Ընթացիկ Նորություններ

“Գաղափարից դեպի շուկա” դրամաշնորհային մրցույթ

26.11.2012

“Գաղափարից դեպի շուկա” դրամաշնորհային մրցույթ 

և վենչուրային կոնֆերանս

Ձեռնարկությունների ինկուբատոր հիմնադրամ, 22 նոյեմբերի, 2012

ՀՀ Էկոնոմիկայի նախարարությունը, Ձեռնարկությունների ինկուբատոր հիմնադրամը և ԱՄՆ Քաղաքացիական հետազոտությունների և զարգացման հիմնադրամը հայտարարում է Գիտության և տեխնոլոգիաների ձեռներեցության ծրագրի (STEP) շրջանակում կազմակերպվող Վենչուրային կոնֆերանսի անցկացման մասին: 

Կոնֆերանսը տեղի կունենա “Արմենիա Մարիոթ” հյուրանոցի “Տիգրան Մեծ” դահլիճում ս.թ. նոյեմբերի 27-28-ին, ժ. 10:30,  որի ավարտին` նոյեմբերի 28-ին ժամը 14.30-ին կամփոփվեն և կհայտարարվեն  դրամաշնորհային մրցույթի արդյունքները:

Վենչուրային կոնֆերանսը եզակի հնարավորություն կընձեռի ծանոթանալու  տեղեկատվական տեխնոլոգիաների, բարձր տեխնոլոգիաների, բիոտեխնոլոգիայի և ճարտարագիտական ոլորտների 50 ծրագրերից ընտրված 21 ներդրումային ծրագրերին, որոնք մշակվել են “Գաղափարից դեպի շուկա” դրամաշնորհային մրցույթի շրջանակում: 

Ծրագրի ընթացքում հայ հետազոտողները աշխատել են մասնավոր ձեռնարկությունների հետ համատեղ` նոր գործարար հնարավորություններ բացահայտելու և իրագործելու նպատակով: Համատեղ աշխատանքի արդյունքում մշակվել են մասնավոր ներդրողների համար գրավիչ և շահութաբեր  գիտահետազոտական առաջարկները: 

###

Վերադարձ