Ընթացիկ Նորություններ

Ներգրավվող արվեստագետներ - Black Box Hub

ՀԱՅՏԱՐԱՐՈՒԹՅՈՒՆ


Հրավիրում ենք Հայաստանում բնակվող արտիստների ուշադրությունը․ «Ձեռնարկությունների ինկուբատոր» հիմնադրամը (ՁԻՀ) փնտրում է տաղանդավոր արտիստների՝ Գյումրու տեխնոլոգիական կենտրոնի կողմից Artbox-ի աջակցությամբ և Հայաստանում Եվրոպական միության կողմից Կատապուլտ ստեղծարար աքսելերացիոն ծրագրի ֆինանսավորմամբ իրականացվող Black Box Hub նախաձեռնության շրջանակում։

Վեբ կայքերի մշակման ծառայություններ - Black Box Hub

ՀԱՅՏԱՐԱՐՈՒԹՅՈՒՆ

 

«Ձեռնարկությունների ինկուբատոր» հիմնադրամը (ՁԻՀ)՝ Գյումրու տեխնոլոգիական կենտրոնի կողմից Artbox-ի աջակցությամբ և Հայաստանում Եվրոպական միության կողմից Կատապուլտ ստեղծարար աքսելերացիոն ծրագրի ֆինանսավորմամբ իրականացվող Black Box Hub նախաձեռնության շրջանակում հայտարարում է ամրագրման/տոմսերի վաճառքի համակարգի ինտեգրմամբ, լիարժեք գործող էլեկտրոնային առևտրի կայքի ստեղծման մրցույթ՝ Վեբ կայքերի մշակման ծառայություններ մատուցող որակավորված կազմակերպությունների համար: 

AI-Code battle

 


ՀԱՅՏԱՐԱՐՈՒԹՅՈՒՆ

AI-Code battle

 

 

Մասնակցի՛ր AI-Code battle-ին, ստեղծի՛ր հետաքրքիր նախագծեր արհեստական բանակությամբ աշխատող գործիքների միջոցով և ստացի՛ր դրամական պարգև։


«Ձեռնարկությունների ինկուբատոր» հիմնադրամը կազմակերպում է նոր ձևաչափով մրցույթ, որը հնարավորություն կտա մասնակիցներին, կիրառելով արհեստական բանականությամբ աշխատող տարբեր գործիքներ, մշակել հետաքրքիր նախագծեր կամ դրանց դեմո տարբերակները, մրցել միմյանց հետ և ստանալ դրամական պարգևներ։

 

AI-Code battle-ը կազմակերպվում է ԱՄՆ միջազգային զարգացման գործակալության կողմից ֆինանսավորվող «Հայաստանում աշխատուժի զարգացման» ծրագրի շրջանակում։

 

Պատրա՞ստ ես միանալու պայքարին, ուրեմն՝ սկսեցինք։

 

 Ո՞վ կարող է մասնակցել AI-Code battle-ին

  • Դո՛ւ, եթե մասնակցել ես «Հայաստանում աշխատուժի զարգացման ծրագրի» շրջանակում անցկացված ցանկացած դասընթացի;
  • Դո՛ւ, եթե հանդիսանում ես թիմի անդամ, որտեղ ներգրավված է «Հայաստանում աշխատուժի զարգացման ծրագրի» շրջանակում անցկացված դասընթացի առնվազն մեկ մասնակից։

Ինչո՞ւ մասնակցել AI-Code battle-ին

  • ծանոթանալու արհեստական բանականությամբ աշխատող տարբեր գործիքների և գործնականում սովորելու՝ ինչպես կիրառել դրանք տարբեր նախագծերում,
  • մշակելու հետաքրքիր նախագծեր ՏՏ-ի, գյուղատնտեսության, հյուրընկալության և այլ ոլորտներում
  • փորձելու ուժերդ՝ մրցելով մյուս մասնակիցների հետ;
  • ստանալու դրամական պարգև։

Ինչպե՞ս դիմել

  • Ըստ անհրաժեշտության՝ կազմի՛ր 2-4 հոգանոց թիմ կամ դիմիր որպես անհատ,
  • մտածի՛ր քեզ հետաքրքրող ցանկացած խնդրի վերաբերյալ նորարարական տեխնոլոգիական լուծում, որի իրականացման ժամանակ մեծապես կիրառելու ես արհեստական բանականությամբ աշխատող գործիքներ,
  • Մինչև հուլիսի 31-ը լրացրո՛ւ հայտաձևը https://forms.gle/WRFccFHW2DtzSi1BA;
  •  Եվ տրամադրվի՛ր առցանց պայքարին՝  քո (թիմի) գիտելիքները, երևակայությունը և արհեստական բանականությամբ աշխատող գործիքներն հմտորեն կիրառելու համար։

Ի՞նչ անել AI-Code battle-ին

  • մասնակցել առցանց աշխատարանի, ուսումնասիրել արհեստական բանականությամբ աշխատող մի քանի գործիքներ և սովորել՝ ինչպես կիրառել դրանք,
  • մինչ հուլիսի 31-ը մշակել նորարարական լուծումներ՝ արհեստական բանականությամբ աշխատող գործիքների կիրառմամբ;
  • Օգոստոսի 2-ին առցանց ներկայացնել մշակված նախագիծը և պայքարել դրամական պարգևի համար։

Որո՞նք են անվանակարգերը և որքա՞ն է մրցանակային ֆոնդը

  • 500,000 ՀՀ դրամ՝ արհեստական բանականությամբ աշխատող գործիքների ստեղծարար կիրառությամբ ստեղծված նախագծի համար, 
  • 500,000 ՀՀ դրամ՝ արհեստական բանականությամբ աշխատող գործիքների լայնածավալ կիրառությամբ ստեղծված նախագծի համար, 
  • 500,000 ՀՀ դրամ՝ արհեստական բանականությամբ աշխատող գործիքների արդյունավետ կիրառությամբ կրթական նախագծի/մոդելի համար։

 

Նշում՝ մրցանակային գումարները ներառելու են ՀՀ օրենսդրությամբ սահմանված բոլոր հարկերը, տուրքերը և այլ պարտադիր վճարները։




Վերադարձ
Հետադարձ կապ | Մեր մասին | Ծրագրեր | Ծառայություններ | Նորություններ | Հետազոտություններ | ՈՒղեցույցեր | R&D Էկոհամակարգ | ԲԼՈԳ