Ընթացիկ Նորություններ

Ներգրավվող արվեստագետներ - Black Box Hub

ՀԱՅՏԱՐԱՐՈՒԹՅՈՒՆ


Հրավիրում ենք Հայաստանում բնակվող արտիստների ուշադրությունը․ «Ձեռնարկությունների ինկուբատոր» հիմնադրամը (ՁԻՀ) փնտրում է տաղանդավոր արտիստների՝ Գյումրու տեխնոլոգիական կենտրոնի կողմից Artbox-ի աջակցությամբ և Հայաստանում Եվրոպական միության կողմից Կատապուլտ ստեղծարար աքսելերացիոն ծրագրի ֆինանսավորմամբ իրականացվող Black Box Hub նախաձեռնության շրջանակում։

Վեբ կայքերի մշակման ծառայություններ - Black Box Hub

ՀԱՅՏԱՐԱՐՈՒԹՅՈՒՆ

 

«Ձեռնարկությունների ինկուբատոր» հիմնադրամը (ՁԻՀ)՝ Գյումրու տեխնոլոգիական կենտրոնի կողմից Artbox-ի աջակցությամբ և Հայաստանում Եվրոպական միության կողմից Կատապուլտ ստեղծարար աքսելերացիոն ծրագրի ֆինանսավորմամբ իրականացվող Black Box Hub նախաձեռնության շրջանակում հայտարարում է ամրագրման/տոմսերի վաճառքի համակարգի ինտեգրմամբ, լիարժեք գործող էլեկտրոնային առևտրի կայքի ստեղծման մրցույթ՝ Վեբ կայքերի մշակման ծառայություններ մատուցող որակավորված կազմակերպությունների համար: 

ԳՏԿ բարեկարգմանն ուղղված աշխատանքների ղեկավարի ընտրության մրցույթ

13.01.2015

 

«Գյումրու Տեխնոլոգիական Կենտրոնի բարեկարգմանն ուղղված լրացուցիչ աշխատանքների ծրագրի ղեկավար»  ընտրելու նպատակով հայտարարվում է անհատ խորհրդատուի ընտրության մրցույթ


ՀՀ ֆինանսների նախարարության «Արտասահմանյան ֆինանսական ծրագրերի կառավարման կենտրոն» պետական հիմնարկը հայտնում է, որ Համաշխարհային բանկի «Էլ. հասարակության և մրցունակության համար նորարարության» վարկային ծրագրի շրջանակում «Գյումրու Տեխնոլոգիական Կենտրոնի բարեկարգմանն ուղղված լրացուցիչ աշխատանքների ծրագրի ղեկավար» հանձնարարականի իրականացման համար խորհրդատու ընտրելու նպատակով հայտարարվում է անհատ խորհրդատուի ընտրության մրցույթ: 


Այս հանձնարարականի հիմնական նպատակն է իրականացնել շինարարական  աշխատանքների ընդհանուր հսկողությունը, ապահովել աշխատանքների կատարման բարձր որակը և համապատասխանությունը աշխատանքների կատարման ժամանակացույցի, նախագծանախահաշվային փաստաթղթերի, կանոնակարգերի, շինարարության հետ կապված իրավահարաբերությունները կարգավորող ՀՀ օրենսդրության պահանջների և գործող շինարարական նորմերի հետ:Խորհրդատուն պետք է իրականացնի հետեւյալ առաջադրանքները`

