Ընթացիկ Նորություններ

Նորարարություններին ուղղված համաֆինանսավորվող դրամաշնորհ

«Աջակցություն ՓՄՁ զարգացմանը Հայաստանում» ծրագիրը, որը համաֆինանսավորվում է Եվրամիության, ինչպես նաև Գերմանիայի դաշնային հանրապետության տնտեսական համագործակցության և զարգացման նախարարության կողմից և իրականացվում է ԳՄՀԸ «Մասնավոր հատվածի զարգացումը Հարավայի Կովկասում» ծրագրի շրջանակում, Ձեռնարկությունների ինկուբատոր հիմնադրամի հետ համագործակցությամբ հայտարարում է դրամաշնորհային նոր մրցույթ: 

“Learn to Code! It’s Fun!” խորագրով միջոցառում եվրոպական ծրագրավորման

Հոկտեմբերի 21-ին Երևանում առաջին անգամ անցկացվեց “Learn to Code! It’s Fun!” խորագրով միջոցառում եվրոպական ծրագրավորման ամենամեծ իրադարձության՝ EU Code Week-ի շրջանակներում: Միջոցառումը նախաձեռնել էր Ձեռնարկությունների Ինկուբատոր Հիմնադրամի (EIF)  Հայ-Հնդկական ՏՀՏ Գերազանցության Կենտրոնը (AITC), միջոցառման աջակիցն էր GOOGLE-ը:

Գյումրիում կայացած ArmeniaFTW միջազգային ֆորումը

11.11.2014

 

Գյումրիում կայացած ArmeniaFTW միջազգային ստարտափ մրցույթի հաղթող ճանաչվեցին SoloLearn, SkyCriptor և ggTaxi  ստարտափերը


Նոյեմբերի 8-9-ը Գյումրու տեխնոլոգիական կենտրոնում տեղի ունեցավ #ArmeniaFTW ձեռներեցության ֆորումը, որի կազմակերպիչներն էին Մայքրոսոֆթ ինովացիոն կենտրոնն ու USAID REG ծրագիրը, գործընկերները՝ Ձեռնարկությունների Ինկուբատոր հիմնադրամը և Ֆիլիպ Մորրիս Արմենիա ՍՊԸ:

 

ArmeniaFTW միջոցառման ընթացքում 15 ստարտափեր հանդես եկան իրենց գաղափարներով ու նախաձեռնություններով վենչուրային հիմնադրամների ներկայացուցիչներին և հրեշտակային ներդրողներին: Արդյունքում հաղթող ճանաչվեց 3 թիմ՝ SoloLearn, SkyCriptor և ggTaxi, որոնցից յուրաքանչյուրը ստացավ 1 մլն ՀՀ դրամ մրցանակ Ֆիլիպ Մորրիս Արմենիա ՍՊԸ և Ձեռնարկությունների ինկուբատոր հիմնադրամի կողմից՝ իրենց գաղափարներն իրականացնելու և կոմերցիալիզացնելու նպատակով:

 

Բացի այդ հաղթող ընկերություններից երկուսը՝ SoloLearn և SkyCriptor, հնարավորություն ունեն աջակցություն ստանալու ուկրաինական HappyFarm և էստոնական StartupWiseGuys աքսելերատորների կողմից: Նախ և առաջ նրանք կմասնակցեն հարցազրույցի, որից հետո Մայքրոսոֆթ ինովացիոն կենտրոնի աջակցությամբ կմեկնեն Էստոնիա կամ Ուկրաինա՝ հանդիպելու ներդրումային կոմիտեի հետ և պայքարելու 30.000-50.000 դոլար ներդրում ստանալու համար:

 

Տեղեկացնենք, որ #ArmeniaFTW ձեռներեցության ֆորումը բաղկացած էր նաև բարձրակարգ սեմինարների շարքից, որոնք անցկացրեցին հայկական, ամերիկյան, մեծ բրիտանական, գերմանական, բուլղարական և ուկրաինական վենչուրային հիմնադրամների ներկայացուցիչների և հրեշտակային ներդրողների կողմից։ Միջոցառման նպատակն էր ոգեշնչել ՏՏ մասնագետներին և երիտասարդ ձեռներեցներին զարգացնել ստեղծարար միտքը, բացահայտել նորարար գաղափարներ, փոխանակել արժեքավոր գիտելիքներ և փորձառություն, ինչպես նաև համագործակցության նոր հնարավորություններ ստեղծել սկսնակ երիտասարդ ձեռներեցների, ոլորտի փորձագետների և ներդրողների միջև:





Վերադարձ
Պատկերասրահ | Մեր մասին | Ծրագրեր | Ծառայություններ | Նորություններ | Հետազոտություններ | ՈՒղեցույցեր | Կապ