Ընթացիկ Նորություններ

Միասին՝ արցախահայության համար

Համախմբման կոչ ՀՀ ողջ տարածքում գործող անհատներին, կառույցներին, մասնավոր ընկերություններին, որոնք ցանկանում են աշխատանքով ապահովել Արցախից բռնի տեղահանված մեր հայրենակիցներին։

Եթե Դուք գործում եք բարձր տեխնոլոգիաների, գյուղատնտեսության կամ հյուրընկալության ոլորտներում և նպատակ ունեք աշխատանքով ապահովել արցախահայերին՝ «Ձեռնարկությունների ինկուբատոր» հիմնադրամը «Հայաստանում աշխատուժի զարգացման» ծրագրի շրջանակում առաջարկում է կազմակերպել նրանց վերապատրաստման ԱՆՎՃԱՐ դասընթացներ։  

ԻՔ աքսելերատորի բնապահպանական քննարկում

Իրազեկում

Հարգելի քաղաքացիներ, տեղեկացնում ենք Ձեզ, որ «Առևտրի խթանման և որակյալ ենթակառուցվածքների» (ԱԽՈԵ), «Ինժեներական քաղաքի Աքսելերատորի շենքի կառուցում» Ծրագրի իրականացման շրջանակներում 28.09.2023 թվականին, ժամը 11։00-ին «Ձեռնարկությունների Ինկուբատոր» հիմնադրամի գրասենյակում նախատեսվում է իրականացնել հանրային իրազեկման հանդիպում՝ Ծրագրի մեկնարկի, նախատեսվող բնապահպանական և սոցիալական մեղմման միջոցառումների և այլ մանրամասների ներկայացման նպատակով։

Ի՞նչ է ՁԻՀ-ը

«Ձեռնարկությունների Ինկուբատոր» հիմնադրամը (ՁԻՀ) տարածաշրջանի խոշորագույն տեխնոլոգիական բիզնես ինկուբատորներից և խորհրդատվական ընկերություններից մեկն է, որը գործում է Երևանում: Կազմակերպությունը հիմնադրվել է 2002թ. Համաշխարհային Բանկի «Ձեռնարկությունների Ինկուբատոր» ծրագրի շրջանակում և  կոչված է խթանելու Հայաստանում տեղեկատվական և հեռահաղորդակցության տեխնոլոգիաների ոլորտի աճը՝ նորարարության զարգացման, տեխնոլոգիաների կատարելագործման և ընկերությունների ընդլայնման համար նպաստավոր միջավայրի ստեղծման միջոցով :


Մեր գործունեությունն ընդգրկում է ոլորտի զարգացման յուրաքանչյուր բնագավառ՝ ՏՀՏ ոլորտում իրավական, գործարար և կրթական բարեփոխումներ, պետական ծրագրերի իրականացում, ներդրումների ներգրավում և ՓՄՁ ֆինանսավորման մեխանիզմների ստեղծում, անհատական ծառայությունների և խորհրդատվության մատուցում սկսնակ ընկերություններին, մասնագիտական և կառավարման կադրերի վերապատրաստում: Հիմնադրամը ծառայում է որպես հաղորդակցման խաչմերուկ ոլորտում գործող բոլոր կառույցների, պետական և մասնավոր հաստատությունների, միջազգային կազմակերպությունների և կառավարության գործակալությունների, խոշոր վերազգային ընկերությունների և փոքր սկսնակ բիզնեսների համար, համախմբելով և համատեղելով նրանց բոլորի ջանքերը մեկ գլխավոր նպատակի շուրջ՝ հասնել ՏՀՏ գերազանցության:

Մեր նպատակներն են.

  • ստեղծել տեղեկատվական և հեռահաղորդակցության տեխնոլոգիաների ոլորտի արդյունավետ ենթակառուցվածք՝ խթանելու տեխնոլոգիական առաջընթացը և անցումը գիտելիքահենք տնտեսության,   
  • իրականացնել ծրագրեր ուղղված համակարգիչների համատարած օգտագործման մակարդակի բարձրացմանը և էլեկտրոնային հասարակություն ձևավորմանը,   
  • աջակցել հայկական ձեռնարկություններին՝ բարձրացնելով նրանց մրցունակությունը համաշխարհային շուկաներում,   
  • մշակել նոր ճանապարհներ օտարերկրյա ուղղակի ներդրումները դեպի Հայաստան ուղղելու նպատակով,   
  • հաստատել կապեր հիմնական տեխնոլոգիական շուկաների գործարար և հետազոտական ոլորտների համայնքների հետ,    
  • աջակցել սկսնակ ընկերությունների ստեղծմանը և նրանց հետագա զարգացմանը,   
  • զարգացնել հայկական ընկերությունների ղեկավար անձնակազմի և մասնագետների հմտությունները, նպաստել աշխատանքի արտադրողականության բարձրացմանը,   
  • հաղորդակից դարձնել տեղական ընկերություններին միջազգային լավագույն փորձին և գիտելիքին:

 

Տե՛ս նաև. 


Հետադարձ կապ | Մեր մասին | Ծրագրեր | Ծառայություններ | Նորություններ | Հետազոտություններ | ՈՒղեցույցեր | R&D Էկոհամակարգ | ԲԼՈԳ