Ընթացիկ Նորություններ

Ներգրավվող արվեստագետներ - Black Box Hub

ՀԱՅՏԱՐԱՐՈՒԹՅՈՒՆ


Հրավիրում ենք Հայաստանում բնակվող արտիստների ուշադրությունը․ «Ձեռնարկությունների ինկուբատոր» հիմնադրամը (ՁԻՀ) փնտրում է տաղանդավոր արտիստների՝ Գյումրու տեխնոլոգիական կենտրոնի կողմից Artbox-ի աջակցությամբ և Հայաստանում Եվրոպական միության կողմից Կատապուլտ ստեղծարար աքսելերացիոն ծրագրի ֆինանսավորմամբ իրականացվող Black Box Hub նախաձեռնության շրջանակում։

Վեբ կայքերի մշակման ծառայություններ - Black Box Hub

ՀԱՅՏԱՐԱՐՈՒԹՅՈՒՆ

 

«Ձեռնարկությունների ինկուբատոր» հիմնադրամը (ՁԻՀ)՝ Գյումրու տեխնոլոգիական կենտրոնի կողմից Artbox-ի աջակցությամբ և Հայաստանում Եվրոպական միության կողմից Կատապուլտ ստեղծարար աքսելերացիոն ծրագրի ֆինանսավորմամբ իրականացվող Black Box Hub նախաձեռնության շրջանակում հայտարարում է ամրագրման/տոմսերի վաճառքի համակարգի ինտեգրմամբ, լիարժեք գործող էլեկտրոնային առևտրի կայքի ստեղծման մրցույթ՝ Վեբ կայքերի մշակման ծառայություններ մատուցող որակավորված կազմակերպությունների համար: 

SoloLearn ընկերությունը ստացել է 100.000 ԱՄՆ դոլարի ներդրում

03.10.2014

 

SoloLearn ընկերությունը ստացել է 100.000 ԱՄՆ դոլարի ներդրում

 

Սեպտեմբերի 26-ին Նյու Յորքում կայացած ArmTech-2014 համաժողովի շրջանակներում Հայաստանում առաջին վենչուրային ընկերությունը` «Գրանատուս Վենչուրսը», պայմանագիր է ստորագրել SoloLearn ընկերության հետ՝ համաձայն որի  ընկերությունը կստանա 100,000 ԱՄՆ դոլարի ֆինանսավորում և ակսելերացիոն աջակցություն Գրանատուս Վենչուրսի կողմից:

 

2013թ.-ի հունիսին ստեղծված SoloLearn (Սոլոլրն) հայ-ամերիկյան ընկերությունը հանդիսանում է բջջային կրթական հարթակ, որն արդեն տրամադրում է 14 ինտերակտիվ և խաղային հավելված` ծրագրավորման, բիզնեսի և լուսանկարչության ուսուցման ուղղություններով: Ավելի քան 350,000 օգտատերեր այսօր արդեն սեփական փորձի վրա վայելում են SoloLearn-ի միջոցով գիտելիքներ ձեռք բերելու հաճույքը:

 

«SoloLearn-ը նպատակաուղղված է ուսումնառության գործընթացն առավել հասանելի, մատչելի և հաճելի դարձնելուն», - ասաց SoloLearn ընկերության համահիմնադիր Դավիթ Քոչարյանը: Տրամադրվող ֆինանսավորումը կուղղվի հարթակի կատարելագործմանն ու նոր օգտատերերի ներգրավմանը:

 

ԱրմԹեք համաժողովի կազմակերպիչներն էին ՀՀ Կառավարությունը, Համաշխարհային բանկը և Ձեռնարկությունների ինկուբատոր հիմնադրամը, հովանավորներն էին Քրոնիմետը, Դ-Լինկ ընկերությունը և Հայ Օգնության ֆոնդը, գործընկերները՝ Մենթոր Գրաֆիկս և ՓիքսԱրթ կազմակերպությունները, աջակիցները՝ Զարգացման հայկական գործակալությունը, Հայաստան հիմնադրամ ԱՄՆ, Վիասֆեր տեխնոպարկ, Ագնիան, Դիջիթըլ Փոմըգրանեթ և Ֆայնբերգ ընկերությունները: 




Վերադարձ
Հետադարձ կապ | Մեր մասին | Ծրագրեր | Ծառայություններ | Նորություններ | Հետազոտություններ | ՈՒղեցույցեր | R&D Էկոհամակարգ | ԲԼՈԳ