Ընթացիկ Նորություններ

ՏՏ ոլորտի խթանման հայ-ամերիկյան նախաձեռնություն

12.02.2013

ՏՏ ոլորտի խթանման հայ-ամերիկյան նախաձեռնություն
 

Հարգելի գործընկերներ,
 
Ինչպես գիտեք, 2012թ. դեկտեմբերի 10-ին ԱՄՆ Սիլիկոնյան հովտում՝ Plug@Play տեխնոլոգիական կենտրոնում տեղի ունեցավ Հայաստանի Տեղեկատվական և բարձր տեխնոլոգիաների /ՏԲՏ/ ներկայացուցչական գրասենյակի պաշտոնական բացումը:
 
Գրասենյակը կգործի որպես հայկական ՏԲՏ ընկերությունների համար ԱՄՆ-ում վաճառնքերի և ներդրումների խթանման կենտրոն, որը կապահովի հայկական ՏՏ ոլորտի տեսանելիությունը և ներկայությունը ԱՄՆ-ի շուկայում, հայկական ՏԲՏ արտադրանքի և կարողությունների ներկայացումը և առաջխաղացումը ԱՄՆ-ում, ինչպես նաև  բիզնես կապերի ստեղծումը հայկական և ամերիկյան ընկերությունների և ներդրողների միջև:
 
ՁԻՀ-ը հրավիրում է հայկական ՏՏ ընկերությունների, որոնք ունեն ԱՄՆ-ում աշխատելու կարողություններ՝ ամերիկյան շուկա իրենց արտադրանքը և/կամ ծառայությունները արտահանելու, ներդրումներ ներգրավելու կամ աուտսորսինգային պատվերներ ստանալու նպատակով, մասնակցելու Նախաձեռնությանը:
 
Տեղեկացնում ենք նաև, որ ս.թ. փետրվարի 14-ին, ժամը 17:00, ՁԻՀ-ի գրասենյակում կանցկացվի աշխատանքային սեմինար՝ հետաքրքրված ընկերություններին ԱՄՆ-ում ներկայացուցչական գրասենյակի գործունեության սկզբունքների վերաբերյալ առավել մանրամասն տեղեկություններ տրամադրելու նպատակով:

Վերադարձ