Ընթացիկ Նորություններ

ԱՍՊԻՐԱՆՏՆԵՐԻ ԱՋԱԿՑՈՒԹՅԱՆ ԾՐԱԳԻՐ

ՀԱՅՏԱՐԱՐՈՒԹՅՈՒՆ

Ասպիրանտների աջակցության ծրագիր

 

ՀՀ համալսարանների և գիտահետազոտական ինստիտուտների ասպիրանտները հրավիրվում են մասնակցելու PMI Science -ի աջակցությամբ Ձեռնարկությունների Ինկուբատոր Հիմնադրամի կողմից իրականացվող Ասպիրանտների աջակցության ծրագրին (PhD Support Program)։

ՀԵՏԱԶՈՏԱԿԱՆ ԱՇԽԱՏԱՆՔՆԵՐԻ ՖԻՆԱՆՍԱՎՈՐՄԱՆ ԾՐԱԳԻՐ

ՀԱՅՏԱՐԱՐՈՒԹՅՈՒՆ

Հետազոտական Աշխատանքների Ֆինանսավորման Ծրագիր

ՀՀ համալսարանների և գիտահետազոտական ինստիտուտների հետազոտական  թիմերը հրավիրվում են մասնակցելու PMI Science -ի աջակցությամբ Ձեռնարկությունների ինկուբատոր հիմնադրամի կողմից   իրականացվող Հետազոտական աշխատանքների ֆինանսավորման (Faculty Research Funding) ծրագրին։

Ամառային դպրոցի մասնակցեցին 78 ուսանողներ և դպրոցականներ

11.08.2014

 

Հայ-հնդկական ՏՀՏ գերազանցության կենտրոնում ամառային

դպրոցի մասնակցեցին 78 ուսանողներ և դպրոցականներ

 

Հուլիսյան շոգ օրերին Հայ-հնդկական ՏՀՏ գերազանցության կենտրոնը հյուրընկալել էր տասնյակ երիտասարդների: Վերջիններս եկել էին կենտրոն՝ մասնակցելու ‹‹Մաթեմատիկա և կիրառություններ›› ամառային դպրոցին, որի կազմակերպիչն էր Երևանի պետական համալսարանի  Մաթեմատիկայի և մեխանիկայի ֆակուլտետը: Կարևորելով որակյալ կադրերի վերապատրաստումը և պրոֆեսիոնալ մասնագետների շարունակական մուտքը դեպի աշխատաշուկա՝ նախաձեռնությանն աջակցում էր Ձեռնարկությունները ինկուբատոր հիմնադրամը՝ իր Հայ-հնդկական ՏՀՏ գերազանցության կենտրոնի հետ համատեղ: 

 

Մասնակիցների թվում էին հանրակրթական դպրոցների 11-րդ ու 12-րդ դասարանի շրջանավարտներ և ԲՈՒՀ-երի 1-ին և 2-րդ կուրսի ուսանողներ՝ թվով շուրջ 78 հոգի:

 

Ամառային դպրոցի հիմնական ծրագրում ներառված էին դասախոսություններ մեքենայական ուսուցում կամ ինքնուս համակարգերի, Գալուայի տեսության տարրերի, ֆինանսական մաթեմատիկայի ներածութան, դիֆերենցիալ հավասարումների տեսության ներածության, Ֆուրիեի անալիզի և կիրառությունների վերաբերյալ:  Բացի այդ դպրոցի 12-օրյա ծրագիրը ներառում էր սեմինար-պարապմունքներ կոմբինատոր վերլուծություն և կցման-արտաքսման եղանակի, հարթության վրա և տարածության մեջ գտնվող ուռուցիկ մարմինների, մաթեմատիկայի ու քաղաքակրթության և այլ թեմաներով:

 

‹‹Մաթեմատիկա և կիրառություններ›› ամառային դպրոցը կազմակերպվում էր առաջին անգամ: Նախատեսվում է, որ այն կկրի շարունակական բնույթ և կդառնա ամենամյա նախաձեռնություն:

 

Հայ-հնդկական ՏՀՏ գերազանցության կենտրոնը ՀՀ կառավարության և Հնդկաստանի կառավարության համատեղ ծրագիրն է, որը իրականացվում է Ձեռնարկությունների Ինկուբատոր հիմնադրամի (Հայաստան) և C-DAC կենտրոնի (Հնդկաստան) կողմից: Կենտրոնը ՀՀ կառավարության և Հնդկաստանի կառավարության համատեղ ծրագիրն է, որը իրականացվում է Ձեռնարկությունների Ինկուբատոր հիմնադրամի (Հայաստան) և C-DAC կենտրոնի (Հնդկաստան) կողմից: Կենտրոնում կազմակերպվում են ՏՏ ոլորտի նեղ մասնագիտական դասընթացներ, իրականացվում են գիտահետազոտական աշխատանքներ, հավաստագրում և խորհրդատվություն տարբեր թեմաներով:





Վերադարձ
Պատկերասրահ | Մեր մասին | Ծրագրեր | Ծառայություններ | Նորություններ | Հետազոտություններ | ՈՒղեցույցեր | Կապ | ԲԼՈԳ