Ընթացիկ Նորություններ

ԻՆԹԵՐՆՇԻՓԻ ՀՆԱՐԱՎՈՐՈՒԹՅՈՒՆ

բնագիտական ուղղությունների ուսանողների և ասպիրանտների համար

Ինթերնշիփի յուրահատուկ հնարավորություն բնագիտական ուղղվածությամբ բարձր կուրսերի ուսանողների և ասպիրանտների համար:

Այս նախաձեռնությունն իրականացվում է «Ձեռնարկությունների ինկուբատոր» հիմնադրամի կողմից՝ PMI Science-ի հետ համագործակցությամբ իրականացվող գիտահետազոտական էկոհամակարգի ձևավորմանն ու զարգացմանն ուղղված ծրագրերի շրջանակում։

Միացեք մեր թիմին, ցուցաբերեք նորը բացահայտելու ձգտում և աշխատասիրություն, իսկ մենք Ձեզ համար կստեղծենք հետաքրքիր ու հեռանկարային հնարավորություններ:

Ի՞նչ եք հիմնականում անելու՝

• Կարդալու եք գիտական հոդվածներ և ներկայացնլու եք տվյալ ուղղությամբ (այդ թվում կիրառական արդյունքի տեսանկյունից) առկա զարգացումները, ձեռքբերումներն ու խնդիրները;
• Մասնակցելու եք տարբեր քննարկումների, որտեղ ակնկալում ենք լսել նաև Ձեր թարմ մոտեցումներն ու վերլուծությունները։

Եվ այսպես․․․

Եթե Դուք բակալավրի 3-4-րդ կուրսերի կամ մագիստրատուրայի ուսանող եք, կամ ասպիրանտ, լավ (ցանկալի է՝ գերազանց) տիրապետում եք անգլերենին և ցանկանում եք՝

• ունենալ տեղական և միջազգային լավագույն մասնագետների հետ շփվելու հնարավորություն;
• ներգրավվել նոր ձևավորվող ամենատարբեր ուղղվածության գիտական պրոյեկտների մեջ;
• լինել հրաշալի հեռանկարային նախագծի կայացման ակունքներում;
• ձեռք բերել մեծ փորձառություն և կողմնորոշվել Ձեր կարիերայի հարցում

ապա մենք հենց Ձեզ ենք փնտրում և սիրով սպասում Ձեր հայտադիմումին:

Լրացրեք առցանց հայտաձևն ու ներբեռնեք Ձեր CV-ն այստեղ։

Լրացուցիչ հարցերի դեպքում.

Կոնտակտային անձ՝ Արփինե Դավթյան

Հեռ. +374 11 219797; էլ. հասցե [email protected]