Ընթացիկ Նորություններ

NVIDIA «Խոր ուսուցման հիմնարար գիտելիքներ» դասընթաց 2022

ՀԱՅՏԱՐԱՐՈՒԹՅՈՒՆ

 

NVIDIA խոր ուսուցման ինստիտուտը (Deep Learning Institute, DLI) և ԵՊՀ-ի «Տվյալների գիտությունը բիզնեսում» մագիստրոսական ծրագիրը՝ «Ձեռնարկությունների ինկուբատոր» հիմնադրամի և «Ինովացիոն լուծումների և տեխնոլոգիաների կենտրոն» հիմնադրամի հետ համատեղ, հրավիրում են մասնակցելու «Խոր ուսուցման հիմնարար գիտելիքներ» դասընթացին։

ԻՆԹԵՐՆՇԻՓ
ԻՆԹԵՐՆՇԻՓԻ ՀՆԱՐԱՎՈՐՈՒԹՅՈՒՆ 
բնագիտական ուղղությունների ուսանողների և ասպիրանտների համար

Այս նախաձեռնությունն իրականացվում է«Ձեռնարկությունների ինկուբատոր» հիմնադրամի կողմից՝ PMI Science-ի հետ համագործակցությամբ իրականացվող գիտահետազոտական էկոհամակարգի ձևավորմանն ու զարգացմանն ուղղված ծրագրերի շրջանակում։

 

Միացեք մեր թիմին, ցուցաբերեք նորը բացահայտելու ձգտում և աշխատասիրություն, իսկ մենք Ձեզ համար կստեղծենք հետաքրքիր ու հեռանկարային հնարավորություններ։


Truthly հավելվածը կօգնի ինքնակատարելագործվել

03.06.2015


«Truthly» բջջային հավելվածը կօգնի ինքնակատարելագործվել ընկերների անկեղծ կարիծիքների շնորհիվ


Ինչպիսին եմ ես կյանքում, ինչ թերություններ ու առավելություններ ունեմ, ինչպես շտկեմ բացասական հատկանիշներս և շեշտադրեմ դրականներս: Շատերս ենք նման հարցեր ուղղում մեզ` փորձելով կողքինների աչքերով նայել մեզ ու վերլուծել մեր գործողությունները: Հայ ծրագրավորողները մտածել ու ստեղծել են «Truthly» բջջային հավելվածը, որն անանուն կերպով ընկերներից կարծիք ստանալու միջոց է: Ծրագրի համահեղինակ Հրաչյա Մանուկյանը նշեց, որ հավելվածն ուղղված է անհատի ինքնազարգացմանը՝ նրանց ճանաչող մարդկանց կողմից ստացվող կառուցողական կարծիքների միջոցով: «Truthly»­ն անանուն հետադարձ կապ տալու ծրագիր է, դրա միջոցով մարդը իր մասին իմանում է կարծիքներ իր շրջապատից, որը սովորական իրավիճակներում չի կարող ստանալ, քանի որ մարդիկ սովորաբար դեմ առ դեմ իրար չեն ասում այն, ինչ մտածում են: Ծրագիրն ազատություն է տալիս, բայց ամենակարևորն այն է, որ այդ ամենը կոնստրուկտիվ բնույթ ունի: Նպատակն այն չէ, որ իրար անանուն հայհոյեն, այլ որ կառուցողական բաներ ասեն, որ մարդը կատարելագործվի»,­- ասաց Հրաչյա Մանուկյանը: Նրա խոսքով` հավելվածի տեստավորման փուլում պարզ է դարձել, որ 95 տոկոսից ավելի դեպքերում մարդիկ հակված են կառուցողական հետադարձ կապ ապահովել, ինչպես ծրագիրը գրողները նախապես պատկերացնում էին: «Քանի որ իրար մասին կարծիք են արտահայտում միայն ընկերները, այդքանով այդ կարծիքները ֆիլտրվում են»,-­ավելացրեց Հրաչյա Մանուկյանը:


Ծրագրի նորարարությունը, ըստ «Truthly»­ի համահիմնադրի, անձնական հետադարձ կապի ապահովումն է, այսինքն` մարդը մարդու մասին է կարծիք հայտնում: «Հիմնականում հետադարձ կապի ծրագրերը օգտագործում են ընկերությունները, որ հաճախորդներից կամ ներքին անձնակազմից կարծիքներ ստանան: Այդ առումով նորարարություն է, որ մենք փորձում ենք մարդուն ինքնազարգանալու և անձնային աճ ապահովելու նոր լուծում առաջարկել»,­-տեղեկացրեց Հրաչյա Մանուկյանը:


«Truthly»­ին ներկայում հասանելի է iOS հարթակում, առկա է AppStore­ում, հետագայում կպատրաստվի նաև Անդրոիդ հարթակի համար, ինչպես նաև կգործի կայք: Հավելվածի համահիմնադիր Ալեքսանդր Ադամյանն էլ հայտնեց, որ ծրագիրը, հայաստանյանից բացի, այլ շուկաներ է փնտրելու: «Այժմ ծրագիրը հասանելի է Հայաստանում և ավելի շատ գրանցվում են հենց Հայաստանից, քանի որ ուզում ենք այստեղ տարածվել, հասկանալ օգտագործողների կարծիքը, ինչ­-որ փոփոխություններ անենք ու դուրս գանք այլ շուկաներ»,­-ասաց նա:


«Truthly»­ի ծրագիրը վերջերս արժանացավ դրամաշնորհի Ձեռնարկությունների ինկուբատոր հիմնադրամի, ՀՀ էկոնոմիայի նախարարության կողմից իրականացվող և Համաշխարհային բանկի կողմից ֆինանսավորվող նորարար գաղափարների դրամաշնորհային համաֆինանսավորվող մրցույթում: «Դրամաշնորհն ուղղվելու է ընկերություն բացելու, թիմն ընդլայնելու ծախսերին»,­-հայտնեցին համահիմնադիրները:


Աղբյուր՝ Արմենպրես լրատվական գործակալություն




Վերադարձ
Կապ | Մեր մասին | Ծրագրեր | Ծառայություններ | Նորություններ | Հետազոտություններ | ՈՒղեցույցեր | R&D Էկոհամակարգ | ԲԼՈԳ