Ընթացիկ Նորություններ

Ռազմավարական օգնական և ծրագրերի համակարգող

ԱՇԽԱՏԱՆՔԻ ՀԱՅՏԱՐԱՐՈՒԹՅՈՒՆ


«Ձեռնարկությունների ինկուբատոր» հիմնադրամը (ՁԻՀ) փնտրում է բարձր մոտիվացիայով և հմուտ անհատի՝ որպես Տնօրենի ռազմավարական օգնական և ծրագրերի համակարգող մեր դինամիկ թիմին միանալու նպատակով։   


«Խաղային տեխնոլոգիաների հիմունքներ» դասընթաց

ՀԱՅՏԱՐԱՐՈՒԹՅՈՒՆ

«Խաղային տեխնոլոգիաների հիմունքներ» դասընթաց

 

Սիրո՞ւմ ես ծրագրավորում և ստեղծարա՞ր ես, հետաքրքրությունդ դարձրու քո ապագա մասնագիտությունը։
«Կոկա-Կոլա Հելլենիկ Արմենիա»-ն և «Ձեռնարկությունների ինկուբատոր» hիմնադրամը՝ «Խաղային տեխնոլոգիաների էկոհամակարգն՝ ի նպաստ երիտասարդության հզորացման» ծրագրի ներքո և ԱՄՆ ՄԶԳ կողմից ֆինանսավորվող «Հայաստանում աշխատուժի զարգացման» ծրագրի հետ համագործակցությամբ, տալիս են քեզ այդ հնարավորությունը։

Մեկնարկել է «Խաղային տեխնոլոգիաների հիմունքներ» 4-ամսյա անվճար դասընթացների մասնակցության հայտերի ընդունումը։
“Learn to Code! It’s Fun!” խորագրով միջոցառում եվրոպական ծրագրավորման

Հոկտեմբերի 21-ին Երևանում առաջին անգամ անցկացվեց “Learn to Code! It’s Fun!” խորագրով միջոցառում եվրոպական ծրագրավորման ամենամեծ իրադարձության՝ EU Code Week-ի շրջանակներում: Միջոցառումը նախաձեռնել էր Ձեռնարկությունների Ինկուբատոր Հիմնադրամի (EIF)  Հայ-Հնդկական ՏՀՏ Գերազանցության Կենտրոնը (AITC), միջոցառման աջակիցն էր GOOGLE-ը:

 

Միջոցառմանը մասնակցեցին 9-17 տարեկան մոտ 200 դպրոցականներ ինչպես Երևանի, այնպես էլ մարզերի դպրոցներից: Երկու ժամ տևողությամբ բաց դասի ընթացքում 9-13 տարեկան մասնակցիները ծանոթացան «Scratch» միջավայրի հնարավորություններին և փորձեցին ստեղծել պարզ անիմացիաներ, իսկ 14-17 տարեկան դպրոցականները՝ HTML-ի միջոցով կայք ստեղծելու հնարավորություններին: Բաց դասին հաջորդեց ՏՏ ոլորտի վերաբերյալ մրցույթ-վիկտորինան, որի արդյունքում ամենից ակտիվները ստացան հուշանվերներ: Միջոցառումն ավարտվեց վկայագրերի հանձմամբ:

 

EU Code Week-ը հանդիսանում է եվրոպական խոշորագույն ծրագրավորման միջոցառում, որին Հայաստանը մասնակցեց առաջին անգամ: Այն անց է կացվում արդեն 5-րդ տարին՝ իր շուրջը համախմբելով միլիոնավոր երիտասարդների եվրոպական ավելի քան 50 երկրներից: Միջոցառման նպատակն է ծրագրավորումը և թվային գրագիտությունը դարձնել հասանելի և հետաքրքիր դպրոցականների համար:

 

Հայ-Հնդկական ՏՀՏ գերազանցության կենտրոնը հանդիսանում է Հայաստանի Հանրապետության Կառավարության և Հնդկաստանի Կառավարության համատեղ ծրագիր, որն իրականացվում է «Ձեռնարկությունների ինկուբատոր» հիմնադրամի և C-DAC Կենտրոնի կողմից:  Կենտրոնն ունի ավելի քան 5 տարվա փորձ ՏՏ և բիզնես դասընթացների կազմակերպման գործում: Իր հիմնական գործունեությունից զատ կենտրոնը մեծ ուշադրություն է դարձնում դպրոցականների ՏՏ կրթությանը՝ կազմակերպելով տարբեր միջոցառումներ, ամառային դպրոցներ և մրցույթներ: 

 

Միջոցառման մանրամասներին կարող եք ծանոթանալ հետևյալ հղմամբ՝ https://www.facebook.com/events/834159570083117/?fref=ts:




 






 

Միջոցառման մանրամասներին կարող եք ծանոթանալ հետևյալ հղմամբ՝ 



Վերադարձ
Կապ | Մեր մասին | Ծրագրեր | Ծառայություններ | Նորություններ | Հետազոտություններ | ՈՒղեցույցեր | R&D Էկոհամակարգ | ԲԼՈԳ