|
|
ԻՔ տարածքների և ֆիզիկական ենթակառուցվածքների պատասխանատու
ԱՇԽԱՏԱՆՔԻ ՀԱՅՏԱՐԱՐՈՒԹՅՈՒՆ
«Ձեռնարկությունների ինկուբատոր» հիմնադրամը (ՁԻՀ) փնտրում է Ինժեներական քաղաքի տարածքների և ֆիզիկական ենթակառուցվածքների անխափան գործունեության ապահովման պատասխանատու:
Աշխատանքային պարտականություններ՝
- Ինժեներական քաղաքի բնականոն գործունեության ապահովման նպատակով Ինժեներական քաղաքի տարածքների և ֆիզիկական ենթակառուցվածքների, այդ թվում գրասենյակային տարածքների/շենքերի, հարակից տարածքների (այսուհետ՝ ԻՔ) գրավիչ միջավայրի և բնականոն գործունեության համար անհրաժեշտ սպասարկման /այդ թվում՝ արտապատվիրված/ ծառայությունների մատուցման գործընթացի կազմակերպում և համակարգում,
- ԻՔ գույքի, սարքավորումների, ֆիզիկական ենթակառուցվածքների ընթացիկ սպասարկման աշխատանքների կազմակերպում և ապահովում, ըստ անհրաժեշտության՝ վերանորոգման աշխատանքների նախաձեռնում և կազմակերպում,
- առկա կենցաղային խնդիրների բացահայտում և արագ լուծումների ապահովում,
- ԻՔ ռեզիդենտների հետ աշխատանքի համակարգում, վերջիններիս կողմից բարձրացված տեխնիկական հարցերի վերհանում, ուսումնասիրություն և հնարավոր լուծումների առաջարկում
- ԻՔ առնչվող արտապատվիրված ծառայությունների մատուցման ընթացքի մշտադիտարկում, գործառույթների կանոնակարգում, աշխատակազմից և շահառուներից առկա խնդիրների կամ բացթողումների վերաբերյալ տեղեկատվության հավաքագրում և դրանց շտկման ուղղությամբ միջոցառումների ձեռնարկում,
- Իր գործառույթներին առնչվող նյութերի, ապրանքների, մասնագիտական և/կամ այլ ծառայությունների ձեռքբերման նպատակով շուկայի ուսումնասիրում, գին/որակ հարաբերակցությամբ լավագույն առաջարկների ներկայացում, պատվերների ժամանակին ձևակերպում՝ ներքին ընթացակարգերին համապատասխան։
- ԻՔ գործառույթների իրականացման ընթացքում բացահայտված և անհաղթահարելի խնդիրների մասին հրատապ տեղեկացում ՁԻՀ-ի և/կամ տվյալ կենտրոնի/ծրագրի ղեկավարին։
- ԻՔ կոկիկ և սանիտարահիգիենիկ իրավիճակի պատշաճ մակարդակի պահպանման համար կարիքների գնահատում, իրականացվող աշխատանքների ճիշտ ուղղորդում և աշխատանքի բաժանում,
- ԻՔ գործառնական թիմի, այն է՝ գրասենյակային/տնտեսական պատասխանատուի, մաքրուհիների և այլ տեխնիկական/սպասարկող անձնակազմի, ինչպես նաև արտապատվիրմամբ հարակից ծառայություններ մատուցող կազմակերպությունների կատարած աշխատանքների ընթացքի մշտադիտարկում և վերահսկում։
Անհրաժեշտ հմտություններ և ունակություններ՝
- Գրասենյակային տարածքների/ենթակառուցվածքների համակարգման և/կամ համանման գործունեության փորձառություն,
- Գրասենյակային, շենքային և հարակից տարածքների և ֆիզիկական ենթակառուցվածքների բնականոն գործունեության ապահովման համար անհրաժեշտ հմտությունների տիրապետում,
- Իր գործառույթների իրականացման համար անհրաժեշտ ապրանքների, նյութերի, պարագաների և ծառայությունների շուկայի իմացություն,
- Շինարարական աշխատանքների համակարգման ունակությունները և տեղեկացվածությունը կդիտարկվեն որպես առավելություն,
- Համակարգչային տարրական գիտելիքներ /առնվազն՝ MS Word, MS Excel/
- Բարձրագույն կրթությունը և անգլերենի իմացությունը կդիտարկվեն որպես առավելություն։
Հետաքրքրված անձինք կարող են ուղարկել իրենց ինքնակենսագրությունը (CV) և ուղեկցող նամակը [email protected] հասցեին՝ վերնագրի մեջ նշելով «Operation manager»:
Հայտերն ընդունվում են մինչև մարտի 26-ը (ներառյալ)։
Վերադարձ
|
|
