Ընթացիկ Նորություններ

Ներգրավվող արվեստագետներ - Black Box Hub

ՀԱՅՏԱՐԱՐՈՒԹՅՈՒՆ


Հրավիրում ենք Հայաստանում բնակվող արտիստների ուշադրությունը․ «Ձեռնարկությունների ինկուբատոր» հիմնադրամը (ՁԻՀ) փնտրում է տաղանդավոր արտիստների՝ Գյումրու տեխնոլոգիական կենտրոնի կողմից Artbox-ի աջակցությամբ և Հայաստանում Եվրոպական միության կողմից Կատապուլտ ստեղծարար աքսելերացիոն ծրագրի ֆինանսավորմամբ իրականացվող Black Box Hub նախաձեռնության շրջանակում։

Վեբ կայքերի մշակման ծառայություններ - Black Box Hub

ՀԱՅՏԱՐԱՐՈՒԹՅՈՒՆ

 

«Ձեռնարկությունների ինկուբատոր» հիմնադրամը (ՁԻՀ)՝ Գյումրու տեխնոլոգիական կենտրոնի կողմից Artbox-ի աջակցությամբ և Հայաստանում Եվրոպական միության կողմից Կատապուլտ ստեղծարար աքսելերացիոն ծրագրի ֆինանսավորմամբ իրականացվող Black Box Hub նախաձեռնության շրջանակում հայտարարում է ամրագրման/տոմսերի վաճառքի համակարգի ինտեգրմամբ, լիարժեք գործող էլեկտրոնային առևտրի կայքի ստեղծման մրցույթ՝ Վեբ կայքերի մշակման ծառայություններ մատուցող որակավորված կազմակերպությունների համար: 

ԳՏԿ-ում անցկացվում է նոր կրթական ծրագիր

19.11.2014

 

Գյումրու տեխնոլոգիական կենտրոնում անցկացվում է կրթական ծրագիր հաշմանդամություն ունեցող երեխաների և երիտասարդների համար

 

Գյումրու տեխնոլոգիական կենտրոնը և Ձեռնարկությունների Ինկուբատոր հիմնադրամը մեկնարկել են «Միասին հանուն փոփոխության» նոր ծրագիրը, որի նպատակն է Շիրակի մարզի հաշմանդամություն ունեցող երեխաների և երիտասարդների համար ապահովել որակյալ կրթության հավասար հնարավորություններ:

 

Ծրագրի շրջանակներում ուսուցանվում են համակարգչային տարրական գիտելիքներ և համացանցի օգտագործման հմտություններ 13-24 տարեկան շուրջ 120 երեխաների և երիտասարդների: Տվյալ դասընթացներին զուգահեռ իրականացվում են նաև քաղաքացիական կրթության թեմայով սեմինարներ, որի շրջանակներում մասնակիցները ձեռք են բերում գիտելիքներ մարդու իրավունքների, ընտրությունների, ժողովրդավարության և այլ հարցերի շուրջ: Վերապատրաստման յուրաքանչյուր դասընթաց բաղկացած է երկշաբաթյա 12 ժամյա ծրագրից, որոնք իրականացվում են Գյումրու տեխնոլոգիական կենտրոնում:

 

«Միասին հանուն փոփոխության» ծրագիրը կտևի մինչև 2015թ. մարտը: Աջակիցներն են ՀՀ-ում ԱՄՆ դեսպանությունը և «Արմինե» մշակութային-կրթական կազմակերպությունը:

 

Տեղեկացնենք, որ Գյումրու տեխնոլոգիական կենտրոնը ստեղծվել է Ձեռնարկությունների Ինկուբատոր հիմնադրամի, ՀՀ կառավարության և Համաշխարհային բանկի կողմից: Կենտրոնի առաքելությունն է Գյումրի քաղաքը վերածել տեղեկատվական և բարձր տեխնոլոգիաների տարածաշրջանային և միջազգային կենտրոնի՝ ստեղծելով հնարավորությունների և ծառայությունների այնպիսի զարգացող միջավայր, որը կնպաստի աշխատատեղերի ստեղծմանը, կաջակցի տաղանդավոր երիտասարդներին և ընկերություններին կյանքի կոչել նորարար բիզնես գաղափարներ:




Վերադարձ
Հետադարձ կապ | Մեր մասին | Ծրագրեր | Ծառայություններ | Նորություններ | Հետազոտություններ | ՈՒղեցույցեր | R&D Էկոհամակարգ | ԲԼՈԳ