Ընթացիկ Նորություններ

Համայնքային սրճարան - տեխնոլոգիական հանդիպումների տարածք

 

 

Հ Ա Յ Տ Ա Ր Ա Ր ՈՒ Թ Յ ՈՒ Ն

Բարձր տեխնոլոգիական աքսելերատորի շենքում

Համայնքային սրճարան / տեխնոլոգիական հանդիպումների տարածքի

(Community café / Technology meet-up space)

օգտագործման հայտերի ընդունման

 

ՆԱԽԱԲԱՆ

Համայնքային սրճարան / տեխնոլոգիական հանդիպումների տարածքը գտնվում է Ինժեներական քաղաքի Բարձր տեխնոլոգիական աքսելերատորի շենքում և նախատեսված է ծառայելու ոչ միայն որպես զովացուցիչ ըմպլիքների և սուրճի մատուցման վայր, այլ նաև որպես միջավայրային, համայնքային և տեխնոլոգիական ակտիվության կենտրոն։  Տարածքի տրամադրման նպատակն է ձևավորել մասնավոր ընկերությունների աշխատակիցների, ուսանողների և այցելուների համար հարմարավետ միջավայր` ոչ պաշտոնական հանդիպումների, շփումների և հանգստի համար։

ՏԵԽՆԻԿԱԿԱՆ ԱՌԱՋԱԴՐԱՆՔ

Տարածքի նկարագրություն և օգտագործման բնույթ.

Տարածքը նախատեսված է Համայնքային սրճարանի նպատակային գործունեության համար՝ առանց խոհանոցային արտադրության կամ սննդի լայնածավալ վաճառքի հնարավորության։

• Տարածքի մակերես՝ շուրջ 77.1 քմ
• Տարածքը տրամադրվում է օգտագործման համապատասխան պայմանագրի հիման վրա՝ առնվազն 1 տարի ժամկետով, երկարացման հնարավորությամբ,
• Ամսական գումարը` 832,680 ՀՀ դրամ՝ ներառյալ ԱԱՀ,
• Կոմունալ ծախսերը պետք է վճարվեն լրացուցիչ:

Գործառնական պահանջներ.

Ներքին ձևավորումը պետք է լինի ժամանակակից, մինիմալիստական և համահունչ տեխնոլոգիական միջավայրին:

Պարտադիր սարքավորումներ և հարմարություններ`

• սուրճի մեքենա,  
• սառնարան, 
• ջրատաքացուցիչ, 
• սպասք և սպասարկման պարագաներ, 
• օդափոխություն և հրդեհային ազդանշանային համակարգեր, 
• ինտերնետ հասանելիություն և էլեկտրական միացումներ: 

Ակնկալվող արդյունքներ.

• Բարձր տեխնոլոգիական աքսելերատորի շենքում կձևավորվի նորարարական և ակտիվ միջավայր,
• Կբարձրանա շենքի գրավչությունը գործընկերների և այցելուների համար,
• Կամրապնդվի տեխնոլոգիական համայնքի ներգրավվածությունը և փոխգործակցությունը

Հետաքրքրված կազմակերպությունների կողմից ներկայացվող առաջարկի բովանդակությունը.

Հետաքրքրված կազմակերպությունները պետք է ներկայացնեն մանրամասն առաջարկ,  որը կնկարագրի նրանց տեսլականը Համայնքային սրճարանի / տեխնոլոգիական meet-up տարածքի արդյունավետ գործունեության վերաբերյալ, ներառելով՝

• տարածքի ներքին ձևավորման առաջարկները,
• սպասարկման և գործառնական գործընթացների կազմակերպումը,
• այցելուների ներգրավման և միջավայրի աշխուժացման մեխանիզմները

 

Առաջարկները պետք է ներկայացվեն մինչև 30․01․2026թ․՝ [email protected] էլ. փոստի հասցեով՝ վերնագրի դաշտում նշելով «Համայնքային սրճարան / տեխնոլոգիական հանդիպումների տարածք»։

Հարցերի կամ այլ մանրամասների համար կարող եք զանգահարել՝  011-219797։

Վերադարձ