Ընթացիկ Նորություններ

Վեբ կայքերի մշակման ծառայություններ - Black Box Hub

ՀԱՅՏԱՐԱՐՈՒԹՅՈՒՆ

 

«Ձեռնարկությունների ինկուբատոր» հիմնադրամը (ՁԻՀ)՝ Գյումրու տեխնոլոգիական կենտրոնի կողմից Artbox-ի աջակցությամբ և Հայաստանում Եվրոպական միության կողմից Կատապուլտ ստեղծարար աքսելերացիոն ծրագրի ֆինանսավորմամբ իրականացվող Black Box Hub նախաձեռնության շրջանակում հայտարարում է ամրագրման/տոմսերի վաճառքի համակարգի ինտեգրմամբ, լիարժեք գործող էլեկտրոնային առևտրի կայքի ստեղծման մրցույթ՝ Վեբ կայքերի մշակման ծառայություններ մատուցող որակավորված կազմակերպությունների համար: 

Ճարտարապետական նախագծերի ծառայություն - Black Box Hub

ՀԱՅՏԱՐԱՐՈՒԹՅՈՒՆ


«Ձեռնարկությունների ինկուբատոր» հիմնադրամը (ՁԻՀ)
Գյումրու տեխնոլոգիական կենտրոնի կողմից Artbox-ի աջակցությամբ և Հայաստանում Եվրոպական միության կողմից Կատապուլտ ստեղծարար աքսելերացիոն ծրագրի ֆինանսավորմամբ իրականացվող Black Box Hub նախաձեռնության շրջանակում, փնտրում է որակավորված ճարտարապետական նախագծերի ծառայություն մատուցող կազմակերպությունների՝ հաբի նախագծա-նախահաշվային փաթեթի և 3D մոդելի մշակման նպատակով: 

Ասպիրանտների աջակցության ծրագիր 2020

 

 

ՀԱՅՏԱՐԱՐՈՒԹՅՈՒՆ


ՀՀ բուհերի ու հետազոտական ինստիտուտների ասպիրանտուրայի ուսանողները հրավիրվում են դիմելու Ասպիրանտների աջակցության 2020 թվականի ծրագրին՝ ներկայացնելով իրենց հետազոտական աշխատանքը։ Ծրագիրն իրականցվում է «Ձեռնարկությունների ինկուբատոր» հիմնադրամի կողմից՝ PMI Science-ի աջակցությամբ և նպատակ ունի աջակցել ՀՀ-ում երիտասարդ գիտնականներին՝ տրամադրելով ֆինանսավորում և օժանդակություն իրենց հետազոտական և գիտական նախագծերի համար։ 2018 թվականից արդեն 10 համալսարանների և հետազոտական ինստիտուտների 20 ասպիրանտ օգտվել է ծրագրից՝ գրանցելով էական առաջընթաց և հաջողություններ իրենց հետազոտություններում։

 

Այս տարի Ասպիրանտների աջակցության ծրագիրը նվիրվում է ականավոր երիտասարդ գիտնական Հրայր Ազիզբեկյանի հիշատակին, ով գիտության և հետազոտությունների առաջամարտիկներից էր։ Հույս ունենք, որ այս ծրագիրը ևս մեկ քայլ կլինի Հայաստանում ուժեղ գիտական էկոհամակարգի զարգացման իր տեսլականը կյանքի կոչելու ճանապարհին։ 

 

Ոլորտներ

Ծրագիրը թիրախավորում է գիտական և հետազոտական նախագծերի հայտերը այնպիսի ոլորտներում, ինչպիսիք են՝  Մաթ․ մոդելավորում, Սիմուլյացիայի մոդելավորում, Տեխնոլոգիական օժանդակությամբ համակարգերի և փորձարկումերի նախագծում, Ջերմային ու ջերմահաղորդիչ տեխնոլոգիաներ, Արդյունաբերական և համակարգային ինժեներիա, Էլեկտրոնային ինժեներիա, Նախատիպավորում, Նյութագիտություն, Վերլուծական քիմիա, Օրգանական նյութեր (բիոպլաստիկ, բիոկերամիկա, բիոպոլիմերներ), Աերոզոլային գիտություն, Թունաբանություն, Կիրառական ու փորձարարական ֆիզիկա, Կիրառական մաթեմատիկա, Մեքենայական ուսուցում, Արհեստական բանականություն։

Առաջնահերթությունը կտրվի այն հայտերին, որոնք թիրախավորում են հատկապես Հավելված 1-ում նշված ուղղությունները ։  

 

Ովքե՞ր կարող են դիմել

Հայտատուները պետք է համապատասխանեն հետևյալ պահանջներին.

  • Լինել ՀՀ-ում գործող հետազոտական ինստիտուտներից կամ համալսարաններից որևէ մեկում ընդունված կամ սովորող ասպիրանտ,
  • Ներկայացնել հետազոտական աշխատանք, որը վերաբերում է վերը նշված ոլորտներին։

Նախընտրական փուլը հաղթահարած թեկնածուները կհրավիրվեն հարցազրույցի՝ իրենց հետազոտական նախագիծը ներկայացնելու նպատակով։

 

Առավելություններ

Ծրագրի շրջանակում ընտրված մինչև 10 ասպիրանտները կստանան ֆինանսավորում՝ ամսական 362,490 ՀՀ դրամի չափով (ներառյալ բոլոր հարկերը և այլ պարտադիր վճարները)։ Ֆինանսավորումը կտրամադրվի առավելագույնը 12 ամիս՝ առաջընթացի գնահատման հիման վրա, որը կկատարվի 4 ամիսը մեկ։

 

Ծրագրով ընտրված ասպիրանտները նաև հնարավորություն կունենան մասնակցելու տարբեր միջոցառումների և համագործակցելու ոլորտում փորձառու մասնագետների ու մենթորների հետ։

 

Ինչպե՞ս դիմել

Հետաքրքրված թեկնածուները պետք է լրացնեն Առցանց հայտադիմումը՝ կցելով հետևյալ փաստաթղթերը.

  • Ասպիրանտի և գիտական ղեկավարի ինքնակենսագրությունները (CV)
  • Գիտական ղեկավարից աջակցության նամակ,
  • Հետազոտական նախագծի առաջարկը՝ համաձայն Հավելված 2 -ում նշված կառուցվածքի:

Բոլոր փաստաթղթերը պետք է ներկայացվեն անգլերենով։

 

Դիմումների ներկայացման վերջնաժամկետն է՝ 2020թ. սեպտեմբերի 7-ը, ժ. 23։59։

 

 

Նշում՝ Տեղեկացնում ենք, որ հայտադիմումը լրացնելու համար անհրաժեշտ է ունենալ Google հաշիվ:

 

Խնդրում ենք դիմելուց առաջ ծանոթանալ Անձնական տվյալների հավաքագրման վերաբերյալ սույն ծանուցմանը։

 

 

 

Լրացուցիչ հարցերի դեպքում՝

Կոնտակտային անձ՝ Արթուր Փոքրիկյան

Հեռ.՝ +374 11 219797 ; Էլ. փոստ՝ [email protected]




Վերադարձ
Հետադարձ կապ | Մեր մասին | Ծրագրեր | Ծառայություններ | Նորություններ | Հետազոտություններ | ՈՒղեցույցեր | R&D Էկոհամակարգ | ԲԼՈԳ