Ընթացիկ Նորություններ

Գիտական ծրագրի օգնական

ԱՇԽԱՏԱՆՔԻ ՀԱՅՏԱՐԱՐՈՒԹՅՈՒՆ

Մենք փնտրում ենք նախաձեռնող և մանրուքների նկատմամբ ուշադիր անհատի, որը կմիանա մեր թիմին որպես ՁԻՀ Գիտական ինկուբատորում Գիտական ծրագրի օգնական:


Այս դերում Դուք էական աջակցություն կցուցաբերեք գիտահետազոտական նախագծերի պլանավորման, համակարգման և իրականացման գործում: Ձեր ուժեղ վերլուծական մտածողությունը, բնագիտական գիտելիքները, սոցիալական և հաղորդակցման գերազանց հմտությունները և անգլերենի իմացությունը վճռորոշ նշանակություն կունենան գիտական նախագծերի անխափան գործունեության և հաջողության ապահովման համար:

ԱԴՄԻՆԻՍՏՐԱՏԻՎ ՕԳՆԱԿԱՆ

Աշխատանքի հայտարարություն

 

«Ձեռնարկությունների ինկուբատոր» հիմնադրամը (ՁԻՀ) փնտրում է բարձր պատասխանատվության զգացումով Ադմինիստրատիվ օգնական՝ կազմակերպության գրասենյակի գործառնական աշխատանքների կազմակերպումն արդյունավետ ապահովելու նպատակով։

 

Հայտերն ընդունվում են մինչև 2024թ-ի հունվարի 25-ը (ներառյալ)։

Empowering Engineering դասընթացների շարք 2022


ՀԱՅՏԱՐԱՐՈՒԹՅՈՒՆ

Empowering Engineering դասընթացների շարք



«Ձեռնարկությունների ինկուբատոր» հիմնադրամի (ՁԻՀ) կողմից՝ PMI Science-ի աջակցությամբ իրականացվող Empowering Engineering դասընթացների շարքի շրջանակում հայտարարվում է ինժեներական ուղղվածությամբ հետևյալ 2 թեմաներով անվճար դասընթացների հայտերի ընդունման մեկնարկը ՝

  • Arduino կիրառություններ
  • Անալոգային էլեկտրոնիկայի հիմունքներ

Դասընթացներն իրականացվելու է PMI Science R&D կենտրոնի ժամանակակից սարքավորումներով հագեցած կրթական լաբորատորիայում (հասցեն՝ ք․ Երևան, Տերյան 105, ՀԱՊՀ 13-րդ մասնաշենք)։

Դասընթացների տևողությունը 5 շաբաթ է, շաբաթական 3 դաս, յուրաքանչյուրը՝  2,5 ժամ։

Դասընթացների մեկնարկը՝ հոկտեմբերի 24-ից։

 

Տեղերը սահմանափակ են՝ ընտրությունը կկատարվի հարցազրույցի հիման վրա:

Դասընթացի հաջող ավարտից հետո մասնակիցները կստանան վկայականներ։

 

Մասնակցել ցանկացողները կարող են գրանցվել մինչև ս.թ. հոկտեմբերի 20՝ լրացնելով հետևյալ հայտաձևը՝

 

Խնդրում ենք դիմելուց առաջ ծանոթանալ Անձնական տվյալների հավաքագրման վերաբերյալ սույն ծանուցմանը։

 

 


Ստորև ներկայացված են դասընթացների նկարագրերը՝

 

ARDUINO ԿԻՐԱՌՈՒԹՅՈՒՆՆԵՐ

 

Նպատակը՝ Ներկայացնել Arduino հարթակը և նրա ծրագրավորման հրամանների համակարգը, ինչպես նաև սովորեցնել մշակել ալգորիթմներ, իրականացնել տվյալների հավաքագրում և համակարգերի կառավարում՝ գործնական օրինակների լուծման միջոցով։ Arduino կարգավորիչների գործնական կիրառություններին ծանոթանալը հնարավորություն կտա նախագծել և կառավարել տարատեսակ ինժեներական ավտոմատացված համակարգեր (ռոբոտ, անօդաչու թռչող սարք, խելացի տուն և այն)։

 

Նկարագիրը՝  «Arduino կիրառություններ» դասընթացը սովորեցնում է աշխատել Arduino կարգավորիչի հետ և հետագայում կիրառել այն տարատեսական ինժեներական խնդիրների լուծման համար։ Դասընթացի ընթացքում մասնակիցները կծանոթանան Arduino կարգավորիչի կառուցվածքին, դրա բաղկացուցիչ մասերի աշխատանքի սկզբունքներին, միկրոկարգավորիչի հետ աշխատանքին, պարզ կարգաբերումներին։ Ինչպես նաև դասընթացը հնարավորություն կտա ծանոթանալ և աշխատել  էլեկտրամեխանիկական ու չափիչ սարքավորումների հետ, իրականացնել անալոգային և թվային մուտք/ելքային ազդանշանների ծրագրավորում, համաժամանակեցում (սինխրոնիզացիա) և մշակում Arduino ծրագրային միջավայրում։

Դասընթացի գործնական ձևաչափը հնարավորություն է տալիս անմիջապես դասընթացի ընթացքում կիրառել ստացած տեսական գիտելիքները և հմտությունները իրական խնդիրների լուծման համար։

 


ԱՆԱԼՈԳԱՅԻՆ ԷԼԵԿՐՈՆԻԿԱՅԻ ՀԻՄՈՒՆՔԵՐ

 

Նպատակը՝ Ճարտարագետներին ներկայացնել անալոգային էլեկտրոնիկայի հիմունքները և զարգացնել չափիչ սարքերի ու էլեկտրական շղթաների հետ աշխատելու գործնական հմտությունները, որոնք կարող են կիրառվել էլեկտրական սարքավորումների նախագծման և թեստավորման համար։

 

Նկարագիրը՝ Դասընթացը նախատեսված է այն ճարտարագետների համար, ովքեր ցանկանում են աշխատել էլեկտրական սարքավորումների նախագծման և սպասարկման ոլորտներում։ Դասընթացը տրամադրում է գործնական գիտելիքներ՝ անալոգային ազդանշաններ գեներացնելու, գրանցելու և չափելու համար, հմտություններ՝ կերպափոխելու և մշակելու զտիչների և ուժեղարարների կիրառմամբ անալոգային ազդանշաններ։ Ձեռք բերված գիտելիքների և հմտությունների կիրառմամբ մասնակիցները կնախագծեն և կթեստավորեն տարբեր անալոգային շղթաներ, կիրականացնեն ազդանշանների գեներացում, մշակում և գրանցում:

 

 

Լրացուցիչ տեղեկատվության համար կարող եք զանգահարել 094467322 հեռախոսահամարով կամ գրել [email protected] էլեկտրոնային հասցեին:




Վերադարձ
Հետադարձ կապ | Մեր մասին | Ծրագրեր | Ծառայություններ | Նորություններ | Հետազոտություններ | ՈՒղեցույցեր | R&D Էկոհամակարգ | ԲԼՈԳ