Ընթացիկ Նորություններ

Ասպիրանտների աջակցության ծրագիր 2021

ՀԱՅՏԱՐԱՐՈՒԹՅՈՒՆ

Ասպիրանտների աջակցության ծրագիր 2021

 

Սիրով հրավիրում ենք ՀՀ բուհերի ու հետազոտական ինստիտուտների ասպիրանտներին դիմելու Ասպիրանտների աջակցության 2021 թվականի ծրագրին:  Ծրագիրն իրականցվում է «Ձեռնարկությունների ինկուբատոր» հիմնադրամի կողմից՝ PMI Science-ի աջակցությամբ և նպատակ ունի աջակցել երիտասարդ գիտնականներին՝ տրամադրելով ֆինանսավորում և օժանդակություն իրենց հետազոտական և գիտական նախագծերի համար։ 2018թ-ից 11 համալսարանների և հետազոտական ինստիտուտների 30 ասպիրանտներ արդեն ներգրավվել են ծրագրում՝ գրանցելով հսկայական առաջընթաց իրենց հետազոտություններում։

Հետազոտական աշխատանքների ֆինանսավորման ծրագիր 2021

ՀԱՅՏԱՐԱՐՈՒԹՅՈՒՆ
Հետազոտական աշխատանքների ֆինանսավորման ծրագիր 2021թ.

 

Սիրով հրավիրում ենք Հայաստանի Հանրապետության հետազոտական ինստիտուտների և բուհերի հետազոտական թիմերին ներկայացնելու իրենց առաջարկները Հետազոտական աշխատանքների ֆինանսավորման (Faculty Research Funding) ծրագրին, որն իրականցվում է «Ձեռնարկությունների ինկուբատոր» հիմնադրամի կողմից՝ PMI Science-ի աջակցությամբ։ Ծրագրի հիմնական նպատակն է տրամադրել ֆինանսավորում և համակարգված օժանդակություն տարբեր հետազոտական թիմերին՝ ներքոհիշյալ գիտական ուղղություններում։ 2018 թվականից 19 հետազոտական ինստիտուտների և համալսարանների 45 հետազոտական թիմեր արդեն դարձել են ծրագրի շահառուներ՝ գրանցելով հսկայական առաջընթաց իրենց հետազոտություններում։

Լավագույն տեխնոլոգիական լուծումները ոչ տեխնոլոգիական ոլորտներում

 

 

ՀԱՅՏԵՐԻ ԸՆԴՈՒՆՄԱՆ ՀՐԱՎԵՐ

«Լավագույն տեխնոլոգիական լուծումները ոչ տեխնոլոգիական ոլորտներում» գաղափարների մրցույթ

 

 

«Ձեռնարկությունների ինկուբատոր» հիմնադրամը և «Ֆիլիպ Մորրիս Արմենիա»-ն՝ ՀՀ բարձր տեխնոլոգիական արդյունաբերության նախարարության հետ համագործակցությամբ, հայտարարում են «Լավագույն տեխնոլոգիական լուծումները ոչ տեխնոլոգիական ոլորտներում» գաղափարների մրցույթ, որի նպատակն է աջակցել հայաստանյան այն թիմերին և ընկերություններին, որոնք զբաղվում են տնտեսության ավանդական ոլորտներում հեղափոխություն առաջացնող նորարարական տեխնոլոգիական լուծումների մշակմամբ:

 

Տեխնոլոգիական լուծումները պետք է առնչվեն այնպիսի ոչ-տեխնոլոգիական ուղղությունների, ինչպիսիք են՝

  • Կայունությունը և այլընտրանքային էներգիան,
  • Դիզայնը և ստեղծարարությունը,
  • Մշակումը և արտադրությունը,
  • Գիտությունն ու կրթությունը,
  • Գյուղատնտեսությունն ու համայնքային զարգացումը,
  • Առողջապահությունն ու հոգեբանությունը,
  • Զբոսաշրջությունը և հյուրընկալությունը,
  • և այլն։

 

Մասնակից թիմերը հնարավորություն կունենան աշխատելու փորձառու մենթորների հետ և ներկայացնելու իրենց գաղափարները հատուկ Bootcamp-ի ընթացքում:

 

Ընտրված թիմերը կստանան շուրջ 1.440.000 ՀՀ դրամի չափով մրցանակ (ներառյալ հարկերը, տուրքերը և/կամ այլ պարտադիր վճարները):

 

«Լավագույն տեխնոլոգիական լուծումները ոչ տեխնոլոգիական ոլորտներում» մրցույթի հայտերը պետք է ներկայացվեն մինչև 2021թ. հոկտեմբերի 15-ը, ժամը 23:59 (Երևանի ժամանակով)՝ լրացնելով հետևյալ հայտաձևը։

 

Հայտերը պետք է ներկայացվեն հայերեն կամ անգլերեն։

 

Նշում՝ Տեղեկացնում ենք, որ հայտադիմումը լրացնելու համար անհրաժեշտ է ունենալ Google հաշիվ:

 


 

Բոլոր հետաքրքրված թեկնածուների համար կկազմակերպվի նախնական առցանց տեղեկատվական հանդիպում հոկտեմբերի 12-ին ժամը 16։00-ին` մանրամասն տեղեկատվություն և աջակցություն տրամադրելու նպատակով: Գրանցման համար խնդրում ենք անցնել այստեղ։

 

 

 

Լրացուցիչ հարցերի դեպքում.

Կոնտակտայի անձ՝ Արթուր Փոքրիկյան

Հեռ. +374 11 219797; էլ. հասցե [email protected]




Վերադարձ
Կապ | Մեր մասին | Ծրագրեր | Ծառայություններ | Նորություններ | Հետազոտություններ | ՈՒղեցույցեր | R&D Էկոհամակարգ | ԲԼՈԳ