Ընթացիկ Նորություններ

Գիտական ծրագրի օգնական

ԱՇԽԱՏԱՆՔԻ ՀԱՅՏԱՐԱՐՈՒԹՅՈՒՆ

Մենք փնտրում ենք նախաձեռնող և մանրուքների նկատմամբ ուշադիր անհատի, որը կմիանա մեր թիմին որպես ՁԻՀ Գիտական ինկուբատորում Գիտական ծրագրի օգնական:


Այս դերում Դուք էական աջակցություն կցուցաբերեք գիտահետազոտական նախագծերի պլանավորման, համակարգման և իրականացման գործում: Ձեր ուժեղ վերլուծական մտածողությունը, բնագիտական գիտելիքները, սոցիալական և հաղորդակցման գերազանց հմտությունները և անգլերենի իմացությունը վճռորոշ նշանակություն կունենան գիտական նախագծերի անխափան գործունեության և հաջողության ապահովման համար:

ԱԴՄԻՆԻՍՏՐԱՏԻՎ ՕԳՆԱԿԱՆ

Աշխատանքի հայտարարություն

 

«Ձեռնարկությունների ինկուբատոր» հիմնադրամը (ՁԻՀ) փնտրում է բարձր պատասխանատվության զգացումով Ադմինիստրատիվ օգնական՝ կազմակերպության գրասենյակի գործառնական աշխատանքների կազմակերպումն արդյունավետ ապահովելու նպատակով։

 

Հայտերն ընդունվում են մինչև 2024թ-ի հունվարի 25-ը (ներառյալ)։

Նոր դասընթաներ Հայ-հնդկական ՏՀՏ գերազանցության կենտրոնում

30.10.2014

 

Հայ-հնդկական ՏՀՏ գերազանցության կենտրոնը նոյեմբեր ամսվա ընթացքում կիրականացնի նոր դասընթաներ

 

Նոյեմբեր ամսվա ընթացքում Հայ-հնդկական ՏՀՏ գերազանցության կենտրոնը կիրականացնի մոբայլ ծրագրավորման, տեղեկատվական տեխնոլոգիաների, գրաֆիկական դիզայնի և բիզնեսի վերաբերյալ նոր դասընթացներ:

 

Մոբայլ ծրագրավորմամբ հետաքրքրված անձնինք հնարավորություն կունենան յուրացնել IPhone և Android ծրագրավորման յուրահատկությունները, բիզնես դասընթացներով հետաքրքվածները կկարողանան համալրել իրենց գիտելիքները Նախագծերի կառավարման, Բրենդի կառավարման, Կորպորատիվ սոցիալական պատասխանատվության, Փոփոխությունների և ռազմավարական կառավարման, ինչպես նաև այլ նոր դասընթացների միջոցով:

 

Հայ-հնդկական ՏՀՏ գերազանցության կենտրոնն առաջին անգամ կիրականացնի նաև Python Ծրագրավորման դասընթաց, ինչպես նաև կշարունակի Java և Web Ծրագրավորման վերաբերյալ դասընթացները: Գրաֆիկական դիզայնի մասնագետների համար կենտրոնը կիրականացնի 3DS MAX՝ Գրաֆիկայի և անիմացիայի,  Խորացված Adobe Photoshop-ի և Corel Draw՝ Գրաֆիկական դիզայնի դասընթացներ: Դասընթացների վերաբերյալ հավելյալ տեղեկությունների համար կարող եք հետևել այս հղմանը:

 

‹‹Յուրաքանչյուր տարի մեր կենտրոնում պատրաստվում և վերապատրաստվում են տարեկան մոտ 500 մասնագետներ, ովքեր այնուհետև, իրենց որակավորման համապատասխան,  հեշտությամբ գտնում են աշխատանք տեխնոլոգիական ոլորտի առաջատար ընկերություններում: Յուրաքանչյուր ոք, ով ցանկանում է սկսել իր կարիերայի ուղին ՏՀՏ ոլորտում կամ ձեռք բերել տեսական և պրակտիկ գիտելիքներ, ապա կարող է համագործակցել կենտրոնի հետ››,- նշում  է Հայ-հնդկական ՏՀՏ գերազանցության կենտրոնի ծրագրի ղեկավար Էմիլիա Հարությունյանը:

 

Հայ-հնդկական ՏՀՏ գերազանցության կենտրոնը ՀՀ կառավարության և Հնդկաստանի կառավարության համատեղ ծրագիրն է, որը իրականացվում է Ձեռնարկությունների Ինկուբատոր հիմնադրամի և C-DAC կենտրոնի կողմից: Կենտրոնը գործում է Երևանի պետական համալսարանում և կազմակերպում է ՏՏ ոլորտի նեղ մասնագիտական դասընթացներ, իրականացնում գիտահետազոտական աշխատանքներ և այլն: 






Վերադարձ
Հետադարձ կապ | Մեր մասին | Ծրագրեր | Ծառայություններ | Նորություններ | Հետազոտություններ | ՈՒղեցույցեր | R&D Էկոհամակարգ | ԲԼՈԳ