Ընթացիկ Նորություններ

Ներգրավվող արվեստագետներ - Black Box Hub

ՀԱՅՏԱՐԱՐՈՒԹՅՈՒՆ


Հրավիրում ենք Հայաստանում բնակվող արտիստների ուշադրությունը․ «Ձեռնարկությունների ինկուբատոր» հիմնադրամը (ՁԻՀ) փնտրում է տաղանդավոր արտիստների՝ Գյումրու տեխնոլոգիական կենտրոնի կողմից Artbox-ի աջակցությամբ և Հայաստանում Եվրոպական միության կողմից Կատապուլտ ստեղծարար աքսելերացիոն ծրագրի ֆինանսավորմամբ իրականացվող Black Box Hub նախաձեռնության շրջանակում։

Վեբ կայքերի մշակման ծառայություններ - Black Box Hub

ՀԱՅՏԱՐԱՐՈՒԹՅՈՒՆ

 

«Ձեռնարկությունների ինկուբատոր» հիմնադրամը (ՁԻՀ)՝ Գյումրու տեխնոլոգիական կենտրոնի կողմից Artbox-ի աջակցությամբ և Հայաստանում Եվրոպական միության կողմից Կատապուլտ ստեղծարար աքսելերացիոն ծրագրի ֆինանսավորմամբ իրականացվող Black Box Hub նախաձեռնության շրջանակում հայտարարում է ամրագրման/տոմսերի վաճառքի համակարգի ինտեգրմամբ, լիարժեք գործող էլեկտրոնային առևտրի կայքի ստեղծման մրցույթ՝ Վեբ կայքերի մշակման ծառայություններ մատուցող որակավորված կազմակերպությունների համար: 

Հետազոտական աշխատանքների ֆինանսավորման ծրագիր 2023

 

ՀԱՅՏԱՐԱՐՈՒԹՅՈՒՆ


 Հետազոտական աշխատանքների ֆինանսավորման ծրագրի 2023 թվականի միջազգային հայտերի ընդունման 

 

Մեկնարկել է «Հետազոտական աշխատանքների ֆինանսավորման» (Faculty Research Funding) ծրագրի միջազգային հայտերի ընդունումը։ Ծրագիրն իրականացնում է «Ձեռնարկությունների ինկուբատոր» հիմնադրամը՝ PMI Science գիտահետազոտական կենտրոն Հայաստանի աջակցությամբ։

 

Ծրագրի նպատակն է տրամադրել ֆինանսական և համակարգային աջակցություն կիրառական հետազոտական նախագծերին, որոնք իրականացնում են առաջատար համալսարանների, գիտահետազոտական ինստիտուտների, նորարարական ստարտափների և ընկերությունների թիմերն ամբողջ աշխարհում։

 

Ուղղություններ    

Հետազոտական թիմերը կարող են ներկայացնել առաջարկներ հետևյալ առաջատար ոլորտներում՝

  • Նյութագիտություն, կայուն նյութեր, մագնիսական հատկություններով նյութեր
  • Այլընտրանքային ոչ էլեկտրոնային էներգիայի աղբյուրներ
  • Տաքացման և ջերմափոխանակման տեխնոլոգիաներ
  • Նեյրոգիտություն, սենսորային փորձառություն, սենսորային տեխնոլոգիաներ
  • Աերոզոլային գիտություն և տեխնոլոգիաներ
  • Բուսաբանություն և ագրոնոմիա
  • Թունաբանական մեթոդոլոգիաներ
  • Կիրառական և փորձարարական ֆիզիկա
  • Արդյունաբերական և համակարգերի ճարտարագիտություն, էլեկտրոնային ճարտարագիտություն, նախատիպավորում
  • Մաթեմատիկա, մաթեմատիկական մոդելավորում, տվյալների գիտություն
  • Անալիտիկ քիմիա

 

Համապատասխանության չափանիշներ

Ծրագիրը բաց է այն հետազոտական թիմերի համար, որոնք համապատասխանում են հետևյալ չափանիշներին՝

  • Բաղկացած կլինեն 3-5 անդամներից, որոնք ներկայացնում են առաջատար գիտահետազոտական ինստիտուտներ, համալսարաններ, նորարարական ստարտափներ կամ ընկերությունները: Նախապատվությունը կտրվի այն թիմերին, որոնց կազմում ընդգրկված են երիտասարդ հետազոտողներ (առնվազն 1 ուսանող):
  • Կներկայացնեն hետազոտական նախագիծ, որը կարող է ունենալ կիրառական նշանակություն և կհամապատասխանի առաջնահերթ ուղղություններին:

Նախընտրական փուլը հաղթահարած թիմերը կհրավիրվեն հարցազրույցի՝ ներկայացնելու իրենց նախագիծը։

 

Առավելություններ

Հետազոտական նախագծերը կարող են ունենալ իրականացման տարբեր ժամկետներ և ֆինանսավորման պահանջներ: Կախված իրականացման տևողությունից՝ ֆինանսավորումը կարող է լինել 1․1 - 5․8 միլիոն դրամի սահմաններում (ներառյալ բոլոր հարկերը և պարտադիր վճարները):

Բացի այդ, ծրագիրը հարթակ է տրամադրում գործընկերային հարաբերություններ կառուցելու և կիրառական հետազոտությունների արդյունքների առևտրայնացման հնարավորությունների համար:

Թիմերը նաև հնարավորություն կստանան մասնակցելու համայնքային բացառիկ միջոցառումների և համագործակցելու ոլորտի փորձառու մասնագետների ու մենթորների հետ։

 

Ինչպե՞ս դիմել

Դիմելու համար խնդրում ենք կատարել հետևյալ քայլերը՝

  • Լրացրնել Առցանց հայտաձևը,
  • Պատրաստել և կցել թիմի բոլոր անդամների համապարփակ ինքնակենսագրականները,
  • Պատրաստել հետազոտական նախագծի առաջարկ՝ հետևելով Հավելված 1-ում նշված ուղեցույցներին,
  • Ներկայացնել աջակցության և հետազոտական սարքավորումների առկայության հաստատում ինստիտուտ(ներ)ի կողմից։ Ձևաթուղթն՝ այստեղ:

Բոլոր փաստաթղթերը պետք է ներկայացվեն անգլերենով։

Մեծ թվով հայտեր ստանալու դեպքում, ցավոք, ծրագրում չընդգրծվող թեկնածուների հետ հետադարձ կապ հաստատել չենք կարողանա։

 

Հայտերի ներկայացման վերջնաժամկետն է 2023թ. օգոստոսի 12-ը՝ ժ. 23։59 (Երևանի ժամանակով)։

 

Ծանուցում. Տեղեկացնում ենք, որ հայտաձևը լրացնելու համար անհրաժեշտ է ունենալ Google-ի օգտահաշիվ։

Խնդրում ենք դիմելուց առաջ անպայման կարդալ սույն Գաղտնիության ծանուցումը։




Վերադարձ
Հետադարձ կապ | Մեր մասին | Ծրագրեր | Ծառայություններ | Նորություններ | Հետազոտություններ | ՈՒղեցույցեր | R&D Էկոհամակարգ | ԲԼՈԳ