  • իրականացնի  հիմնանորոգման աշխատանքների ընդհանուր ղեկավարումն ու հսկողությունը,
  • մասնակցի հիմնանորոգման աշխատանքների պլանավորմանը, ժամանակացույցի կազմմանը, ռեսուրսների տեղաբաշխմանն ու կառավարմանը,
  • հետևի աշխատանքների կատարման որակին, ինչպես նաև ստուգի դրանց կատարման համապատասխանությունը նախագծերի, շինարարական նորմերի, անվտանգության չափորոշիչների, կանոնակարգերի ու տեխնիկական մասնագրերի հետ,
  • հետևի աշխատանքների կատարման ժամկետներին՝ ըստ հաստատված ժամանակացույցի, նախահաշվի և այլ փաստաթղթերի,
  • ստուգի և հաստատի հիմնանորոգմանը վերաբերող փաստաթղթերը՝ համոզվելով, որ դրանք կազմվել են նախագծերի համապատասխանությամբ,
  • վարել հիմնանորոգման ընդհանուր աշխատանքների մատյան, կատարի ամենօրյա կանոնավոր գրանցումներ ավարտված աշխատանքների մասին,
  • առաջարկի և հաստատի աշխատանքների կատարման և ավարտման ժամկետների փոփոխություններ, 
  • հիմնանորոգման աշխատանքների պայմանագրով վարձված անձնակազմից բացի հաստատի նաև օժանդակ անձնակազմի հետ կնքվող և/կամ դադարեցվող պայմանագրերը,
  • հաստատի ապահովագրության վկայագրերը և դրանց հետ կապված բոլոր փոփոխությունները, որոնք կապալառուն ներկայացնում է հիմնանորոգման աշխատանքների սկսման ամսաթվից առաջ,
  • տա ցուցումներ կապալառուին հիմնանորոգման աշխատանքների պայմանագրին համաձայն,
  • ստուգի և հայտնի որակի անհամապատասխանությամբ կատարված աշխատանքների մասին,
  • դադարեցնի աշխատանքները և չընդունի դրանք, եթե դրանք իրականացվում են հաստատված նախագծերի, տեխնիկական մասնագրերի, շինարարական նորմերի խախտումներով կամ անորակ նյութերի և կոնստրուկցիաների օգտագործմամբ, 
  • ստորագրի կատարողական ակտեր, որոնք կապալառուն ներկայացնում է վճարում ստանալու համար, 
  • ստորագրի աշխատանքների ավարտումը հաստատող միջանկյալ և վերջնական ակտեր,
  • ապահովի հաղորդակցում տեխնիկական վերահսկչի, կապալառուի և պատվիրատուի միջև,
  • ստանձնի հիմնանորոգման աշխատանքների կատարման պայմանագրով սահմանված այլ հանձնարարականներ ու պարտավորություններ և այլն:


Ծառայությունները նախատեսվում է իրականացնել 2015թ. մարտից` հինգ ամիսների ընթացքում: 
Խորհրդատուն պետք է բավարարի հետևյալ որակավորման չափանիշներին և պետք է լինի/ունենա`

  • Առնվազն 5 տարվա աշխատանքային փորձ տվյալ ոլորտում, որից 3 տարին համապատասխան ղեկավար պաշտոնում,
  • ՀՀ Քաղաքաշինության նախարարության 2008թ. թիվ I - 3.01.01 «Շինարարության որակի տեխնիկական հսկողության իրականացման հրահանգի» իմացություն,
  • Հայկական և/կամ օտարերկրյա ընկերությունների պատվերով իրականացված առնվազն 2 նմանատիպ աշխատանքների փորձ:


Վերը շարադրված պահանջներին համապատասխանող անհատ խորհրդատուները կարող են մինչև 2015թ. հունվարի 23-ը ներկայացնել հետաքրքրվածության գրություն և կենսագրական թերթիկ ստորև նշված հասցեով` նշելով ծրագրի անվանումը և այն պաշտոնը, որին դիմում եք:


Հետաքրքրվածության հայտերը կարող են ներկայացվել նաև էլեկտրոնային փոստով:
ՀՀ Ֆինանսների նախարարության«Արտասահմանյան ֆինանսական ծրագրերի կառավարման կենտրոն» պետական հիմնարկի գործադիր տնօրեն` Էդգար Ավետյանին

Երևան 0010, Տիգրան Մեծի պողոտա 4, 3-րդ հարկ

Հեռախոս. (037411) 910 581, 910 590

Էլ. փոստ. [email protected]




Վերադարձ
Հետադարձ կապ | Մեր մասին | Ծրագրեր | Ծառայություններ | Նորություններ | Հետազոտություններ | ՈՒղեցույցեր | R&D Էկոհամակարգ | ԲԼՈԳ