Ընթացիկ Նորություններ

Ներդրումային պատրաստվածության ծրագիր կանանց համար

Հայտարարություն


Համաշխարհային բանկի խմբի (ՀԲԽ) անդամ Միջազգային ֆինանսական կորպորացիան (IFC) Ճապոնիայի կառավարության հետ համագործակցությամբ մեկնարկում է «Ներդրումային պատրաստվածություն կանանց կողմից հիմնադրված ընկերությունների համար» ծրագրի երկրորդ փուլը, որն իրականացվում է «Ձեռնարկությունների ինկուբատոր հիմնադրամի» և «Գրանատուս Վենչուրս» ընկերության կողմից։

«Նյութագիտություն» մագիստրոսական կրթական ծրագիր

ՀԱՅՏԱՐԱՐՈՒԹՅՈՒՆ

«Նյութագիտություն» մագիստրոսական կրթական ծրագիր

 

Երևանի պետական համալսարանը (ԵՊՀ) հայտարարում է «Ձեռնարկությունների ինկուբատոր» հիմնադրամի (ՁԻՀ) և PMI Science-ի աջակցությամբ իրականացվող «Նյութագիտություն» մագիստրոսական կրթական ծրագրի ընդունելություն` 2022-2023թթ․ ուսումնական տարվա համար:

NVIDIA «Խոր ուսուցման հիմնարար գիտելիքներ» դասընթաց

 

ՀԱՅՏԱՐԱՐՈՒԹՅՈՒՆ 

 

NVIDIA խոր ուսուցման ինստիտուտը (Deep Learning Institute, DLI) և ԵՊՀ-ի «Տվյալների գիտությունը բիզնեսում» մագիստրոսական ծրագիրը՝ «Ձեռնարկությունների ինկուբատոր» հիմնադրամի և «Ինովացիոն լուծումների և տեխնոլոգիաների կենտրոն» հիմնադրամի հետ համատեղ, հրավիրում են մասնակցելու «Խոր ուսուցման հիմնարար գիտելիքներ» խորագրով 2022 թվականի երկրորդ դասընթացին, որը տեղի կունենա մայիսի 14-ին և 15-ին ԵՊՀ-ում (երկու օր, օրական 4 ժամ տևողությամբ)։

 

Դասընթացը նախատեսված է ոլորտի առաջադեմ և նորարարական մտածողությամբ սկսնակ ուսանողների, գիտաշխատողների և հետազոտողների համար։ Այն կվարի ԵՊՀ «Տվյալների գիտությունը բիզնեսում» մագիստրոսական ծրագրի դասախոս Լիլիթ Յոլյանը, ով որակավորված է որպես NVIDIA DLI դեսպան։

 

Դասընթացի ընթացքում մասնակցիները հնարավորություն կունենան սովորելու խոր ուսուցման վերաբերյալ հիմնարար հմտություններ։ Խոր ուսուցման ներածական մասից հետո մասնակիցները կհմտանան նաև խոր ուսուցման ծրագրերի ստեղծման ու մշակման որոշակի տարրերի ուղղությամբ՝ պատկերների դասակարգում (image classification), առարկաների ճանաչում (object detection), նեյրոնային ցանցերի բարելավում և այլն։ Դասընթացի ավարտին մասնակիցները հասանելիություն կունենան նաև հավելյալ ռեսուրսների՝ իրենց սեփական խոր ուսուցման նոր ծրագրերը ստեղծելու համար։

 

Մասնակցության նախապայմաններն են. 

Դասընթացը նախատեսված է սկսնակների համար, ովքեր արդեն ունեն Python-ի օգտագործման նախնական փորձառություն և վարժ տիրապետում են անգլերենին։

 

Գրանցվելու վերջնաժամկետը՝ մայիսի 11-ը (ներառյալ)։ 

 

Գրանցվելու համար այցելե՛ք այստեղ:




Վերադարձ
Կապ | Մեր մասին | Ծրագրեր | Ծառայություններ | Նորություններ | Հետազոտություններ | ՈՒղեցույցեր | R&D Էկոհամակարգ | ԲԼՈԳ