Ընթացիկ Նորություններ

Ներգրավվող արվեստագետներ - Black Box Hub

ՀԱՅՏԱՐԱՐՈՒԹՅՈՒՆ


Հրավիրում ենք Հայաստանում բնակվող արտիստների ուշադրությունը․ «Ձեռնարկությունների ինկուբատոր» հիմնադրամը (ՁԻՀ) փնտրում է տաղանդավոր արտիստների՝ Գյումրու տեխնոլոգիական կենտրոնի կողմից Artbox-ի աջակցությամբ և Հայաստանում Եվրոպական միության կողմից Կատապուլտ ստեղծարար աքսելերացիոն ծրագրի ֆինանսավորմամբ իրականացվող Black Box Hub նախաձեռնության շրջանակում։

Վեբ կայքերի մշակման ծառայություններ - Black Box Hub

ՀԱՅՏԱՐԱՐՈՒԹՅՈՒՆ

 

«Ձեռնարկությունների ինկուբատոր» հիմնադրամը (ՁԻՀ)՝ Գյումրու տեխնոլոգիական կենտրոնի կողմից Artbox-ի աջակցությամբ և Հայաստանում Եվրոպական միության կողմից Կատապուլտ ստեղծարար աքսելերացիոն ծրագրի ֆինանսավորմամբ իրականացվող Black Box Hub նախաձեռնության շրջանակում հայտարարում է ամրագրման/տոմսերի վաճառքի համակարգի ինտեգրմամբ, լիարժեք գործող էլեկտրոնային առևտրի կայքի ստեղծման մրցույթ՝ Վեբ կայքերի մշակման ծառայություններ մատուցող որակավորված կազմակերպությունների համար: 

Հ Ա Յ Տ Ա Ր Ա Ր ՈՒ Թ Յ ՈՒ Ն

02.06.2012


Հ Ա Յ Տ Ա Ր Ա Ր ՈՒ Թ Յ ՈՒ Ն


2012թ. մայիսի 31-ին Հայկական ծրագրեր ընկերության կողմից տարածվել է  հայտարարություն, որում անդրադարձ է կատարվում նաև «Ձեռնարկությունների ինկուբատոր» հիմնադրամի գործունեությանը` այն գնահատելով “խիստ բացասական”:


Ելնելով վերոգրյալից, հարկ ենք համարում հայտարարել հետևյալը`


«Ձեռնարկությունների ինկուբատոր» հիմնադրամը (ՁԻՀ) հիմնվել է 2002թ. և գործունեության 10 տարիների ընթացքում արդյունավետ կերպով իրականացրել է իր հիմնական առաքելությունը` ապացուցելով, որ Հայաստանի Հանրապետությունում Տեղեկատվական տեխնոլոգիաների ոլորտում նախաձեռնված լավագույն նախագծերից է, որն իրականացնում է ոլորտի զարգացմանն ուղղված բազմաթիվ միջոցառումներ և ծրագրեր` կադրերի պատրաստման և կարողությունների զարգացման, ներդրումների ներգրավման, ենթակառուցվածքների ձևավորման, հայաստանյան շուկա ոլորտի վերազգային կազմակերպությունների ներգրավման և, վերջապես, միջազգային շուկաներում Հայաստանի, որպես տեխնոլոգիական ոլորտի առաջատար երկրի վարկանիշի ձևավորման և բարձրացման ուղղությամբ:


Միաժամանակ հարկ ենք համարում նշել, որ ՀՀ օրենսդրությամբ սահմանված կարգով ՁԻՀ-ը յուրաքանչյուր տարի ենթարկվում է մասնագիտական, բովանդակային և ֆինանսական աուդիտի` միայն ՀՀ-ում արտոնագրված և միջազգային կառույցների կողմից ճանաչված անկախ աուդիտորական կազմակերպությունների կողմից, որի արդյունքները հրապարակվում են նաև մամուլում: 


Հիմնադրամի հոգաբարձուների խորհրդի կողմից, որի կազմում են ՀՀ պետական, մասնավոր, ակադեմիական և միջազգային կառույցների ղեկավար-ներկայացուցիչներ, ՁԻՀ-ի բոլոր տարիների գործունեությունը գնահատվել է գերազանց:


ՁԻՀ-ի գործունեությունը բարձր է գնահատվել նաև բազմաթիվ միջազգային կազմակերպությունների, այդ թվում` դոնոր կառույցների կողմից, և այսօր հայաստանյան “Ձեռնարկությունների ինկուբատոր”-ի հաջողված մոդելը ներդրվում է բազմաթիվ զարգացող երկրներում:


«ՁԵՌՆԱՐԿՈՒԹՅՈՒՆՆԵՐԻ ԻՆԿՈՒԲԱՏՈՐ» ՀԻՄՆԱԴՐԱՄ




Վերադարձ
Հետադարձ կապ | Մեր մասին | Ծրագրեր | Ծառայություններ | Նորություններ | Հետազոտություններ | ՈՒղեցույցեր | R&D Էկոհամակարգ | ԲԼՈԳ