Ընթացիկ Նորություններ

Միասին՝ արցախահայության համար

Համախմբման կոչ ՀՀ ողջ տարածքում գործող անհատներին, կառույցներին, մասնավոր ընկերություններին, որոնք ցանկանում են աշխատանքով ապահովել Արցախից բռնի տեղահանված մեր հայրենակիցներին։

Եթե Դուք գործում եք բարձր տեխնոլոգիաների, գյուղատնտեսության կամ հյուրընկալության ոլորտներում և նպատակ ունեք աշխատանքով ապահովել արցախահայերին՝ «Ձեռնարկությունների ինկուբատոր» հիմնադրամը «Հայաստանում աշխատուժի զարգացման» ծրագրի շրջանակում առաջարկում է կազմակերպել նրանց վերապատրաստման ԱՆՎՃԱՐ դասընթացներ։  

ԻՔ աքսելերատորի բնապահպանական քննարկում

Իրազեկում

Հարգելի քաղաքացիներ, տեղեկացնում ենք Ձեզ, որ «Առևտրի խթանման և որակյալ ենթակառուցվածքների» (ԱԽՈԵ), «Ինժեներական քաղաքի Աքսելերատորի շենքի կառուցում» Ծրագրի իրականացման շրջանակներում 28.09.2023 թվականին, ժամը 11։00-ին «Ձեռնարկությունների Ինկուբատոր» հիմնադրամի գրասենյակում նախատեսվում է իրականացնել հանրային իրազեկման հանդիպում՝ Ծրագրի մեկնարկի, նախատեսվող բնապահպանական և սոցիալական մեղմման միջոցառումների և այլ մանրամասների ներկայացման նպատակով։

Նոր ինովացիոն հեքեթոն՝ EIF-ի, ISTC-ի և Optym Արմենիայի նախաձեռնությամբ

17.04.2017


Ապրիլի 15-ից 16-ը տեղի ունեցավ նոր ինովացիոն հեքեթոն՝ EIF-ի, ISTC-ի և Optym Արմենիայի նախաձեռնությամբ


Optym Արմենիան, Ձեռնարկությունների ինկուբատոր հիմնադրամը (ՁԻՀ) և ISTC Նորարարական լուծումների և տեխնոլոգիաների կենտրոնն առաջին անգամ կազմակերպել էին «Smarter Transportation Data հեքեթոն»-ը, որն ամենաարդյունավետ միջոցն է տաղանդներ ներգրավելու, նրանց ստեղծագործական ներուժը բացահայտելու, ոլորտով հետաքրքված երիտասարդներին համախմբելու և շատ կարճ ժամանակահատվածում համատեղ նախագծեր իրականացնելու համար: 



«Smarter Transportation Data հեքեթոն»-ը կայացավ ապրիլի 15-ից 16-ը ISTC-ում: Միջոցառման գլխավոր հովանավորն էր Optym ընկերությունը, որը  հանդիսանում է տրանսպորտային ոլորտում որոշումների կայացման համակարգերի մշակման աշխարհի առաջատարներից և համագործակցում է այնպիսի հսկաների հետ ինչպիսիք են Fedex-ը, American Airlines-ը, General Electrics-ը և Amadeus-ը: Optym-ի գերազանցության կենտրոնը Հայաստանում ունի շուրջ 70 բարձրակարգ մասնագետ և նախատեսում է ընդլայնել իր ներկայությունը ՀՀ-ում։ Optym Արմենիան նախատեսում է իրականացնել մի շարք գիտական և կրթական ծրագրեր։


Մրցույթի իրականացման աջակիցներն էին՝ ԱՄՆ ՄԶԳ-ն և ՀՀ տրանսպորտի, կապի և տեղեկատվական տեխնոլոգիաների նախարարությունը: Հեքեթոնի նպատակն էր խթանել նոր գաղափարների գեներացումը և նպաստել ֆունկցիոնալ նախատիպերով նորարարական լուծումների ստեղծմանը տրանսպորտի ոլորտում՝ օգտագործելով ոլորտի առաջատար ապրանքանիշերի կողմից տրամադրված բազմազան տվյալների բազաներ, API-ներ և սարքավորումներ:    


Հեքթոնին գրանցվել էին ավելի քան 70 թիմ, որոնցից 33-ը հրավիրվեցին մասնակցելու մրցույթին և 24 ժամ աշխատեցին իրենց ծրագրերի վրա։ 


Հեքեթոնի առաջին օրը՝ ապրիլի 15-ին, թիմերը հնարավորություն ունեցան մասնակցելու տրանսպորտային ոլորտին նվիրված ‹‹Smart Talk››-երի, որի ընթացում ելույթ ունեցան՝

  • Արթուր Ղուլյան՝ Optym Արմենիա
  • Բագրատ Ենգիբարյան՝ Ձեռնարկությունների ինկուբատոր հիմնադրամ
  • Սարգիս Մանուկյան՝ Երևանի քաղաքապետարան
  • Պունիթ Շարմա՝ Optym Արմենիա
  • Խաչատուր Գրիգորիան՝ ggTaxi
  • Վահան Քերոբյան՝ menu.am

«Smarter Transportation Data հեքեթոն»-ի հաղթող ճանաչվեցին՝

  1. Ամենանորարարական լուծում՝ ֆունկցիոնալ նախատիպով անվանակարգում՝չDNS թիմը, որը առաջարկել էր Երևանում հեծանվային տրանսպորտի համատեղ օգտագործման լուծում՝ հիմնված տվյալների վերլուծության վրա։ Մրցանակը՝ 4000 ԱՄՆ դոլար:
  2. Լավագույն բիզնես կոնցեպտ/գաղափար անվանակարգում՝Appress թիմը, իր AutoPi լուծումով։ Այն մինի համակրգիչ է, որը միացվում է ավտոմեքենային և տրամադրում մի շարք տվյալներ իրական ժամանակում որոշումներ իրականացնելու համար։ Մրցանակը՝ 2500 ԱՄՆ դոլար: 
  3. Հայաստանի համար ամենաարժեքավոր լուծում անվանակարգում՝Babylon թիմը, ովքեր իրականացրել էին Երևանում ռեստորաններից սնունդի առաքման տվյալների վերլուծություն և առաջարկել machine learning-ի վրա հիմնված ավելի խելացի առաքման եղանակ: Մրցանակը՝ 1500 ԱՄՆ դոլար:

Իրենց լուծումները մշակելու համար մասնակիցները օգտագործել են հանրայնորեն հասանելի կամ Optym, Menu.am և GGTaxi ընկերությունների կողմից տրամադրված տվյալների բազաները: 


Լուսանկարների արխիվը՝ այստեղ։




Վերադարձ
Հետադարձ կապ | Մեր մասին | Ծրագրեր | Ծառայություններ | Նորություններ | Հետազոտություններ | ՈՒղեցույցեր | R&D Էկոհամակարգ | ԲԼՈԳ