ՀԱՅՏԱՐԱՐՈՒԹՅՈՒՆ
ARC կիսահաղորդիչների լաբորատորիայի Ծրագրի ղեկավարի ընտրության
«Առաջադեմ հետազոտությունների կենտրոն» ծրագրի ներքո փնտրում ենք Կիսահաղորդիչների լաբորատորիայի Ծրագրի ղեկավար
Պաշտոնի նկարագիրը՝
Ծրագրի ղեկավարը կվերահսկի և կհամակարգի Կիսահաղորդիչների լաբորատորիայի շրջանակում իրականացվող հետազոտական և զարգացման նախագծերը: Ներառյալ՝ ինտեգրված սխեմաների առաջադեմ տեխնոլոգիաների զարգացման և դրանց կիրառման կառավարումը բարձր ազդեցության տարբեր ոլորտներում, ինչպիսիք են՝ ինքնավար ավտոմեքենաները, տիեզերական տեխնոլոգիաները, AR/VR սարքերը և հաջորդ սերնդի անլար կապի համակարգերը:
Հիմնական պարտականությունները՝
- Պլանավորել Լաբորատորիայի գործունեությունը, ապահովել իրականացումն ու մշտադիտարկումը,
- Առաջնորդել ճարտարագետների և հետազոտողների բազմամասնագիտական թիմը` խթանելով համագործակցային և նորարարական միջավայր:
- Արդյունավետ բաշխել ռեսուրսները, ներառյալ՝ անձնակազմը, սարքավորումները և բյուջեն, ապահովելով ծրագրի նպատակների իրականացումը:
- Գործել որպես լաբորատորիայի և շահագրգիռ կողմերի միջև շփման առաջնային կոնտակտային անձ: Տրամադրել Ծրագրի առաջընթացի վերաբերյալ կանոնավոր թարմացումներ և անհապաղ հասցեագրել ցանկացած խնդիր:
- Ապահովել բոլոր հետազոտական արդյունքների և նախատիպերի համար որակի բարձր չափանիշների պահպանումը:
- Բացահայտել ծրագրի իրականացման հնարավոր ռիսկերը և մշակել մեղմացման ռազմավարություններ:
- Պատրաստել ծրագրի մանրամասն հաշվետվություններ, տեխնիկական փաստաթղթեր և ներկայացումներ ներքին և արտաքին շահագրգիռ կողմերի համար:
- Թիմերի ստեղծում և մեկնարկում. ստեղծել թիմեր և արդյունավետ կերպով ներգրավել դրանք նախագծերի նախաձեռնման և իրականացման աշխատանքներում:
- Ծրագրերի խթանում. խթանել նոր նախագծերի մեկնարկը և իրականացումը` լաբորատոր նպատակներին համապատասխանեցնելու նպատակով:
- Հետազոտությունների համակարգում. համակարգել հետազոտական աշխատանքները՝ ուղղված լաբորատորիայի ընդհանուր հաջողությանը։
- Աջակցություն սկսնակ ձեռնարկություններին. աջակցել լաբորատոր հետազոտություններից կամ հարակից նախագծերից ձևավորվող նորաստեղծ ընկերությունների հիմնմանը:
Որակաավորումը՝
- Կրթություն. բարձրագույն կրթություն (մագիստրոսի կամ Ph.D. աստիճան) կիսահաղորդչային տեխնոլոգիաների կամ հարակից ոլորտներում:
- Փորձ. նվազագույնը 3 տարվա մասնագիտական փորձ կիսահաղորդչային տեխնոլոգիաների ոլորտում:
Հմտությունները՝
- Ծրագրերի կառավարման հմտություններ, ներառյալ ծրագրերի կառավարման գործիքների և մեթոդաբանության իմացություն։
- Թիմային կառավարման և առաջնորդման գերազանց կարողություններ։
- Արդյունավետ հաղորդակցման և միջանձնային հմտություններ։
- Խնդիրներ լուծելու հմտություններ և վերլուծական մտածողության:
Անձնական հատկանիշները՝
- Նորարարական մտածելակերպ. Լաբորատորիայում նորարարության և շարունակական կատարելագործման մշակույթը խթանելու ունակություն:
- Մանրամասների վրա կենտրոնացվածություն. մանրուքների նկատմամբ ուշադրություն և բարձրորակ աշխատանք կատարելու պատրաստակամություն:
- Ադապտացվելու կարողություն. Ծրագրի փոփոխվող պահանջներին և առաջնահերթություններին հարմարվելու ունակություն:
- Մեծ հետաքրքրություն տեխնոլոգիաների նկատմամբ. կիսահաղորդչային տեխնոլոգիաների վերջին միտումների և առաջընթացի մասին շարունակական տեղեկացվածություն:
Դիմելու ընթացակարգը՝
Հետաքրքրված թեկնածուները պետք է մինչև 2024թ-ի սեպտեմբերի 25-ը (ներառյալ) ներկայացնեն իրենց ինքնակենսագրականը (CV), համապատասխան փորձառությունը մանրամասնող ուղեկցող նամակ ու երաշխավորագրեր [email protected] էլ.փոստի հասցեով: Հայտերը կդիտարկվեն ընթացիկ հիմունքով՝ մինչև աշխատատեղի համալրումը։
Լրացուցիչ տեղեկություններ՝
- Աշխատավայր` ՀՀ, Երևան, Բագրևանդի փ․ 21/1, «Ինժեներական քաղաք»
- Աշխատավարձ` փորձին և որակավորմանը համապատասխան
- Պայմանագրի ձևը` կես դրույքով, մշտական
- Հաշվետու է` «Ձեռնարկությունների ինկուբատոր» հիմնադրամին և Սինոփսիսին:
* * *
«Առաջադեմ հետազոտությունների կենտրոն» ծրագրի նպատակն է խթանել Հայաստանի ճարտարագիտական ոլորտի մրցունակության բարձրացումը համաշխարհային շուկայում՝ աջակցելով հետազոտություններին, մշակումներին, առևտրայնացմանը և համախմբելով միջազգային ընկերությունների, ԱՄՆ-ի առաջատար համալսարանների և Հայաստանի ճարտարագիտական կլաստերի ջանքերը:
Ծրագիրն իրականացվում է ԱՄՆ Միջազգային զարգացման գործակալության ֆինանսավորմամբ, «Ձեռնարկությունների ինկուբատոր» հիմնադրամի կողմից՝ Ինժեներական ասոցիացիայի, Նեյշնլ Ինսթրումենթս և Սինոփսիս ընկերությունների հետ համագործակցությամբ։
Վերադարձ
ARC կիսահաղորդիչների լաբորատորիայի Ծրագրի ղեկավար 
