Ընթացիկ Նորություններ

«Տվյալների գիտությունը բիզնեսում» մագիստրոսական կրթական ծրագիր

ՀԱՅՏԱՐԱՐՈՒԹՅՈՒՆ

 

Երևանի պետական համալսարանը (ԵՊՀ)` «Ձեռնարկությունների ինկուբատոր» հիմնադրամի (ՁԻՀ), ISTC հետ համատեղ և PMI Science-ի աջակցությամբ հայտարարում են «Տվյալների գիտությունը բիզնեսում» մագիստրոսական կրթական ծրագրի ընդունելություն 2021-2022թթ․ ուսումնական տարվա համար:

«Արդյունաբերական և համակարգային ինժեներություն» մագիստրոսական ծրագիր

ՀԱՅՏԱՐԱՐՈՒԹՅՈՒՆ

 

Հայաստանի ազգային պոլիտեխնիկական համալսարանը (ՀԱՊՀ)` «Ձեռնարկությունների ինկուբատոր» հիմնադրամի (ՁԻՀ), Ինժեներական քաղաքի, Հայաստանի ազգային ճարտարագիտական լաբորատորիաների (ՀԱՃԼ) հետ համատեղ և PMI Science-ի աջակցությամբ հայտարարում են «Արդյունաբերական և համակարգային ինժեներություն» մագիստրոսական կրթական ծրագրի ընդունելություն՝ 2021-2022թթ․ ուսումնական տարվա համար:

Հայաստանը՝ unBound Digital 2014 տեխնոլոգիական համաժողովում

25.11.2014

 

Հայաստանն առաջին անգամ մասնակցում է unBound Digital 2014 միջազգային տեխնոլոգիական համաժողովին

 

Լոնդոնում ընթանում է unBound Digital 2014 միջազգային համաժողովը, որին առաջին անգամ մասնակցում են հայկական տեխնոլոգիական սկսնակ ընկերությունները՝ հանդես գալով երկիրը ներկայացնող ընդհանուր տաղավարով: Մասնակիցների թվում են Wicastr, SoloLearn, AVT Mobile, Instigate, Agnian, menu.am, Lionsharp, Twenty Something London, News Deeply, Gitoon կազմակերպությունները:

 

Հայկական սկսնակ կազմակերպությունների մասնակցությունը միջոցառմանը համակարգում և կազմակերպում է Ձեռնարկությունների Ինկուբատոր հիմնադրամը՝ Գրանատուս Վենչուրս ընկերության հետ համատեղ՝ նպատակ ունենալով աջակցել սկսնակ ընկերություններին, հնարավորություն ընձեռել ներկայանալ միջազգային ասպարեզում, ձեռք բերել նոր գործընկերներ ու ներդրողներ, զարգացնել իրենց նախագծերը:

 

Տեղեկացնենք, որ unBound Digital միջոցառումը համախմբում է թվային աշխարհի առաջնորդներին և սկսնակներին: Այս տարի այն միավորում է 800 ձեռներեցների, ներդրողների, տեխնոլոգիական ոլորտի առաջատարների և սկսնակ կազմակերպությունների: unBound Digital 2014-ն ունի պատվիրակություններ Չեխիայից, Լիտվայից, Էստոնիայից, Իսրայելից, Մեծ Բրիտանիայից, ԱՄՆ-ից, Իտալիայից, Ֆրանսիայից, Իսպանիայից, Գերմանիայից, Իռլանդիայից, Պորտուգալիայից, Հնդկաստանից, Հարավային Կորեայից, Հայաստանից և Սինգապուրից:




Վերադարձ
Պատկերասրահ | Մեր մասին | Ծրագրեր | Ծառայություններ | Նորություններ | Հետազոտություններ | ՈՒղեցույցեր | R&D Էկոհամակարգ | ԲԼՈԳ | Կապ