Ընթացիկ Նորություններ

Ասպիրանտների աջակցության ծրագիր 2022

Միջազգային հայտերի ընդունման հայտարարություն
Ասպիրանտների աջակցության ծրագիր 2022

 

Սիրով հրավիրում ենք Հայաստանյան և արտերկրի բուհերի ու հետազոտական ինստիտուտների ասպիրանտներին դիմելու Ասպիրանտների աջակցության 2022 թվականի ծրագրին: Ծրագիրն իրականցվում է «Ձեռնարկությունների ինկուբատոր» հիմնադրամի կողմից՝ PMI Science-ի աջակցությամբ և նպատակ ունի աջակցել երիտասարդ գիտնականներին՝ տրամադրելով ֆինանսավորում և օժանդակություն իրենց հետազոտական և գիտական նախագծերի համար։ 

Հետազոտական աշխատանքների ֆինանսավորման ծրագիր 2022

Միջազգային հայտերի ընդունման հայտարարություն
Հետազոտական աշխատանքների ֆինանսավորման ծրագիր 2022թ.

 

Սիրով հրավիրում ենք Հայաստանի և արտերկրի առաջատար հետազոտական ինստիտուտների, բուհերի և ընկերությունների հետազոտական թիմերին ներկայացնելու իրենց առաջարկները Հետազոտական աշխատանքների ֆինանսավորման (Faculty Research Funding) ծրագրին, որն իրականցվում է «Ձեռնարկությունների ինկուբատոր» հիմնադրամի կողմից՝ PMI Science-ի աջակցությամբ։ Ծրագրի հիմնական նպատակն է տրամադրել ֆինանսավորում և համակարգված օժանդակություն տարբեր հետազոտական թիմերին՝ ներքոհիշյալ գիտական ուղղություններում։ 

Տեխնոլոգիական ուղղվածությամբ առարկաների դասավանդողներ

 

ՀԱՅՏԱՐԱՐՈՒԹՅՈՒՆ

 

«Ձեռնարկությունների ինկուբատոր» հիմնադրամը փնտրում է տեխնոլոգիական ուղղվածությամբ առարկաների դասավանդողներ՝ Հայաստանի տարբեր մարզերում դասընթացներ անցկացնելու համար։

 

Դասընթացները կազմակերպվում են ԱՄՆ Միջազգային զարգացման գործակալության ֆինանսավորմամբ իրականացվող «Հայաստանի աշխատուժի զարգացման ծրագրի» շրջանակում։

 

Ցանկանո՞ւմ ես քո ներդրումն ունենալ Հայաստանի տնտեսության զարգացման գործում, հասանելի դարձնել որակյալ կրթությունը մարզերում բնակվող երիտասարդների համար, ապա սկսի՛ր դասավանդել և կիսվել քո փորձով ու գիտելիքներով։

 

Ծրագրի շրջանակում մենք աշխատում ենք արդի տեխնոլոգիական գիտելիքները հասանելի դարձնել երիտասարդության առավել լայն շերտերի, մասնավորապես՝ մարզերի բնակիչների, կանանց, հաշմանդամություն ունեցող անձանց համար, ովքեր հնարավորություն կունենան ԱՆՎՃԱՐ հիմունքներով մասնագիտանալ ՏՏ ոլորտում, ձեռք բերել մի շարք տեխնիկական և փափուկ (soft) հմտություններ և աշխատանքի անցնել տարբեր կազմակերպություններում։

 

Աշխատանքն ունի ճկուն գրաֆիկ և կարող է դիտարկվել, որպես հավելյալ աշխատանք՝ պահանջելով շաբաթական 6-12 ժամ ներգրավվածություն։ Դասերն անցկացվելու են ինչպես առցանց, այնպես էլ լսարանային  ձևաչափով։

 

Աշխատանքային պարտականություններ 

  • Դասավանդել ըստ հաստատված ուսումնական ծրագրի,
  • Պատրաստել ուսումնական հավելյալ նյութեր, տրամադրել մասնագիտական գրականության, պատրաստել տնային հանձնարարություններ,
  • Տրամադրել ուսանողների առաջընթացի վերաբերյալ հաշվետվություններ,
  • Իրականացնել ուսումնական պրոցեսի արդյունավետությանը նպաստող այլ գործառույթներ։

 

Պահանջվող որակավորում 

  • Նվազագույնը 2 տարվա աշխատանքային փորձ ՏՏ ոլորտում,
  • Երիտասարդների հետ աշխատելու և նրանց մոտիվացնելու հմտություններ,
  • Գերազանց միջանձնային, կազմակերպչական և հաղորդակցման հմտություններ,
  • Պատասխանատվության բարձր զգացում,
  • Տեղեկատվական տեխնոլոգիաների ոլորտի նորությունների և տենդենցների մասին խորը պատկերացում։

 

Դիմելու կարգ 

Հետաքրքրված թեկնածուները մինչև հունվարի 19-ը պետք է լրացնեն հետևյալ հղումով առցանց հայտաձևը ՝ https://forms.gle/Nbyx92CBbFTqiZqr5




Վերադարձ
Կապ | Մեր մասին | Ծրագրեր | Ծառայություններ | Նորություններ | Հետազոտություններ | ՈՒղեցույցեր | R&D Էկոհամակարգ | ԲԼՈԳ