Ընթացիկ Նորություններ

17.08.2015

Աքսելերացիայի ծրագրի հայտերի ընդունման վերջնաժամկետը երկարաձգվել է

Մայքրոսոֆթ ինովացիոն կենտրոն Հայաստանը երկարաձգել է նորարարական գաղափարներ ունեցող սկսնակ ընկերությունների համար նախատեսված աքսելերացիոն ծրագրում ընդգրկվելու հայտերի ընդունման ժամկետը։ 

Դիմում-հայտ են ներկայացրել 18 ստարտափեր՝ ներկայացնելով լուծումներ տարբեր խնդիրների` սկսած e-commerce լուծումներից մինչև enterprise SaaS լուծումներ  ընկերությունների համար։ «Դատելով մինչև այժմ ներկայացրած դիմում-հայտերից՝ հետաքրքրական է, որ ծրագրին մասնակցելու համար դիմել են ինչպես սկսնակ ընկերություններ, ովքեր դեռևս գաղափարի մշակման փուլում են, այնպես էլ արդեն զարգացման որոշակի փուլ անցած թիմեր, ովքեր հասցրել են նույնիսկ ստանալ իրենց առաջին ներդրումը։ Ծրագրի աջակցությունը կլինի տարբեր՝ հաշվի առնելով յուրաքանչյուր թիմի կարիքները։»,- նշում է Արտաշես Վարդանյանը՝ Ստարտափ աքսելերացիայի ծրագրի ղեկավարը։

Ծրագրում ընդգրկվելու համար անհրաժեշտ է մինչև սեպտեմբերի 13-ը լրացնել դիմում հայտ հետևյալ հղումով՝ https://goo.gl/a1FRtg, որից հետո կուսումնասիրվեն հայտերը, և առաջին փուլն անցած ստարտափերը կհրավիրվեն հարցազրույցի։ Հարցերի դեպքում հետաքրքրված թիմերը կարող են այցելել ՄԻԿ Հայաստանի գրասենյակ և հանդիպել Աքսելերացիոն ծրագրի ղեկավարի հետ՝ նախօրոք զանգահարելով (010)545-343 հեռախոսահամարին։

Հայաստանի Մայքրոսոֆթ ինովացիոն կենտրոնը սկսել է իր գործունեությունը 2011 թվականին Ձեռնարկությունների Ինկուբատոր հիմնադրամի (EIF), ԱՄՆ Միջազգային զարգացման գործակալության (USAID) և Մայքրոսոֆթ կորպորացիայի համատեղ ջանքերով: Ստեղծումից անմիջապես հետո Կենտրոնը միացել է ինովացիոն կենտրոնների համաշխարհային ցանցին և սկսել ակտիվ գործունեություն ծավալել Մայքրոսոֆթի կողմից ողջ աշխարհում նորարար և սետղծագործ մտքի զարգացման նպատակով  իրականացվող նախաձեռնությունների շրջանակում: