ՀԱՅՏԱՐԱՐՈՒԹՅՈՒՆ
«Ձեռնարկությունների ինկուբատոր» հիմնադրամը փնտրում է Սանտեխնիկ՝ Ինժեներական քաղաքի կարիքների համար։
Ինժեներական քաղաքը տեղակայաված է Բագրևանդի փողոցում, 3 Հա հողատարածքում, որտեղ ձևավորված են մի շարք ընդհանուր օգտագործման և շենքային ժամանակակից ենթակառուցվածքներ, այդ թվում՝ ջրամատակարարման և ջրահեռացման, ջեռուցման, օդափոխության և հովացման համակարգեր և այլն։
Այս պահին մեր թիմին անհրաժեշտ է Սանտեխնիկ, ով պատասխանատու կլինի տարածքի ջրամատակարարման ու ջրահեռացման և դրանց առնչվող համակարգերի մոնիթորինգի, խափանումների վերացման և նոր միացումների իրականացման համար։
Հիմնական պարտականությունները՝
- Ջրամատակարարման և ջրահեռացման համակարգերի սպասարկում՝ ներառյալ անհրաժեշտության դեպում խողովակաշարերի անցկացում, միացումների ապահովում և սարքավորումների տեղադրում;
- Խափանումների հայտնաբերում և վերացում՝ ներառյալ արտահոսքերի, խցանումների և ճնշման անկումների հայտնաբերում և կարգաբերում;
- Ջեռուցման համակարգերի սպասարկում՝ ներառյալ ռադիատորների, կաթսաների և խողովակաշարերի մոնտաժ և սպասարկում;
- Օդափոխության և հովացման համակարգերի հետ կապված սանտեխնիկական աշխատանքների իրականացում;
- Արտակարգ իրավիճակներում արագ արձագանքում;
- Ըստ անհրաժեշտության հրավիրված մասնագետների կամ կազմակերպությունների կողմից կատարված աշխատանքների ստուգում և փորձարկում;
- Տեխնիկական փաստաթղթերի վարում՝ կատարված աշխատանքների հաշվառում և զեկուցում։
Պահանջվող հմտություններ և որակավորումներ՝
- Աշխատանքային փորձ սանտեխնիկական ոլորտում՝ առնվազն 3 տարի, նախընտրելի է արդյունաբերական կամ մեծածավալ նախագծերում;
- Տեխնիկական գծագրերի և սխեմաների վերաբերյալ գիտելիք և կարողություն՝ ջրամատակարարման և ջրահեռացման համակարգերի համար;
- Գիտելիքներ սանտեխնիկական նյութերի և գործիքների վերաբերյալ՝ դրանց ճիշտ ընտրության և կիրառման համար;
- Արտակարգ իրավիճակներում արագ և արդյունավետ գործելու ունակություն;
- Թիմում աշխատելու և հաղորդակցվելու հմտություններ՝ համագործակցելով տեխնիկական թիմի այլ անդամների հետ;
- Պատասխանատվության բարձր զգացում, ճշտապահություն և նախաձեռնողականություն;
- Տարբեր տեղանքներում աշխատանքի համար բավարար ֆիզիկական կարողություն։
Առավելություն կունենան թեկնածուները, ովքեր ունեն՝
- Ջեռուցման, օդափոխության և հովացման, այդ թվում չիլլերային համակարգերի հետ աշխատելու փորձ;
- Էլեկտրական սարքավորումների հետ աշխատելու հմտություններ՝ սանտեխնիկական համակարգերի հետ կապված;
- Համապատասխան ոլորտի կրթություն (որակավորման դասընթացների սերտիֆիկատները նույնպես ընդունելի են);
- Ջրամատակարարման և ջրահեռացման ոլորտի պատասխանատու կառույցների հետ համագործակցության փորձառություն։
Աշխատանքի վայր՝ ք. Երևան, Բագրևանդի փ․ 52/16 (Ինժեներական քաղաք)
Նշված պայմաններին բավարարող բոլոր հետաքրքրված անձինք կարող են մինչև 2025թ-ի մայիսի 20-ը (ներառյալ) ուղարկել իրենց ինքնակենսագրականը [email protected] հասցեին՝ վերնագրի հատվածում նշելով՝ «Սանտեխնիկ»:
Հավելյալ տեղեկությունների համար կարող եք զանգահարել 011219797 հեռախոսահամարով՝ աշխատանքային օրերին, ժ․ 10։00-13։00 կամ 14։00-18։00։
Վերադարձ
Ինժեներական քաղաքի սանտեխնիկ 
