Ընթացիկ Նորություններ

Նորարարություններին ուղղված համաֆինանսավորվող դրամաշնորհ

«Աջակցություն ՓՄՁ զարգացմանը Հայաստանում» ծրագիրը, որը համաֆինանսավորվում է Եվրամիության, ինչպես նաև Գերմանիայի դաշնային հանրապետության տնտեսական համագործակցության և զարգացման նախարարության կողմից և իրականացվում է ԳՄՀԸ «Մասնավոր հատվածի զարգացումը Հարավայի Կովկասում» ծրագրի շրջանակում, Ձեռնարկությունների ինկուբատոր հիմնադրամի հետ համագործակցությամբ հայտարարում է դրամաշնորհային նոր մրցույթ: 

“Learn to Code! It’s Fun!” խորագրով միջոցառում եվրոպական ծրագրավորման

Հոկտեմբերի 21-ին Երևանում առաջին անգամ անցկացվեց “Learn to Code! It’s Fun!” խորագրով միջոցառում եվրոպական ծրագրավորման ամենամեծ իրադարձության՝ EU Code Week-ի շրջանակներում: Միջոցառումը նախաձեռնել էր Ձեռնարկությունների Ինկուբատոր Հիմնադրամի (EIF)  Հայ-Հնդկական ՏՀՏ Գերազանցության Կենտրոնը (AITC), միջոցառման աջակիցն էր GOOGLE-ը:

Նոր դասընթաց` IBM Վաթսոն` հիմունքներ և գործնական կիրառում թեմայով

15.01.2015


Նոր դասընթաց` IBM Վաթսոն` հիմունքներ և գործնական կիրառում թեմայով


IBM Նորարական Լուծումների և Տեխնոլոգիաների Կենտրոնը, Հայ-Հնդկական ՏՀՏ Գերազանցության Կենտրոնը և  Ձեռնարկությունների Ինկուբատոր Հիմնադրամը հայտարարում են նոր դասընթաց`“IBM Վաթսոն` հիմունքներ և գործնական կիրառում” թեմայով: Դասընթացը մեկնարկելու է 2015թ. հունվարի 26-ից, շաբաթը երկու անգամ, երկուշաբթի և հինգշաբթի օրերին, ժամը 14:00-16:00: Դասընթացի ընդհանուր տևողությունը 30 ժամ է:  

 

Դասընթացը կվարի Սլավոնական համալսարանի դոցենտ և մաթեմատիկոս պրն Վաչագան Վագրադյանը: Առավել մանրամասն կարող եք ծանոթանալ այստեղ: 


Դասընթացի հիմնական նպատակներն են՝

  • Մասնակիցներին տալ անհրաժեշտ գիտելիքներ ու հմտություններ, IBM Watson ծրագրով առավել արդյունավետ աշխատելու համար
  • Անցնել Թյուրինգի թեստը:
  • Ստեղծել դպրոցում շախմատ սովորող երեխաների համար օգտակար գործիք՝ դիդակտիկ նյութ, որը հնարավորություն կտա գտնել ցանկացած շախմատային հասկացության օրինակներ լավագույն գրոսմայստերների խաղերից:  
  • Օգտակար գործիք ստեղծել գրոսմայստերների և այլ բարձրակարգ շախմատիստների համար մրցամարտերին նախապատրաստվելիս հակառակորդների խաղավոճի առանձնահատկություններն առավել լավ ուսումնասիրելու համար, 
  • Շախմատին վերաբերվող ցանկացած հարցին լրիվ և համակողմանի պատասխան ստանալու հնարավորություն ստեղծել:
  • Փորձ և հմտություններ կուտակել արհեստական բանականության խնդիրների լուծման ասպարեզում և դրանք կիրառել այլ ոլորտներում նմանատիպ խնդիրների լուծման համար:

Դասընթացը բաղկացած է.

  • Շախմատային հասկացությունների մոդելավորում ոչհստակ բազմությունների և լինգվիստիկ փոփոխականների կիրառմամբ:
  • Շախմատային պարտիաների տվյալների ոչհստակ բազայի ստեղծում, որտեղ հայցը հնարավոր կլինի ներկայացնել ոչհստակ ձևակերպմամբ:
  • Առաջին կարգային շախմատիստի ուժով խաղացող ծրագրի ստեղծում:
  • Շախմատային թեմաներով զրուցող «չատ-բոտ»-ի ստեղծում:
  • Watson ծրագրի ուսուցում:


Դասընթացը նախատեսված է ծրագրավորման և մաթեմատիկայի մասնագետների համար: Դասընթացը անցկացվելու է հայերեն լեզվով: Դասընթացը անվճար է: Լավագույն ուսանողներին հրավիրելու են մասնակցելու դասընթացի հիման վրա պլանավորված ծրագրում:  


Գրանցվելու համար խնդրում ենք լրացնել համապատասխան հայտը` մինչև հունվարի 23, 2015թ.: Խնդրում ենք գրանցվել հնարավորինս շուտ՝ հաշվի առնելով, որ տեղերը սահմանափակ են: 
Հարցերի դեպքում կարող եք զանգահարել մեզ +374 91 509223, 010 219730  հեռախոսահամարներով կամ ուղարկեք նամակ inna.galoyan@eif.am էլ. հասցեով:




Վերադարձ
Պատկերասրահ | Մեր մասին | Ծրագրեր | Ծառայություններ | Նորություններ | Հետազոտություններ | ՈՒղեցույցեր | Կապ