Ընթացիկ Նորություններ

25.09.2015

KoDu միջավայրում խաղերի պատրաստում կսովորեն նաև Կապանի աշակերտները

Ձեռնարկությունների ինկուբատոր հիմնադրամը Քրոնիմետ բարեգործական հիմնադրամի հետ համատեղ Կապանի 10-16 տարեկան դպրոցականների համար նախաձեռնել է ‹‹Տեխնոլոգիական դպրոց» ծրագիրը, որի շրջանակներում աշակերտների համար կազմակերպվելու են Կոդու միջավայրում խաղերի պատրաստման դասընթացներ:  

Ծրագրի շրջանակներում աշակերտների մոտ կզարգանան թիմում աշխատելու, գործարար ներկայացումներ իրականացնելու հմտություններ: Դասընթացների ընթացքում աշակերտները կբաժանվեն թիմերի, որոնք համատեղ կաշխատեն նախագծերի վրա: Դասընթացի ավարտին մասնակցած երեխաները կներկայացնեն իրենց կողմից պատրաստած խաղերը:

Խաղերի պատրաստման դասընթացը ներկայացնում է գրաֆիկական տարրերի ուսուցում Microsoft KoDu միջավայրում և ներառում է ծրագրավորման հիմնական հասկացությունները: Դասընթացը ներառում է նաև գործնական աշխատանքներ, որոնք կօգնեն ամրապնդելու և կիրառելու համապատասխան տեսական գիտելիքներ: Դասընթացներն իրականացվելու են Կապանի Մոբայլ լուծումների լաբորատորիայում (Mlab Kapan):

Նշենք նաև, որ Ձեռնարկությունների ինկուբատոր հիմնադրամը մայիս ամսից դպրոցականների համար նմանատիպ դասընթացներ է իրականացրել Գյումրի և Վանաձոր քաղաքներում, որի ընթացքում KoDu միջավայրում խաղերի պատրաստում են սովորել շուրջ 625 աշակերտներ: