Հայաստանի Հանրապետության հետազոտական ինստիտուտների և բուհերի հետազոտական թիմերին ներկայացնելու իրենց առաջարկները Հետազոտական աշխատանքների ֆինանսավորման (Faculty Research Funding) ծրագրին, որն իրականցվում է «Ձեռնարկությունների ինկուբատոր» հիմնադրամի կողմից՝ PMI Science-ի աջակցությամբ։ Ծրագրի հիմնական նպատակն է տրամադրել ֆինանսավորում և համակարգված օժանդակություն տարբեր հետազոտական թիմերին՝ ներքոհիշյալ գիտական ուղղություններում։ 2018 թվականից 19 հետազոտական ինստիտուտների և համալսարանների 45 հետազոտական թիմեր արդեն դարձել են ծրագրի շահառուներ՝ գրանցելով հսկայական առաջընթաց իրենց հետազոտություններում։

Լուսանկարների մրցույթ «Արցախյան պատերազմ 2020 ՏԱՐԵԳՐՈՒԹՅՈՒՆ»

 

ՀԱՅՏԱՐԱՐՈՒԹՅՈՒՆ /թարմացված/


«Արցախյան պատերազմ 2020 ՏԱՐԵԳՐՈՒԹՅՈՒՆ» խորագրով լուսանկարների մրցույթ

 

 

Մասնակցե՛ք պատերազմական օրերի թվային վավերագրումները հավաքագրելու և պատմական արդարությունը վերականգնելու նպատակով սերունդներին փոխանցելու այս կարևոր նախաձեռնությանը:

 

2020թ-ը պատմության մեջ կամրագրվի որպես համաշխարհային տարաբնույթ փորձությունների տարեգրություն։ Իսկ մեզ՝ հայերիս համար, նաև պատերազմական ու անդառնալի կորուստների մի պատմական էջ:

 

2020թ-ի սեպտեմբերի 27-ին Թուրքիայի և մի շարք այլ պետությունների աջակցությամբ, սիրիացի վարձկանների ներգրավմամբ, խաղաղ բնակչության հանդեպ աննախադեպ ոտնձգություններով, անթույլատրելի զինատեսակների կիրառմամբ և միջազգային և համամարդկային նորմերի բազմապիսի խախտումներով՝ Ադրբեջանի կողմից հայկական երկու պետությունների դեմ սանձազերծված պատերազմն ու դրա ցավալի հանգուցալուծումը հիրավի խոր հետք կթողնեն մեր հոգեկերտվածքի վրա։

 

Սակայն մեր մտքի ճկունության և տոկունության շնորհիվ մենք վստահաբար կկարողանանք մեր ուսերից թոթափել այս պատմական բեռն ու կրկին ոտքի կանգնել և առաջ շարժվել՝ ամրացնելով մեր պետականության հիմքերն ու կերտելով նոր հաղթական ճանապարհներ։

 

Եվ անհրաժեշտ է նաև ստեղծագործ մոտեցման շնորհիվ սերունդներին փոխանցել պատերազմական օրերին արձանագրված փաստերը:

 

«Ձեռնարկությունների ինկուբատոր» հիմնադրամը հայտարարում է լուսանկարների մրցույթ՝ «Արցախյան պատերազմ 2020 ՏԱՐԵԳՐՈՒԹՅՈՒՆ» խորագրով:

 

Եկե՛ք լուսանկարների միջոցով ցուցադրենք աշխարհին 21-րդ դարում՝ առաջադեմ հասարակության աչքի առաջ մեր ազգի հանդեպ իրականացված այդ աննախադեպ ոտնձգության, մեր բանակի ու աշխարհազորի ցուցաբերած հերոսությունների և միասնական համահայկական թիկունքի պատմագրությունը:

 

«Արցախյան պատերազմ 2020 ՏԱՐԵԳՐՈՒԹՅՈՒՆ» մրցույթի շրջանակում ընդունվում են թե՛ պրոֆեսիոնալ, թե՛ սիրողական լուսանկարիչների աշխատանքներ, հետևյալ թեմատիկ ուղղություններով՝

 

- Վայրագություններ մարդկության դեմ,

- Հերոսապատումներ,

- Միասնական թիկունք։


Մրցույթի գնահատման գործընթացում կներգրավվեն տարբեր մասնագետներ՝ ինչպես Հայաստանից, այնպես էլ արտերկրից: Մրցույթի շրջանակում հաղթող են ճանաչվելու յուրաքանչյուր թեմային առնչվող լավագույն ու ազդեցիկ բովանդակությամբ լուսանկարները (անկախ որակից)։


Մրցանակային ֆոնդը՝ 1․500․000 ՀՀ դրամ է, որը կբաշխվի 3 թեմատիկ ուղղություններում հաղթող ճանաչված լուսանկարների հեղինակների միջև։

 

Յուրաքանչյուր մասնակից կարող է ներկայացնել առավելագույնը 3 (երեք) լուսանկար։

Լուսանկարները պետք է ներկայացվեն JPEG/JPG ֆորմատով, առնվազն 2 ՄՊ, առանց ձևափոխման կամ խորը մշակման (օր․՝ Photoshop), առանց տեսանելի ջրանիշերի։

 

Եթե ցանկանում եք մասնակցել մրցույթին, ապա անցեք ստորև նշված հղումով, լրացրեք մասնակցության հայտը և ներբեռնեք թեմատիկ լուսանկարը(ները)՝

https://forms.gle/3x5MUApV7jZRefdp8

 

Հայտերի ներկայացման վերջնաժամկետը՝

2021թ-ի մայիսի 25-ը, ժամը 23։59 (Երևանի ժամանակով) ներառյալ։

 

 

Հարցերի դեպքում կարող եք կապ հաստատել՝

+374 11 219797 հեռախոսահամարով կամ [email protected] էլ․-փոստի հասցեով։




Վերադարձ
Կապ | Մեր մասին | Ծրագրեր | Ծառայություններ | Նորություններ | Հետազոտություններ | ՈՒղեցույցեր | R&D Էկոհամակարգ | ԲԼՈԳ