Ընթացիկ Նորություններ

Միասին՝ արցախահայության համար

Համախմբման կոչ ՀՀ ողջ տարածքում գործող անհատներին, կառույցներին, մասնավոր ընկերություններին, որոնք ցանկանում են աշխատանքով ապահովել Արցախից բռնի տեղահանված մեր հայրենակիցներին։

Եթե Դուք գործում եք բարձր տեխնոլոգիաների, գյուղատնտեսության կամ հյուրընկալության ոլորտներում և նպատակ ունեք աշխատանքով ապահովել արցախահայերին՝ «Ձեռնարկությունների ինկուբատոր» հիմնադրամը «Հայաստանում աշխատուժի զարգացման» ծրագրի շրջանակում առաջարկում է կազմակերպել նրանց վերապատրաստման ԱՆՎՃԱՐ դասընթացներ։  

ԻՔ աքսելերատորի բնապահպանական քննարկում

Իրազեկում

Հարգելի քաղաքացիներ, տեղեկացնում ենք Ձեզ, որ «Առևտրի խթանման և որակյալ ենթակառուցվածքների» (ԱԽՈԵ), «Ինժեներական քաղաքի Աքսելերատորի շենքի կառուցում» Ծրագրի իրականացման շրջանակներում 28.09.2023 թվականին, ժամը 11։00-ին «Ձեռնարկությունների Ինկուբատոր» հիմնադրամի գրասենյակում նախատեսվում է իրականացնել հանրային իրազեկման հանդիպում՝ Ծրագրի մեկնարկի, նախատեսվող բնապահպանական և սոցիալական մեղմման միջոցառումների և այլ մանրամասների ներկայացման նպատակով։

Գաղափարների մրցույթ «Sensorial Xplorers»

 

ՀԱՅՏԱՐԱՐՈՒԹՅՈՒՆ

Գաղափարների մրցույթ «Sensorial Xplorers»՝ պատկերացնելով մարդու զգայական ընկալումների ապագան


 

Հրավիրում ենք բոլոր նորարարների, արվեստագետների, գիտնականների և տեխնոլոգիաների սիրահարների ուշադրությունը․ «Sensorial Xplorers» մրցույթի մասնակցության հայտերն արդեն ընդունվում են:

 

Պատկերացրեք մի աշխարհ, որտեղ սրվում են բոլոր զգայարանները՝ թույլ տալով տեսնել, լսել, շոշափել, համ և հոտ զգալ անհավանական խորությամբ և հստակությամբ:

 

«Ձեռնարկությունների ինկուբատոր» հիմնադրամը հայտարարում է բեկումնային նախագծերի մրցույթ՝ փնտրելով գաղափարներ, որոնք կընդգրկեն տեսողության, լսողության, հպման, համի և հոտի զգայությունների շրջանակը:

 

Հրավիրում ենք բոլոր ստեղծարարներին միանալու մեզ՝ բացահայտելու զգայական փորձառությունների ուժը և կերտելու նորարարությունների և հայտնագործությունների ուղին:

Արվեստի, գիտության և տեխնոլոգիական ոլորտների փորձագետներից ձևավորված մեր փորձառու գնահատողների խումբը  կգնահատի յուրաքանչյուր հայտ՝ հիմնվելով գաղափարների կրեատիվության, իրագործելիության, նորարարության և հնարավոր արդյունավետության վրա:

 

Ինչպե՞ս մասնակցել՝

  • Կազմեք Ձեր ստեղծագործական թիմը կամ դիմեք անհատապես,
  • Մշակեք Ձեր եզակի գաղափարը՝ կենտրոնանալով զգայարանների, հույզերի և տրամադրության փոփոխության ինտենսիվացման վրա,
  • Նախապատրաստեք Ձեր գաղափարի կամ նախատիպի կոնցեպտի առանձնահատկությունը ներկայացնող նյութ՝ նախընտրելի ձևաչափով (պրեզենտացիա, տեսանյութ, այլ),
  • Մինչև օգոստոսի 17-ը ներառյալ լրացրեք առցանց հայտաձևը։

Ծանուցում. Տեղեկացնում ենք, որ հայտաձևը լրացնելու համար անհրաժեշտ է ունենալ Google-ի հաշիվ։

 

 

«Sensorial Xplorers» մրցույթի ընթացակարգը.


Փուլ 1. Նախնական ընտրության փուլը հաղթահարած անհատները/թիմերը կհամագործակցեն տարբեր փորձագետների հետ՝ աշխատարանների միջոցով իրենց գաղափարները կատարելագործելու նպատակով:

 

Փուլ 2.  Ընտրված գաղափարները կյանքի կկոչվեն նորագույն AR/VR տեխնոլոգիաների կիրառմամբ՝ բացահայտելու համար գաղափարների զգայական ազդեցության ներուժը։

 

Փուլ 3. Հաղթող նախագծերը, որոնք կներկայացնեն զգայական բացառիկ փորձառություններ, կպարգևատրվեն մրցանակային հետևյալ անվանակարգերում.

  • «Մտապատկերային տեսողական լուծումներ» ("Visionary Visuals")՝ այն գաղափարների համար, որոնք կառաջարկեն մարդու տրամադրության վրա ազդող տեսողական յուրահատուկ լուծումներ:
  • «Լավագույն բազմազգայական փորձառություն» ("Best Multi-Sensorial Experience")՝ այն գաղափարների համար, որոնք կհամատեղեն բազմաթիվ զգայարաններ՝ ապահովելով խորը և հուզական փորձառություններ։
  • «Ամենաեզակի զգայական փորձառություն» ("The most unique sensorial experience")՝ այն գաղափարների համար, որոնք խորը և եզակի ազդեցություն կունենան մարդկային հույզերի և զգացողությունների վրա:

Նշենք, որ «Sensorial Xplorers»-ի յուրաքանչյուր անվանակարգի մրցանակային ֆոնդը 1,200,000 ՀՀ դրամ է (ներառյալ բոլոր հարկերը, տուրքերը և այլ պարտադիր վճարները)։

 

Բաց մի’ թողեք այս հնարավորությունը, դարձե՛ք «Sensorial Xplorers»-ի մի մասը՝ ձևավորելով մարդկային ընկալումների և փորձառությունների ապագան:

 

Եկե՛ք բացահայտենք մարդկային զգայարանների ուժն արվեստի, գիտության, տեխնոլոգիաների միջոցով: Միասին կհատենք հնարավորի սահմանները և կստեղծենք աննախադեպ զգայական փորձառություններ, որոնք կունենան համաշխարհային արձագանք:

 





Վերադարձ
Հետադարձ կապ | Մեր մասին | Ծրագրեր | Ծառայություններ | Նորություններ | Հետազոտություններ | ՈՒղեցույցեր | R&D Էկոհամակարգ | ԲԼՈԳ